De Vorsterman Bijbel

§ Dat .iij. Capittel.

1

⁺ENde die HEERE heeft tot mi gheseyt. Gaet noch, ende hebt lief een wijf de bemint is van haeren vrient, ende een ouerspeelster, gelijc als die HERE lief heeft die kinderen van Israel, al ist dat si sien omme na vremde goden, ende beminnen die ^* wijn vaten der druuen),

+ A

* th. flesschen wijns

2

Ende ic hebse mi ^* gegrauen) om xv. silueren penningen, ende om een ^* Chorus gersten, ende een half ^* Corus) gersten.

* th. gecregen

* th. Chomer

* Chomer

3

Ende ic heb tot haer geseit. Vele dagen suldi mi verwachten. Ghi en sult geen ouerspel doen, ende en sult niet zijn met eenen anderen man, maer ic sal v ooc verbeyden.

4

Want die kinderen van Israel sullen vele dagen sitten sonder coninc ende sonder prince, ende sonder offerhande, ende sonder ^* altaer) ende sonder ^* Ephot, ende sonder Teraphim).

* theb. altaersteen

* the. lijfrock ende goden

5

Ende daer na sullen die kinderen van Israel weder keeren, ende soecken den HERE haeren God, ende Dauid haeren coninc, Ende sullen vreesen totten HERE, ende tot zijn goet, int laetste der dagen

§ Hoe die aerde verwoest wert, om des volcs sonden, ende hoe Israel verworpen wert. Ende hoe die priesters ghestraft werden.