De Vorsterman Bijbel

§ Dat .xlij. Capittel.

1

⁺ENde hi leyde mi wt inden buytensten voorhof, door den wech, die ten noorden leyt, Ende hi leyde mi in die scatcamere die teghen dat afgesceyden huys was, Ende tegen thuys, dat ten noorden waert keert,

+ A

2

Dat hondert cubitus hadde, in dat aensicht der lengden, vander noort dueren, Ende inder breden vijftich cubitus.

3

Tegen die .xx. cubitus vander binenster zalen, Ende teghent plaueytsel dat van steenen ghemaeckt was, vander buytenster zalen,

^* Daer was een portael aent drieuoudich portael geuoecht)

* th. aen alle die .iij. stonden pilaren die eene tegen den anderen

4

Ende voor die scatcameren was een wandelinge van .x. cubitus breet totten binnensten des weechs van een cubitus Ende haer dueren waren ten noorden waert.

5

Daer waren ooc die nederste scatcameren int hoochste. Want si onderdroeghen die portalen die vanden ondersten ende middelsten der timmeragien bouen daer op stuenden,

6

Want het waren plaetsen met drie cameren gedeelt, ende si en hadden gheen calomnen, gelijc die calomnen vander zalen waren ^* Daer staken .L. cubitus wt vanden ondersten ende vanden middelsten, vander aerden)

* h. daerom waren si engher dan de onderste, ofte dye middelste vander aerden op te rekenen.

7

Ende dye mueren van buyten om, besluytende die schatcameren, waren inden weghe der buytenster zalen, voor die schatcameren. Haer lengde, was van vijftich cubitus.

8

⁺Want die lengde der schatcameren vander buytenster zalen, was van vijftich cubitus. Ende dye lengde voor dat aensichte des tempels, van hondert cubitus.

+ B

9

Ende onder dye schatcameren was den inganck vanden oosten der ghenen die daer in quamen, vander buytenster zalen,

10

In die breyde der wanden vander zalen, dye teghen den wech van oosten was, inden aensichte vanden ^* afghescheyden timmeragie) Ende voor die timmeragie waren schatcameren,

* th. stucken

11

Ende den wech voor haeren aensichte, na dye ghelijckenisse vanden schatcameren, die inden weghe vanden noorden waren, Na haer lengde, alsoo was oock haer breyde, Ende al haeren inghanck

[p. S4v]

ende die ^* ghelijckenisse) ende haer dueren,

* th. gesteltenisse

12

na die ^* gelijckenisse) vanden dueren der scatcameren die inden wech ten zuyden waert siende waren Daer was een duere int hooft vanden weghe ^* Welcken wech was voor dat afghesceyden portael) den genen dye in quamen, door den wech vant oosten.

* th. gesteltenisse

* the der sanghers trappenen.

13

⁺Ende hi seyde tot mi. Die scatcameren vant noorden, ende die schatcameren vant zuyden, dye voor dat ^* versceyden gestichte) zijn, dit zijn die heylige scatcameren, daer die priesteren eten, die den HERE genaken ^* int alderheylichste der heyligher dingen). Daer sullen si leggen dat alderheylichste der heyliger dingen, ende die offerhande voor die sonden, ende voor dye misdaet, Want het is een heylighe plaetse.

+ C

* th stuck

* th. die alderheylichste offeren.

14

Ende wanneer dye Priesteren daer in gheghaen zijn, so en sullen si niet wtgaen vanden heylighen steden, in dye buytenste zale, si sullen haer cleederen, daer si in dyenen, daer op legghen, want si zijn heylich.

Ende si sullen met anderen cleederen ghecleet worden, ende also sullen si voortghaen totten volcke.

15

⁺Ende doen hi die mate vanden binnensten huise voldaen hadde, so leyde hi my wt, door den wech der poorten, die ten wege ten oosten waert sach, ende hi mat allesins daer alom,

+ D

16

Ende hi mat tegen den oosten wint, met ryde der maten, van vijf hondert ryden, na dye ryde der maten rontsom,

17

Ende hi mat teghen den noorden wint, vijfhondert ryden, na die ryde der maten alom.

18

Ende hi mat teghen den zuyden wint, vijfhondert ryden, na die ryde der maten alom,

19

Ende hi mat teghen den westen wint vijfhondert ryden, nae dye ryde der maten

20

Na die vier winden, mat hy den muer vanden ghestichte, rontsomme, die lengde, vijfhondert cubitus, ende dye breede, vijfhondert cubitus, een onderscheyt, tusschen dye heylighe plaetse, ende dye plaetse des ghemeyn volcs.

§ Hoe die propheet die claerheyt gods sach, Ende hoe hy die Ioden van haeren afgoden strafte. Ende van die bescriuinge des huys, Ende van die mate des brantoffers outaer, ende van sinen zeden ende offerhanden.