De Vorsterman Bijbel

[p. V6r]

[kolom]

§ Hier beghint die Propheet Amos.

§ Hoe dwoort Gods van Sion briesscen sal, ende Gods stemme in Ierusalem, van die verwoestinge der .xij. gheslachten Van die wrake Gods tegen die .iij. lantscappen die hi niet en bekeerde, want si hadden geuangen ende gehuert de geuangene van Israel tegen Ammons kinderen door die deylinge.

§ Dat .i. Capittel.

1

⁺DIe woorden van Amos (die onder dye schaepherderen van Thecua was) die welcke hi op Israel ghesien heeft, inden daghen ^* Osie) des Conincs van Iuda, ende in dye daghen van Ieroboam, Ioas sone des Conincs van Israel twee iaer voor die aertbeuinghe, ⁺ ende heeft gheseyt.

+ A

* th. Vzia

+ Iere. xxv.f Iohel. v.c

2

Die HERE sal van Sion briesschen, ende van Ierusalem sal hi zijn stemme gheuen. Ende ^* die schoone wooninghen der herderen hebben geweent, ende dat opperste des berchs Carmeli is verdroocht)

* th. der herderen wooningen sullen weenen ende de opperste des berchs Carmel sal verdorren

3

Dit seyt dye HERE. ^* Opten drie misdaden van Damasco, ende op die vier en sal ic hen niet bekeeren) want si metten yseren dorsch wagenen, Galaad ghedorschet hebben.

* th. Ic sal damasco drie scalcheden vergeuen, na de iiij. en sal icse nymmermeer opnemen

4

In Azaels huys sal ic een vier seynden, ende het sal Benadabs ^* huys) verslinden.

* th. pallays

5

Ende die grendelen van Damasco, sal ic in stucken breken, ende den inwoonder des ^* velts der afgoden) sal ick verstroeyen, ende den ghenen die den scepter houdt vanden huyse ^* der weelden) ⁺ Ende dat volc van Sirien sal ouer geuoert worden tot Cyrenen, seyt die HERE.

* th. dals Auen

* th. Eden

+ B

6

Die HERE seyt dese dinghen. ^* Opten drie sonden van Gasa, ende op die vier en sal ic hem niet bekeeren) om dat si de volmaecte gheuangenisse ouerghebracht hebben, op dat sise in Idumeen besluyten souden.

* th. Ic sal gasa .iij. scalcheden vergeuen na de vierde en sal icse nemmermeer op nemen

7

Ende ic sal inden muer van Gasa een vier seynden, ende tsal haer ^* huysen) verslinden,

* th. pallaysen

8

ende den inwoon-

[p. V6v]

der van Azato, ende die den scepter van Ascalon houdt, sal ic verderuen. ⁺ Ende ic sal mijn hant op Accaron ^* keeren) ende alle die ouerbleuene der Philistinen sullen vergaen, seyt die ^* HERE god)

+ C

* th. wtstrecken

* th heerscappende Here.

9

Dit seyt die HERE ^* Opten drie zonden van Tyri, ende opten vieren en sal ic hen niet bekeeren) Om dat si die volmaecte geuangenisse in Idumeen besloten hebben, Ende en hebben des verbonts haerder broederen niet gedachtich geweest.

* th. Ic sal zor drie scalcheden vergeuen na die vierde en sal icse nimmermeer opnemen.

10

Ende ic sal inden muer ^* Tyri) een vier seynden, ende het sal zijn ^* huysen) verslinden.

* th. zor

* th. pallaysen

11

Dit seyt de HERE ^*. Opten drie sonden van Edom, ende opten vieren en sal ic hem niet bekeeren om dat hi sinen broeder metten swaerde veruolcht heeft, ende heeft ^* zijn genade gebroken) ende heeft sinen toorn langen tijt gehouden, ende zijn gramscap heeft hi ghehouden tot int eynde.

* th. ic sal edom drie scalcheden vergeuen na die vierde en sal icse nymmermeer opnemen.

* th. zijnder moder lichaem verdoruen

12

Ic salt vier seynden in Theman, ende het sal verslinden die ^* huysen) van Bosra.

* th. pallaysen.

13

Dit seyt die HERE. ^* Opten drie sonden der sonen van Ammon, ⁺ ende opten vieren en sal ic hem niet bekeeren) Daerom want hi heeft opghesneden dye vrouwen die kint droegen van Galaad, om te verbreyden zijn palen.

* th. ic sal .iij scalcheden ammons kinderen vergeuen, na die vierde en sal icse nymmermeer opnemen.

+ D

14

Ende ic sal ontsteken een vier in die muere Rabba, ende het sal verslinden zijn ^* huysen) in huylinge inden dach des strijts. Ende in een onweder inden dage ^* der beroeringen.

* th. pallaysen

* th. des onweders dat haer coninc

15

Ende Melchon) sal gaen in die gheuangenisse, hi ende zijn princen tsamen, seyt die HERE.

§ Dwoort gods der wraken tegen Moab om haerder wreetheden wille tegen Iudam ende Ierusalem, om die versmaetheit der wet, om die afgoderie, van gods weldaden, ende van des volcx ondancbaerheit.