De Vorsterman Bijbel

§ Dat .iiij. Capittel.

1

⁺HOort dat woort des HEERE, ghi kinderen van Israel, want dye HERE heeft een oordeel met den inwoonders der aerden, Want daer en is gheen ^* waerheyt) noch bermherticheit, ende daer en is geen kennisse Gods opter aerden.

+ A

* th. trouwe.

2

Vermaledijnge, luegen, dootslach, diefte, ende ouerspel hebben bouen maten ouergeuloeyt. Ende deen bloet heeft dander geraect

[p. V2v]

3

Daerom sal daerde beweenen, ende al die daer inwoont ⁺, sal ^* cranc worden, Inden beesten des ackers, ende inden vogelen der locht, ende ooc de visschen der zee, sullen vergaderen).

+ Esa. lv.

* the. trueren Dye dieren ende geuogelte des hemels, ende de visscen der zee, sullen vergaen

4

Maer nochtans ^* een yegelijc en oordeele niet, ende een man en sal niet gestraft worden). Want v volc is als die gene die den priester weder seggen.

* th. die eene en straffe ende en scelde den anderen niet

5

Ende ghi sult huyden vallen Ende die propheet sal ooc met v vallen, Inder nacht heb ic v moeder ^* doen swigen)

* th. teniet gedaen

6

mijn volc ^* heeft geswegen om dat geen const gehadt en heeft), ⁺ want ghi die const verworpen hebt, so sal ic v verworpen dat ghi niet en sult gebruycken tpriesterscap in minen dienst. Ende ghi hebt die wet ws gods vergeten, ende ic sal uwer kinderen ooc vergeten.

* th. is van onwijsheit verdoruen

+ B

7

^* Na haer vermenichfuldicheyt so hebben si mi gesondicht). Haer eere sal ic verwandelen in bescaemtheit.

* the. hoe icse groter maecte hoe si meer tegen mi sondichden

8

Si sullen die sonden mijns volcs eten, Ende tot haer boosheit sullen si haer sielen opheffen,

9

⁺Ende al so tvolck, also sal die priester zijn, Ende ic sal op hem versoecken zijn wegen, ende ic sal hem zijn gedachten betalen. ⁺

+ C

+ Esa. xxiiij.

10

Ende si sullen eten ende niet sat worden. Si hebben gehoereert, ende niet ^* afgelaten), want si den HERE verlaten hebben ^* in niet te bewaren)

* the. vruchtbaer gheweest

* th. ende niet in achtinge gehouden

11

Hoererie, wijn, ende ^* dronckenscap) nemen dat herte wech.

* th. most

12

Mijn volc heuet sinen houte geuraecht, ende sinen stoc heeft hem ghebootscapt, Want die geest der oncuysheit heeftse bedrogen, ende si hebben hoererie gedaen van haeren God.

13

Opt opperste der berghen hebben si geoffert, ende op die hueuelen hebben si ontsteken ^* Thimiaen) onder den eyck, ende ^* populier ende terpentijnboom) want zijn scaduwe goet was. Daerom sullen v dochteren oncuysheyt doen, ende ^* v bruiden) sullen ouerspeelsters zijn.

* h. ruecwerc

* th. bercken ende lindenboom.

* th. uwer sonen wiuen

14

Ende ic en sal op v dochteren niet versoecken, ⁺ als si oncuysheit gedaen hebben, want si hebben metten gemeinen wiuen omgegaen, ende metten ^* vrouachtigen) geoffert. Ende tvolc ^* niet verstaende) sal geslagen worden,

+ D

* th. afgescheidenen

* th. dat niet verstaen en wilt

15

Ist dat ghi Israel hoererie doet, en wilt niet sondighen doch ghi Iuda, Ende en wilt niet ingaen in galgala, ende en climt niet op in Bethauen, noch en sweert niet ^* die HERE leeft).

* the. so waer als die here leeft

16

Want als een tuchtige koe, is Israel af geweeken. Nv salse die HERE voeden als een lam inder ^* breetheit)

* th. weyden

17

Ephraim is mede deelachtich der afgoden, verlaet hem.

18

Haer brassinge is ghescheyden met oncuysheit hebben si oncuysheit gedaen Haer bescermers hebben haer bescaemtheit begeert toe te brengen.

19

Die ^* geest) heeft hen in sinen vlogelen gebonden, ende in haer offerhanden sullen si bescaemt worden.

* th. wint

§ Dwoort Gods tegen die priesters die tvolc verleiden, ende [kolom] tegen dat verleyde volc, Ende dat si Gode metten offeranden niet en behagen, die hem metten wercken vertoornen