De Vorsterman Bijbel

§ Dat .xij. Capittel.

1

⁺EPhraim voet den wint, ende hi volcht ^* die hitte) Al den dach vermenichfuldiget hi die lueghentael, ⁺ ende die verwoestheyt Ende hi heeft met Assirien een verbont gemaect Ende hi droech olye in Egipten.

+ A

* the. den oosten wint

+ Genesis. xxv.c genesis. xxxij.f

2

Hierom is een oordeel des HEREN met Iuda, ende zijn versoeckinghe op Iacob. Hi sal hem naer alle zijn wegen, ende versieringen betalen.

3

⁺Hi heeft inden buyck, sinen broeder, onder die voet getreden. ^* Ende hi is in zijnder stercheit gheschict voorspoedich met den enghel)

+ B

* th. in zijnder stercheyt metten engel ghestreden

4

Ende hi is den engel te bouen ghegaen, ende hi is ghesterct. Hi heeft geweent, ende gebeden, In Bethel heeft hi hem gheuonden Ende daer heeft hy met ons ghesproken.

5

Ende God die HEERE der heyrscharen, dye HERE is zijn gedachtenisse

6

Ende ghi bekeert v totten HERE uwen God. ⁺ Bewaert dye bermherticheit, ende dat oordeel, ende hoept altijt op uwen God.

+ C

7

^* Chanaan) in zijnder hant is een valsce waghe, hi heeft ^* des onsculdighen beclappinghe) bemint.

* th. die coopman

* th. ghewelt

8

Ende Ephraim heeft gheseyt. ^* Nochtans ben ic rijc gheworden, ic heb my eenen afgod geuonden. Al mijn arbeyden en sullen mijn boosheyt niet vinden, die ic ghesondicht hebbe)

* th god geue dat ick rijck worde ende goet crijge noch soo en mogen si my onder al minen arbeit gene misdaet opbrengen die sonde hieten mach

9

Ende ick ben dye HEERE v God, wten lande van Egipten aen, Ick sal v noch doen sitten inden tenten, als inden ^* dach des hoochtijts).

* th. voorleden tijt.

10

Ende ic heb ghesproken tot die propheten, ende ic heb dye visioenen vermenichfuldicht, ende door die hant der propheten gelijkenissen gegeuen.

11

Ist dat Galaad

[p. V4v]

^* een afgod is, so waren si dan te vergeefs den ossen offerende in Galgal. Want ooc haer outaren waren als hoopen op die voren des ackers)

* th te niet geworden is dat is om dat si so ydel gheworden zijn. Tot Gilbal hebben si die ossen geslagen, ende so vele steenen als op de acker voren zijn moghen, so veel altaren hebben si.

12

Iacob is int lantscap van Syrien gheuloden, Ende Israel heeft om een vrouwe gedient. Ende om een vrouwe ^* diende hi)

* th. hoede hi die scapen

13

Die HERE heeft Israel door eenen propheet wt Egipten geleyt, ende door eenen propheet is israel behouden,

14

Ephraim heeft mi verwect tot toornicheit ^* door zijn bitterheden) ende zijn bloet sal op hem comen. Ende die HERE zijn God sal hem sinen lachter vergelden.

* th. dat hem bitter sal wesen

§ Van Ephraims afgoderie, ende van god diese veruolcht Ende dat god alleen helpen mach, ende dat hi der zonden gedenct Ende dat hise van des doots gewelt verlossen sal Ende die doot, ende helle vernielen sal.