De Vorsterman Bijbel

§ Dat .viij. Capittel.

1

^+* IN uwer kelen sal een basoene zijn) ghelijc een arent op thuys des HEEREN om dat si mijn verbont ouergetreden hebben, ende hebben mijn wet ouerghetreden,

+ A

* theb. roept wt uwer kelen, met eender basoenen, want hy is

2

Si sullen mi aenroepen, Mijn Godt, wi volc van Israel, hebben v bekent.

3

⁺Israel heeft tgoet van hem gheworpen, des sal die viant hem veruolgen,

+ B

4

Si hebben ^* geregeert) ende niet wt mi, si hebben princen ^* geweest) ende ic en hebse niet bekent. Haer gout ende siluer hebben si tot afgoden gemaect, op dat si vergaen souden.

* th. coningen ingeset.

* th. vercoren

5

V calf is wech gheworpen, o Samarien, Mijn gramscap is toornich geworden tegen hen, Hoe lange en hebben si niet gereynicht mogen worden.

6

Want tis wt Israel. Die constenaer heeft tcalf gemaect Ende ten is geen god ⁺ Want in ^* spinnegheweb) sal tcalf van Samarien veranderen,

+ C

* th. tot voncken

7

Want si ^* sullen wint zaeyen ende) onweder maeyen, ^* Een stroo staende, in hen en is gheen vrucht, ende ten sal gheen meel maken,) Ende ist sake dattet doet, die vremde sullent eten.

* th. hebben den wint gezaeyt, ende sullen

* th. haer zaet en wort niet tijdich, ende haer vruchte en sal geen meel geuen.

8

Israel is verslonden, ende geworden onder die ^* geslachten) als een onreyn vadt,

* heidenen

9

Want si op geclommen zijn tot dien van Assirien ^* Ephraim is hem seluen, als een eenich wilt ezel, Sy hebben haeren liefhebbers gauen gegeuen,

* th. gelijc een wildt ezel, Ephraim heeft hem seluen boelleerders bestelt ende al worden onder den heydenen gegheuen, ende soo sal ickse tot haerder tijt wederom verghaderen. Maer si moeten eerst een weynich cranc worden.

10

ende oock die

[p. V3v]

geslachten hebben si met loon gehuert, Ic salse nv vergaderen, ende si sullen een weynich rusten) vanden last des conincs ende der princen.

11

Want Ephraim heeft vermenichfuldicht die altaren, om te sondighen, Ende die altaren zijn hem geworden tot misdaet,

12

Ic ^* sal hem scriuen) mijn wetten menigerley, ^* die als vremde zijn gerekent,) ⁺

* th. screef hem

* the. hi hieltse als vremde

+ Malach. ij

13

Si sullen ^* offerande offeren, si sullen vleesch offeren, ende etent,) ende die HERE en salse niet ontfangen, Nv sal hy haer misdaet ghedencken, ende sal haer sonden versoecken, si sullen gekeert worden in Egypten,

* thebr. mijn brantoffer slaen ende sullent vleesch selue eten

14

Ende Israhel heeft vergheten zijns makers, ende heeft ^* tempelen) der afgoden getimmert Ende Iuda heeft vermenichfuldicht veel vaste steden, Ende ick sal een vier in sinen steden seynden, ende tsal verslinden zijn huysen

* the. zalen

§ Van die dierte ende honger van Samarien, Ende die verworpinge der offerhanden, Ende dat Israel sal geuangen worden, ende verstroeyt, om dat si God niet hooren en wilden