De Vorsterman Bijbel

§ Dat .xl. Capittel.

1

⁺INden vijf ende twintichsten iare van onser oueruaert, int beginsel vanden iare, opten

+ A

[p. S3r]

thiensten dach der maent, in dat .xiiij. iaer, na dat die stadt gheslaghen was, in desen seluen dach, quam des HEEREN hant op mi Ende hi bracht mi derwaert,

2

inden visioene Gods, ende hi bracht mi in dat lant van Israel, Ende hi leyde mi, op eenen zeer hooghen berch, daer op was een ghestichte van een stadt, die gesterct was, ten zuidenwaert

3

Ende hi hi leyde mi daer inne.

Ende siet, een man wiens ghedaente was als die ghedaente van coper, ende in zijn hant was een lijnen koorde, ende hi hadde een meetrijde in zijn hant. Ende hi stont in die poorte,

4

ende die selue man sprack tot mi, seggende, Des menschen sone, siet met uwen oogen, ende hoort met uwen ooren, ⁺ ende set in v herte, al die dingen, die ic v thoonen sal, Want daerom sidy hier gebracht, om datmense v toonen soude Bootschapt den huise van Israel, al dat ghi siet,

+ B

5

Ende siet, eenen muer was buiten al ronts om den huise, ende in des mans hant was een meetryde, ses cubitus ende een palm lanck. Ende hi mat met een ride die breetheit vanden ghestichte, ende oock die hoochte met een ride

6

Ende hi quam totter poorten die ten wege vanden oosten sach, ende hi ghinck op, door haer trappen, Ende hi mat den ^* dorpel) vander poorten, metter ride die wijde, dat is, den eenen ^* dorpel) met een ryde, in die wijde,

* thebr. post

* thebr. post

7

Ende die slaepcamere in die lengde, met een ryde, ende die tusschen slaepcameren, vijf cubitus,

8

ende den ^* dorpel) vander poorten binnen omtrent den portale, met een ryde.

* thebr. post

9

⁺Ende hi mat dat voorhuys vander poorten ^* van acht cubitus ende dat voorste deel daer af, twee cubitus) Want dat voorhuys vander poorten, was binnen,

+ C

* h. met een ryde, Ende hi mat dat voorhuys der poorten viij. cubitus ende zijn collumnen .ij. cubitus

10

Voort die kameren vander poorten totten oosten wegewaert, drie in deen zide, ende drie in die ander zyde, een mate was van den drien, Ende een mate der ^* voorsten) van beyde zyden.

* h. calomnen

11

Ende hi mat die wijde ^* des dorpels vander poorten van) .x. cubitus, ende die lengde vander poorten van .xiij. cubitus,

* h. der poorten

12

Ende ^* den lijst voor die slaepcameren) van een cubitus ende een cubitus was dat eynde van beyden Ende die slaepcameren waren van ses cubitus ^* van hier ende van daer)

* h. die bicameren hadden voor banxkens op beyde zyden

* the. op beyden zyden

13

Ende hi mat die poorte, vanden eenen dake der slaepcameren totten anderen dake die wide van .xxv. cubitus, ⁺ duere tegen duere,

+ D

14

Maer hi maecte die ^* vorste deel van) .lx. cubitus, Ende totten vorsten vanden voorhof der poorten, aen allen ziden rontsom

* th. callomnen hooge

15

Ende voor dat aensichte der poorten, die daer reycte totten aensichte des voorhuys, van der binnenster poorten ^* vijftich cubitus)

* h. tvijftich cubitus hooghe

16

ende [kolom] inden slaepcameren ende in haeren ^* vorstedel) cromme vensteren, die binnen der poorten waren aen allen zyden rontsom, des ghelijcs waren oock inden voorhuysen binnen rontsom vensteren, ende voor die ^* beginselen) waren ^* die geuerwede wtgehouwen palmen.)

* h. calomnen

* h. calomnen

* the. dadelboomen

17

Ende hi leyde mi wt totter buytenster zalen ende siet daer waren schatcameren, ende tplaueisel, was alom in die zale met steenen gheplaueyt, ende om dat plaueytsel waren .xxx. schatcameren,

18

Ende beneden inden voorhof vander poorten, was een plaueytsel, na die lengde vander poorten.

19

Ende hi mat die wijde vanden aensichte der nederster poorten, totten voorhoue der binnenster zalen, van buyten hondert cubitus totten oostenwaert, ende totten noordenwaert.

20

⁺Hi mat die poorte oock, die den wech aensach vant noorden, vander buytenster zalen, beyde in die lengde, ende in die wijde,

+ E

21

ende haer slaepcameren, drie in die een zyde, ende drie in die ander zyde, ende haer voorhouen ende haer voorhuys, na die mate vander eerster poorten, haer lengde vijftich cubitus, ende die breede .xxv. cubitus,

22

Ende haer vensteren ende haer voorhuys ^* ende die wtgehouwen dingen) na die mate der poorten die ten oostenwaert sach, ende haeren opganc hadde .vij. trappen, Ende een voorhuys voor haer

* h. met sinen dadelboomen

23

Ende die poorten vander binnenster zalen tegen die poorte vanden noorden, ende tegen die oostpoorte, Ende hi mat van die een poorte tot die ander, hondert cubitus.

