De Vorsterman Bijbel

§ Dat .x. Capittel.

1

⁺EEn ^* wijnstoc met vele bladeren) is Israel, ende die vrucht is hem gelijc, Na die menichte zijnder vruchten heeft hi altaren vermedichfuldicht, na ^* vruchtbaerheyt) zijns lants heeft hi oueruloedich geweest in ^* afgoden,)

+ A

* theb. leghe wijnstoc

* the. goetheyt

* h. calomnen

2

Haer herte is gedeylt, nv sullen si vergaen, Hi sal haer ^* afgoden) breken, ende hi sal haer ^* altaren) verderuen,

* the. altaren

* theb. opgerechte steenen

3

want nv sullen si seggen, Wi en hebben gheenen coninc, want wy en vreesen den HERE niet, Ende wat sal ons die coninc doen?

4

^* Spreect woorden des onnutten gesichts, ende ghi sult een verbont maken met der luegenen, ende hi) sal doordeel voortbrengen als bitter cruyt, op dye voren des ackers,

* the. Si hebben hen te samen beraden, onnuttelic gesworen ende hen tsamen verbonden noch.

5

Dye inwoonders van Samarien hebben ^* die coeyen van BethAuen geeert) Want zijn volck heeft op hem geweent, ende die bewaerders ^* hebben op hem verblijt in zijnder heerlicheyt, want hi is van hem wech gegaen,

* th. in sorgen gheweest, om der calueren wille, van BethAuen

* th. die wilen van hen verhuechden, om dat hen nv haer heerlicheit wech gheuoert is, want tcalf

6

Want hi) is in Assirien gedragen tot een gifte den coninc ^* den wreker) Bescaemtheyt sal Ephraim vangen, ⁺ ende Israel sal bescaemt worden in sinen ^* wil)

* th. Iareb.

+ B

* the. voornemen

7

Samarien heeft sinen coninc ^* doen ouergaen) als scuym opt opperste des waters,

* the. te nyet gedaen

8

Ende die hoocheden ^* des afgods) sullen verstroyt worden, ende die sonde van Israel, Clissen ende dijstelen sullen op haeren altaren opclimmen, Ende si sullen segghen den bergen, bedect ons, ende den hueuelen, valt op ons,

* theb. Auen

[p. V4r]

9

^+* Wt den dagen Gabaa heeft Israel gesondicht) Si hebben daer ghestaen, den strijt ^* en salse in Gabaa niet beuanghen, op die sonen der boosheyt)

+ C

* th. Sint Gabaa dagen aen hebdi o Israel gezondicht

* th. en conden si metten vermetenen kinderen van Gabaa niet beuanghen.

10

Ic salse straffen na mijn begeerte. Die volcken sullen op hen vergaderen, ^* als si gestraft worden, om twee haerder boosheden)

* th. als icse inspanne tot. ij. voren.

11

Ephraim is als een veerse, gheleert die dorscherie lief te hebben, ende ick ^* hebbe op die scoonheit van haeren halse ouerghegaen. Ic sal op Ephraim climmen, Iudas sal ackeren, ende Iacob sal eggen)

* the. sal hem ouer sinen teren hals varen. Soude ic doen dat ephraim op andere dede, Iuda op andere ploechde ende Iacob egge

12

Saeyt in rechtuaerdicheyt, ende mayet inden mont der bermherticheit, Vernieuwet v nieuwe ^* vruchten) Want het is tijt den HEERE te soecken, ^* als hi) comen sal die v rechtuaerdicheit leeren sal.

* th. braeclant

* h. tot dat hi

13

Ghi hebt onghenade gheackert, ende boosheit ghemaeyt, ende vrucht der lueghenen gheten. Want ghi hebt op uwe weghen betrout, ende op dye menichte uwer stercker,

14

⁺So sal in v volc een gheruchte opstaen, ende alle v stercten sullen verdoruen worden ^* so Salmana verdoruen is vanden huysghesinne des ghenen die Baal wrack, ende veroordeelde inden strijdtdach, doen) die moeder gheclopt wert op die kinderen ⁺

+ D

* h. ghelijc inden tijdt des crijschs een verwoestinge wten lagen alsmen vreede hoept oplopet dat

+ Iudicum .vi.f

15

^* also heeft Bethel gedaen vanden aenschijn der boosheit uwer scalcheden).

* th. desgelijc o Beth sal hi ooc met v omgaen, om uwer boosheit wille.

§ God vertelt hier zijn weldaden, ende hi straft Israels ondancbaerheit, Ende hi vertelt eens vaders beweghenisse int straffen des volcs van Israel, Van Christus toecoemst, ende vanden roep der wtuercorenen.