De Vorsterman Bijbel

§ Dat .ix. Capittel.

1

INden eersten iare van Darius des soons Assweri, vanden zade der Meden, Die gebot heeft gehadt, op dat rijcke der Caldeen,

2

inden eersten iare zijns rijcs, verstont ic Daniel inden boecken des getals der iaren vanden welcken dat tot Ieremiam den propheet gheschiet is, dat woort, dat die verwoestheyden van Ierusalem veruult sou-

[p. T6r]

den worden tseuentich iaren,

3

ende ic hebbe mijn aensicht ghestelt, tot Godt minen Heere te bidden, ende aen te roepen, met vasten met eenen sack ende asschen.

4

Ende ick hebbe gebeden tot den HEERE minen God, ende ick hebbe beleden, ende ic seyde, Ic bidde v Heere groote ende vreeselijc God, bewarende dat verbont ende die ontfermherticheyt, den ghenen die v vreesen ende die v gheboden verwaren.

5

Wi hebben ghesondicht, wi hebben onrechtuaerdicheit gedaen, ⁺ qualijc hebben wi gedaen, wi zijn wech gegaen, ende hebben afgegaen van uwen gheboden, ende van uwen oordeelen,

+ B

6

wi en hebben niet gehoorsaem geweest, uwen knechten den propheten, die gesproken hebben in uwen naem, tot onsen coningen, onsen princen, onsen vaderen, ende alle den volcke vanden lande,

7

O HERE die rechtuaerdicheyt behoort v toe, maer ons bescaemtheyt des aensichts, gelijct huyden ^* blijct den man) van Iuda, ende den inwoonders van Ierusalem, ende alle Israel, den ghenen die bi zijn, ende die verre zijn, in alle den landen, totten welcken ghi die hebt wtgeworpen, ouermits haer misdaden, metten welcken, si ghesondicht hebben tegen v.

* th. gaet eenen yegheliken

8

⁺O HEERE, Ons behoort toe beschaemtheyt des aensichts, onsen coningen, onsen princen, ende onsen vaderen, die ghesondicht hebben,

+ C

9

Ende v onsen Heere onsen Gode behoort toe ontfermherticheyt ende genadicheyt, Want wi zijn van v gegaen

10

ende wi en hebben niet ghehoort die stemme ons HEEREN ons Gods, op dat wi souden wandelen in zijn wet, die welcke hi ons heeft gestelt, door zijn knechten die propheten,

11

Ende alle Israel, heeft ouergetreden uwe wet, ende si zijn afghegaen, op dat si v stemme niet en souden hooren, Ende op ons is gedropen ^* vermaledijnge, ende versmadinge,) die daer geschreuen is in Moyses boeck des dienaers Gods, Want wi hebben hem gesondicht,

* th. den vloec ende den eet.

12

Ende hi heeft ^* gestelt) zijn woorden, die hi op ons gesproken heeft, ende op onse princen, die ons hebben geoordeelt, dat hi, op ons soude brenghen soo groote quaet, wiens ghelijck noyt gheweest en heeft, onder al den hemel, gelijck daer geschiet is in Ierusalem.

* theb. beuesticht

13

Ghelijck gheschreuen is in die wet van Moysi, Alle dat quaet is op ons gecomen, ende wi en hebben uwe aensichte niet aenghebeden, den HEERE onse Godt, dat wi weder keeren souden, ⁺ van onsen sonden, ende dat wi souden ^* ouerdencken) uwe waerachticheyt.

+ D

* th. verstaen Danie. ij.c.

14

Ende die HEERE heeft ^* ghewaect op die boosheit) ende hi heeftse op ons gebracht, Die HEERE onse God is rechtuaerdich in alle [kolom] zijn wercken die hi ghedaen heeft, Want wi en hebben zijn stemme niet willen hooren.

* the. gehaestet met dat ongheluck

15

Ende nv o Heere onse God, die v volc wt Egipten hebt gebracht, door een starcke handt, ende hebt v ghemaect eenen naem, tot desen daghe toe. Wi hebben gesondicht, ende onrechtuaerdelijck hebben wi ghedaen,

16

^* Heere teghen alle uwe rechtuaerdicheit,) laet doch uwen toorn wechghaen, ende uwe gramschap van uwe stadt Ierusalem, ende van uwen heilighen berch, Want om onser sonden, ende onser ouderen misdaden wille, is Ierusalem, ende v volck tot een versmadinge, ende verwitinghe, allen menschen rontomme ons.

