De Vorsterman Bijbel

§ Dat .x. Capittel.

1

INden derden iare van Cyrus des conincs van Persen, is Daniel dat woort ontdect wiens binaem was Balthasar, ⁺ Ende dwoort was waer, ende ^* groote stercte), Ende hi heeft dat woort verstaen, ^* Want dat verstant is van noode inden ghesichte,

+ A

* theb. het is ooc noch eenen langen tijt daer af

* th. ende hi conde mercken wat dat gesichte was

2

In dien daghe), ic weende Daniel, die dagen van drie weken lanc,

3

ende begheerlijck broot en heb ic niet gegeten, Ende vleesch ende wijn en zijn niet gecomen in minen mont, Ende ic en ben ooc niet gesalft met salue, ⁺ Tot dat die dagen van drie weken zijn veruult.

+ B

4

Maer opten vier ende twintichsten dach vander eerster maent, was ic omtrent den grooten riuiere, die ^* Tigris) heet,

* h. Hidekel § Hidekel is een riuiere in Assiren diemen Tigris noemt.

5

ende ic heb mijn ooghen opgheheuen, ende ick sach. Ende siet, een man gecleet met linen cleederen, ende zijn lendenen opgeschort met ^* blinckenden) goude,

* th. goeden arabischen

6

ende zijn lichaem als ^* Chrisolijt), ende zijn aensicht als een gedaente van blixem, ende zijn oogen als een ^* barnende lampe,) ende zijn armen ^* ende die daer beneden zijn totten voeten), gelijck een gedaente van blinckenden metale, ende die stemme zijnder woorden was, gelijck die stemmen der menichten.

* h. Hiacinct

* th. viervlamme.

* th. ende zijn voeten.

7

Ende ic Daniel sach alleen [kolom] dat gesichte, Maer die mannen die met mi waren, en hebbent niet ghesien, maer zeer groote beuaertheyt is op hen geuallen, ende zijn geuloden int verborghen,

8

Maer ic alleen gelaten zijnde, hebbe dit groot gesichte gesien ende gheen crachte en is in mi gebleuen, Maer oock mijn gedaente is in mi verandert, ende ic ben flau geworden, ende ic en heb gheen cracht met allen gehadt,

9

Ende ic heb gehoort die stemme zijnder woorden, ende hoorende, lach ick verslagen, op mijn aensicht, ende mijn aensicht cleefde aen die aerde,

10

Ende siet, een handt heeft mi geraect, ⁺ ende heeft mi op mijn knien geheuen ende op die ^* leden mijnder handen.)

+ C

* theb. hant ballen

11

Ende hi heeft tot mi geseit Daniel, ^* man der begeerlicheden) verstaet die woorden, die ic daer spreke tot v, ende staet geheel op, want nv ben ick gesonden tot v. Ende doen hi mi dit woort geseyt hadde, stont ic beuende,

* th. een man diemen begheert

12

ende hi seyde tot mi, En wilt niet verzaecht zijn Daniel, want vanden eersten dage, dat ghi uwe herte hebt gestelt, om te verstaene, ende ghi v castidet int aenschouwen ws Gods, zijn uwe woorden vehoort, ende ick ben ghecomen, om uwe woorden,

13

Want die prince des rijcs der Persen heeft mi wederstaen een ende twintich daghen, Ende siet, Michael een vanden eersten princen is mi te hulpen gecomen, Ende ic ben daer gebleuen, bi den coninck van Persen.

14

Want ic ben gecomen, om dat ic v soude leeren, die dingen, die uwen volcke toecomende zijn in die laetste dagen, want dat gesichte ^* is noch in dagen)

* th. sal hem noch op lange daghen strecken

15

Ende als, hi mi met aldusdanigen woorden aensprac, heb ic mijn aensicht neder geworpen inder aerden, ende ic sweech,

16

Ende siet, als een gelijckenisse des menschen sone, ⁺ heeft mijn lippen geroert. Ende opdoende minen mont heb ic gesproken, ende ic seide tot hem die tegen mi stont, Mijn Heere in uwen gesichte zijn ontbonden die ^* bijnselen) mijnder leden, ende gheen crachte en is in mi gebleuen,

+ D

* the. sloten.

17

Ende hoe sal die knape mijns Heeren mogen spreken met minen Heere? want gheen crachte en is in mi gebleuen ende minen adem die wort mi ondersloten?

18

Wedrom een als eens menschen gesichte heeft mi ander werf geraect, ende heeft mi gesterct,

19

ende hi seyde, En wilt niet vreesen ^* man der begeerlicheden,) vrede si v, weest gesterct ende vroom.

Ende als hi met mi sprack, wert ick ghesterct, ende ic seyde, Spreect, mijn Heere, want ghi mi gesterct hebt,

* the. o man diemen begheert

20

Ende hi heeft geseyt, En weet ghi niet, waerom dat ic tot v gecomen ben? Ende nv sal ick wederkeeren, om te striden tegen den prince van Persen, Want doen ic wtginc, openbaerde hem die prince der Griecken comende,

21

Nochtans sal ic v bootscappen, dat

[p. T7r]

daer is geopent in die scriftuere der warachticheyt, Ende niemant en is mijn hulper, in alle dese dingen, dan Michael uwe prince.

§ Hoe die Engel Danieli voorseyt vanden Coningen van Persen, Ende vanden Coninck die Antechrist is die hem bouen God verheffen sal.