24

Ende hi leyde mi wt, totten wech totten zuyden, ende siet een poorte die ten zuydenwaert sach, Ende hi mat haeren ^* vorste) ende haer voorhuys, naer die maten bouen gemeten,

* h. calomnen

25

ende haer vensteren ende voorhuysen alom, als die andere, die lengde van vijftich cubitus, ende die breede .xxv. cubitus,

26

ende men ghinc op met .vij. trappen daer toe, Ende voor haer duere was eenen voorhof ende daer waren ^* gesneden palmen in haer beghinsel) een in deen zijde, ende een in dandere zijde.

* h. calomnen met dadelboomen

27

Ende die poorte vander binnenster zalen was inden wech zuytwaert, Ende hi mat van deen poorte totter ander poorten, inden wech zuytwaert .C. cubitus.

28

Ende hi leyde mi in die binnenste zale, totter zuytpoorten, ⁺ ende hi heeft die poorte gemeten na die mate bouen gheseyt,

+ F

29

haer slaepcameren ende haer ^* voorsten) ende voorhuis met der selfder maten, ende haer vensteren alom, vijftich cubitus in die lengde, ende .xxv. in die breede,

* h. calomnen

30

Ende dat voorhuys rontsom, die lengde .xxv. cubitus, ende die breede, vijf cubitus,

31

Ende haer voorhuys totter buytenster zalen waert, ende haer ^* pal-

* theb. dadelboomen op zijn calomnen

[p. S3v]

men aen dat voorbeginsel) ende acht trappen warender op die welcke datmen moeste daer toegaen.

32

Ende hi leyde mi in die binnenste zale door den oostwech, ende hi mat die poorte, ⁺ na die mate van bouen haer slaepcamere,

+ E

33

ende haer ^* voorhooft) ende voorhuys, also si bouen gemeten zijn, ende haer vensteren, ende voorhuysen alom, tvijftigh cubitus die lengde, ende die breede .xxv. cubitus,

* h. calomnen § Dat Hebreus woordeken Elim, dat wi calomnen verduyst hebben, legghen sommige voor torrens wt

34

Ende haer voorhuys, dat is vander buytenster zalen, ende aen haer ^* voorbeghinsele waren palmen), gesneden, op beyden siden, ende haeren opganc was van acht trappen.

* h. calomnen dadelboomen

35

Ende hi leyde mi totter poorten die ten noordenwaert siet, Ende hi mat die na die mate van bouen haer slaepcameren

36

ende haer ^* voorbeghinsel) haer voorhuys, ende haer vensteren alom, Die lengde .l. cubitus, ende die breede .xxv. cubitus,

* h. calomnen

37

ende haer ^* voorhuis aensach in) die buytenste zale ^* ende in haer wt ghesneden palmen, in die een side, ende in die ander side) ende haeren opghanc was van acht trappen,

* h. calomnen stonden teghen

* the. op die welcke beyde dadelbomen waren

38

Ende aen elc scatcamer, was die duere inden ^* voorbighinselen) vander poorten, Ende daer so wiesschen si den brantoffer.

* h. calomnen

39

Ende in dat voorhuys vander poorten waren, twee tafelen in die een side, ende twee in dander side, ⁺ datmen die brantofferen daer op soude offeren, ende voor die sonde, ende voor die misdaet.

+ F

40

Ende totter buytenster side vander duere der poorten, die totten noordenwaert gaet, waren twee tafelen, ende totter ander siden voor tvoorhuys vander poorten, oock .ij. tafelen.

41

Ende in die een side waren vier tafelen, ende in die ander side waren vier tafelen, Inden siden vander poorten waren, dese acht tafelen, daer si op offerden.

42

Ende die vier tafelen totten brantoffer, waren van viercante steenen gemaect die eenen cubitus ende eenen haluen lanc waren, Ende die een cubitus ende een halue breet waren, Ende een cubitus hooghe, Ende op die tafelen setten si die vaten daermen den brantoffer ende den dootoffer in offert.

43

Ende haer boorden waren een palme breet al om van binnenwaert geuonden int ronde, Ende op die tafelen was dat vleesch vander offeranden.

44

Ende buyten die binnenste poorte, was die scatcamer der sanghers, in die binnenste zale, was in die side der poorten die ten noordenwaert siet ende haer aensicht teghen den zuyden wech, ⁺ Die een vander siden der poorten vant oosten die sach te weghe waert vant noorden.

+ G

45

Ende hi seyde tot mi, dat die schatcamer die ten wege vant zuydenwaert siet, sal zijn der priesteren, die inder hoeden des tempels waken,

46

Maer die schatcamer, die ten wege vanden [kolom] noorden siet, sal der priesteren zijn, die daer waken opten dienst des outaers. Dit sullen zijn Sadochs sonen, die vanden sonen Leui totten HEERE ghaen, om hem te dienen.

47

Ende hi mat die zale, ende die lengde was, hondert cubitus, ende die breede hondert cubitus viercant, Ende die outaer was voor dat aensichte des tempels.

48

Ende hi leyde mi int voorhuys des tempels, ende hi mat dat poortael vijf cubitus in die een zyde, ende vijf cubitus in die ander side,

49

Ende die wijde vander poorten drie cubitus in die een side, ende drie cubitus in dander side, Ende die lengde des portaels .xx. cubitus, Ende die breede .xl. cubitus. Ende men ginc daer toe op met ^* viij.) trappen, Ende ^* in die voorhoofden) waren .ij. calomnen een in deen side, ende dander, in dander zyde.

* theb. thien

* th. aen die wanden

§ Hoe den tempel gemeten wert, ende dat alderheylichste ende van dat gewelfsel. Ende van die offeranden des tempels, ende der heyliger plaetsen, ende vanden duerwachters der heyliger plaesen.