De Vorsterman Bijbel

§ Dat .ix. Capittel.

1

⁺O Israel, en wilt niet verblijden noch vrolicheyt thoonen als dat volck, Want ghi ouerspel ghedaen hebt van uwen God, Ghi hebt lief ghehadt den loon ^* bouen alle dorschuloeren der tarwen)

+ A

* th. by allen coren schueren.

2

Die dorschuloer) ende die wijnpersse en salse niet voeden, ende die ^* wijn) sal hen ^* liegen)

* the. most

* the. faelen. Si en sullen in des Heeren lant niet woonen, Maer Ephraim sal in Egypten trecken, ende in der Assyriers landt donreyne moeten eten

3

Si en sullen int lant des HEREN niet woonen, Ephraim is weder gekeert in Egipten, ende heeft onreyn dinc geten, onder die van Assirien)

4

Si en sullen den HERE niet offeren wijn, ende en sullen hem niet behagen, Haer offeranden sullen zijn, als broot der genen dye bescreyen. ⁺ Alle die ghene diet eten, sullen besmet worden, Want haer broot ^* is haerder sielen, si en sullen) niet comen in thuys des HEREN,

+ B

* th. behoort alleen voor hen, ende ten sal

5

Wat suldy doen opten ^* vierdach, inden) dach der feesten des HEREN,

* th. hooghe feestdach, ende opten

6

Want siet ^* si zijn gereyst vander verwoestenisse,) Egypten salse vergaderen, ende ^* Memphis) salse begrauen, Haer begeerlike siluer, sal die netele te erue nemen, ende die clisse in haeren wooningen,

* th. si sullen reysen, om dier vernielinge wille

* the. Moph

7

Die dagen haerder versoeckinghe, zijn gecomen, die dagen der betalingen zijn gecomen, ^* Weet dat Israel sodt is eenen rasenden propheet ende een geestelic man, Om der veelheyt uwer boosheyt, sal die veelheyt der raserijen zijn)

* the. dat sal Israel wel weten, Dye Propheet sal een sodt worden, ende die man des gheests een rasende om die menichte uwer zonden, ende ws haets

8

Die wachter van Ephraim, is met minen ^* God een propheet) eenen stric des hals is hi geworden, op al zijn weghen ^* Raserije) is den huise zijns Gods.

* th. afgod den Prophete.

* theb. Haet.

9

Si hebben diep gezondicht als inden dagen Gabaa, Hi sal haerder boosheit gedencken, ende hi sal haer sonden versoecken

10

Als een wijnbesie heb ick, Israel inder woestinen gheuonden, als die eerste vruchten des vijchbooms ^* in zijn hoochste heb ict ^* haer) vaderen gesien. Maer tot ^* Beelphegor) zijn si [kolom] ingegaen ende ^* zijn veruremt in) beschaemtheyt, Ende zijn versmadelijc geworden, als die dingen die si lief gehadt hebben

* th. aen haer beginsel.

* thebr. uwe

* theb. BaalPeor

* th. hebben hen gesceyden totter

11

^* Ephraim is wech geulogen als een vogel, Haer heerlicheyt is vander geboorten ende vanden buyc, ende vander ontfanckenisse)

* the. Ephraims heerlicheyt sal wech vliegen gelijck een vogel, een deel vander ghebuerte, een deel vander moeder lichaem ende een deel vander ontfanckenis aen.

12

Ende al ist ooc dat si haer sonen voeden, ic salse sonder kinderen maken onder die menschen, Maer ooc wee hen als ic sal gaen van hen,

13

So ic heb gesien Ephraim was ^* Tyrus) in schoonheyt gesticht, Ende Ephraim sal zijn sonen wtleyden, tot den dootslager.

* th. zor.

14

Gheeft hen HEERE, Wat suldi hen geuen? Geeft hen een ^* vrouwelicheyt sonder kinderen) ende verdroochde borsten,

* the. een onuruchtbaere lichaem. Ten is niet int heb

15

⁺Alle haer schalcheden in Galgala, want daer heb icse gehaet

Om die boosheyt haerder versieringhe, sal icse wt mijn huys worpen, Ick en sal daer niet toedoen dat ickse sal meer lief hebben, Want alle haer princen zijn af gegaen.

+ D

16

Ephraim is geslagen, ende haer wortel is verdrooget, Si en sullen gheen vrucht maken. Ende ist dat sise voortbrenghen, soo sal ic die alderliefste haers buycs dooden,

17

^* Die HEERE) mijn god salse wech worpen, want si hem niet gehoort en hebben, daerom sullen si dwalende verstroeyt zijn, onder die ^* gheslachten)

* § Dat is een onuruchtbaer wijnstock

* th. heidenen

§ Van die groeyende Israel den wijngaert, ende dat Israel verwelct sal worden.