* th. Heere, om uwer rechtuaerdicheyts wille

17

Hierom nv onse God, wilt verhooren ws dienaers gebet, ende zijn aenroepen, ⁺ ende toont v aensicht op v heylighe plaetse, die welcke verlaten is, Om ws selfs wille,

+ E

18

Mijn God neycht uwe ooren, ende hoort, Doet op uwe oogen, ende siet onse verwoestheit, ende die stat waer ouer uwen naem is aengeroepen, Want wi en storten niet neder onse gebeden op onse rechtuaerdicheden voor v aensicht, Maer op uwe zeer vele ontfermherticheden,

19

☞ Verhoort heere, Laet versoenen Heere aenmerct ende doetet. En wilt niet beyden, om ws selfs wille o mijn God, Want uwen naem is aengeroepen, op die stadt, ende op uwe volck.

[afbeelding]

20

⁺Ende als ic noch sprack, ende badt, ende ic noch beleet mijn sonden, ende die sonden mijns volcs van Israel, op dat ic mijn gebeden soude nederstorten int aenschouwen mijns Gods voor den heyligen berch mijns Gods,

+ F

21

Als ic noch sprekende was in mijn gebet, Siet, Gabriel die man dien ic int beginsele hadde gesien int gesichte, geringe vliegende, raecte hi mi inden tijt van die offerande des auonts,

22

Ende hi heeft mi geleert, ende gesproken, Ende hi seyde, Daniel, Nv ben ic wtgegaen, op dat ick v soude leeren, ende dat ghi soudt verstaen,

23

Vanden beghinsel uwer biddinge, so ^* is wtghegaen dat woort) Ende ic ben ghecomen, dat ict v soude te kennen gheuen, want ghi zijt een ^* man der begheerten.)

Hierom aenmerct dat woort, ende verstaet

* th. ist bekent geworden

* th. diemen begheert

[p. T6v]

dat gesichte.

24

Tseuentich weken zijn ^* vercort) op v volck, ende op v heylige stadt, op dat die ouertredinge soude worden voleyndt, Dat de sonde eynde neme, ⁺ Ende die ^* onrechtuaerdicheyt soude worden wt gedaen,) Ende die eewige rechtuaerdicheyt gebracht, ende dat dat ghesichte soude worden volbracht, ende die prophecie, Ende dat gesalft worde, dat alder heylichste der heyligen.

* the. gestelt

+ G

* h. misdaet versoent soude worden.

25

Hierom weet, ende aenmerct, vanden wtganck des woorts, dat Ierusalem wederomme worde ghetimmert, tot ^* Christum) den leytsman, zijnt seuen weken, Ende twee ende tsestich weken sullent zijn, Ende die strate sal weder worden ghetimmert, ende die mueren in benautheyt der tijden.

* th. eenen gesalfden

26

Ende na die twee ende tsestich weken, sal ^* Christus) dootgeslaghen worden, ende ^* het en sal zijn volck niet zijn, dat welcke hem loochenen sal.

Ende die stadt ende die heylige plaetse, sal dat volck verstroeyen metten toecomenden leytsman ende zijn eynde sal zijn woestheyt, Ende na den tijt der oorloghen, die gesette verwoestheyt)

* th. die ghesalfde

* h. niet hebben, Dan sal een eerlijc volc daer henen trecken, ende verwoesten die stadt met haeren heylichdom, ende zijn eynde sal daer comen, gelijc een vloet, Ende dese verwoestinge sal bliuen totten einde des strijts

27

Ende hi sal velen menschen een verbont beuestigen, een weke lanck, ende int midden vander weken ^* sal gebreken, die offerande, ende die sacrificie, Ende inden tempel sal zijn onmenschelike afgriselicheit der verwoestheit, Ende totten veruullen ende totten eynde, sal dueren die verwoeystheyt.)

* th. sal hi den dootoffere ende spijsoffer afdoen Ende opten tempel des woesten grouwelicheyts is eenen tijt ghestelt, die ouer hem comen sal, tot dattet al wt is.

§ Hoe die man met lijnen cleederen gecleedt openbaerde Van Michaele ende den princen van Griecken ende Persen.