De Vorsterman Bijbel

§ Dat .xli. Capittel.

1

⁺ENde hi leyde mi totten tempel, ende hi mat die ^* voorbeghinselen) Die breede, ses cubitus, in die een side, Ende ses cubitus in die ander side, die breede des tabernakels,

+ A

* h. siwanden

2

Ende die breede der poorten, was .x. cubitus, ende die siden der poorten vijf cubitus, aen die een side, ende vijf cubitus aen die aender side Ende hi mat zijn lengde van .xl. cubitus, Ende die breede van .xx. cubitus,

3

Ende hi ghinck binnen daer in, ende hi mat ^* in dat voorbeghinsele) vander poorten, ⁺ twee ^* cubitus) ende die poorte vi. cubitus, Ende die ^* breede) vander poorten .vij cubitus.

* h. die siwanden

+ B

* th. cubitus dicke

* h. breide na die hoochte

4

Ende mat haer lengnde .xx. cubitus, ende haer breede .xx. cubitus voor dat aensichte des tempels. Ende hi seyde tot mi, Dat is dat alderheylichste der heyliger plaetse,

5

Ende hi mat den wandt vanden huyse, ses ^* cubitus) Ende die ^* breede vander siden vier cubitus, al rontsom den huyse,

* th. cubitus dicke

* h. wyde vanden sicameren die aen dat huys stonden, was elck vier cubitus ende deen stont aen dander ende waren xxxiij. Ende die balcken ghinghen door aen die buytenste wanden der neuen cameren, alom dat si tsamen geuat waren maer aen des huys wanden en waren si niet ingheuat,

6

Ende die siden, side aen side waren tweemael .xxxiij. Ende si waren hooghe wtstekende die door die wanden vanden huysen souden incomen inden siden alom op dat si tsamen houden souden) Ende die wanden des tempels niet ghenaken en souden.

7

Ende daer was een strate int ront opghaende, door eenen wendelsteen, Ende hi leyde opwaert alomme, tot in die auontmael cameren vanden tempel, Hierom was den tempel alderbreeste bouen in zijn hoochte, Ende aldus ghincmen op, vanden ondersten totten bouensten, ende int midden.

8

Ende ick sach die hoocheyt alom int huys ghemaect, die siden na die mate van een ryde, dat is lijnie van ses cubitus,

9

Ende die breede van den siden inden wanden van buyten, vijf cubitus.

⁺ Ende dat

+ C

[p. S4r]

binnenste huys, was in die siden des huys.

10

Ende die breede tusscen die scatcameren, was van .xx cubitus al om den huyse.

11

Ende die duere vander siden tot des gebets plaetse, dat een duere was totten noort wege, Ende een duere totten wech ten zuyden, Ende hi mat dye breede der plaetsen tot des ghebets plaetse toe .v. cubitus al om,

12

Ende dat gestichte ^* dat versceyden was) ende gekeert totten wege de ^* ter zee) waert sach, was .lxx. cubitus breet, Ende den wandt vanden gestichte hadde in zijn ^* breede) alom vijf cubitus, Ende die lengde daer af was tnegentich cubitus.

* th. dat voor dat stuc. § Stuc dat is tgheheel werc des tempels.

* the. west

* th. dicte

13

Ende hi mat die lengde vanden huyse, hondert cubitus, ⁺ ende dat ^* versceyden was), ende zijn wanden in die lengde, hondert cubitus.

+ C

* th. stuck

14

Maer die breede vanden huyse, ende des gestichts, ^* dat versceyden was tegen dat oosten) hondert cubitus,

* th. voren aent huys metten tempel

15

Ende hi mat die lengde vanden gestichte, dat tegen dat aensicht vanden ghestichte was, datter versceyden was aenden rugghe. Ende ^* die solderen van) beyden siden hondert cubitus, Ende die tempel was binnen, ende die voorhuysen vander zalen,

* the. die pilaren aen.

16

Ende den dorpel, ende die cromme vensteren, ende die ^* solderen van) beyde siden alom, aen die drie siden, Teghens elcken dorpele was ouertrocken alom met ^* houte) ende van die aerde, totten vensteren, Ende die vensteren waren gesloten op die dueren,

* the. die pilaren aen.

* th. berderen.

17

ende totten binnensten huyse, ende van buyten, Ende alle die wanden alom binnen ende buyten ter maten gewrocht

18

Ende daer waren Cherubinnen ende ^* palmen) aen gesneden, Ende een ^* palme) was tusschen Cherub ende Cherub, Ende elc Cherub hadde twee aensichten,

* theb. dadelboomen

* h. dadelboom

19

⁺Eens menschen aensichte neuen die ^* palme) van deser siden Ende eens leeuwen aensichte neffens ^* dye palme) vander ander siden ghesneden. Al dat huys door,

+ D

* h. dadelboom

* th. den dadelboom.

20

vander aerden totten oppersten deel waren Cherubim, ende palmen gesneden, inden wandt des tempels.

21

Ende den dorpel was viercant, Ende die aensichten des heilichdoms, waren aensicht teghen aensicht,

22

Dye hoochte des houten outaers, was drie cubitus, ende zijn lengde twee cubitus. ^* Ende zijn hoecken) ende zijn lengde, ende zijn wanden waren houten, Ende hi sprac tot mi, Dit is die tafel voor den HERE.

* th. ende stont op voeten

23

Ende inden tempel waren twee dueren, ende in dye heylige plaetse,

24

Ende inden twee dueren van beyde den siden waren twee cleyne dueren, dye in malcanderen voechden, Ooc warender twe dueren van beyde den siden vanden dueren

25

Ende op die dueren des tempels waren Che-[kolom]rubim gesneden, ende ^* palmen wt gehouwen also gelijc inden wanden gesneden waren Ende hier waren die houten inden voorhoue vanden voorhuyse buyten grouere.

* theb. dadelboomen.

26

Ende daer waren bouen cromme vensteren, ende die gelijckenisse van ^* palmen) in die een side, ende in die ander side, inden hoeck vanden voorhuyse, na die siden vanden huyse, ende nae die breede vanden wanden.

* theb. dadelboomen.

§ Vanden scatkisten noortwaert, ende westwaert getimmert Vander priesteren eedtcamere, Ende hoe den muer tusschen die heylige ende ghemeyne plaetse gemeten wert.