De Vorsterman Bijbel

§ Dat .xiij. Capittel.

1

⁺DOen Ephraim sprac ^* viel die vreese op Israel) ende heeft aen Baal gesondicht, ende hi is gestoruen.

+ A

* th. datmen daer af beefde wert hy een here in Israel.

2

Ende si hebben nv daer toegedaen, ende gesondicht, ende si hebben van haeren siluere een gegoten beelt gemaect na die gelikenisse haerder afgoden, dat niet dan wercken der constenaren en zijn. ⁺

⁺ Tot desen seggen si. Ghi menschen, offerende aenbidt de calueren.

+ Esa. xliij.b

+ B

3

Daerom sullen si als een morgen wolcke zijn, ende voorby gaende, als een morgen dauwe, Ende als stof dat op genomen wort vanden stormenden wint vanden vloer, ende als eenen rooc des scoorsteens.

4

Ic ben die HERE v God, wt den lande van egipten aen, ende ghi en sult gheenen God bekennen behaluen mi, Ende daer en is gheen behouder anders dan ic.

5

Ic heb v inder woestinen ghekent, in dat ^* woeste) landt.

* moyelic

6

Bi haer weyden zijn si veruult ende versaet, ⁺ Ende si hebben haer herte verheuen, ende hebben mijns vergeten.

+ C

7

Ende ic sal hen als een ^* leeuwinne) zijn, ⁺ ende als een ^* lupaert) inden wech van Assyrien.

* th. lupaert

+ Pro. xvij.b

* th. panther

8

Ic sal hen als een beer die zijn ionghen genomen zijn, te gemoete loopen, ende ic sal dat ^* binnenste haerder leueren) verscoeren. Ende ic salse daer vernielen ghelijc een leeu, Die beesten des ackers salse deylen

* th. haer verstoct herte

9

^* V verderffenisse o Israel, v behoudenisse is alleen in mi)

* th. O israel ghy hebt v seluen verdoruen, want ick ben alle wege in uwer hulpe gheweest

10

Waer is v Coninc? Nv laet hem v aldermeest behoeden, in alle uwen steden. ⁺ Ende v rechters, dat ghi spraect. Geeft mi eenen coninc, ende gheeft mi princen?

+ D

11

^* In mijnder gramscap sal ic v een coninc gheuen ende in mijnder gramscap weder afnemen).

* th. Doen gaf ic v eenen coninc in mijnder gramscap ende in mijnder gramscap sal ic hem weder wech nemen

12

Ephraims boosheyt is tsamen ghebonden, zijn sonde is verborgen.

13

Op hem sullen die smerten comen, van eender vrouwen die baert Hi is een onwijs sone, Want hy sal in dye ^* verdruckinghe der sonen) niet staen mogen

* th. moederstede der kinderen.

14

Ic salse van die handt ^* des doots) verlos-[kolom]sen, vander doot sal icse verlossen. ^* O doot ic sal v doot zijn, o helle ic sal uwen beet zijn Van mijn oogen is die troostinge verborgen

* th. der helle

* th. O doot waer is uwe plage, o helle, waer is uwe prickel, Ende dit en sal mi nemmermeer berouwen.

15

want hi tusschen die broederen ^* deelet). Die HERE sal daer om eenen bernenden wint brengen, opclimmende vander woestinen, ende sal zijn aderen verdroogen, ende zijn fonteynen verderuen, ende den scat der begeerliker baten sal hi wechnemen.

* th. verwildinge maket

§ Hoe Samarien vernielt sal worden, ende vermaent tot god te keeren, ende hem te belijden. Ende den bekeerden veel goets beloeft hi, ist dat si niet weder en keeren tot sonden