De Vorsterman Bijbel

§ Dat .xxxix. Capittel.

1

⁺MAer o des menscen sone, propheteert ghi tegen Gog, ende ghi sult seggen, Dit seit die ^* HERE God) Siet, ic spreke op v Gog ^* prince van Mosochs ende Tubals hoofde,)

+ A

* h. heerscappende heere

* h. een ouerste vorst van Mesech ende Tubal

2

ende ic sal v omleyden, ende sal v wtbrengen, ende ic sal v doen opclimmen vanden hoecken vant noorden, ende ic sal v brengen op die bergen van Israel.

3

Ende ic sal uwen boge slaen in v slincker hant, Ende ic sal v geschutten van v rechte hant afworpen,

4

Ghi sult op die bergen van Israel vallen, ghi ende alle v heyrscharen, ende v volc

[p. S2v]

dat met v is, Ick hebbe v ghegeuen te verslinden, den wilden beesten, den vogelen, ende alderhande geuogelten, ende den beesten des lants,

5

Ghy sult op daensicht des velts vallen, Want ick hebt ghesproken, seyt die ^* HERE God,)

* h. heerscappende heere

6

Ende ic sal een vier in Magog seynden, ende inden ghenen die betrouwelijck inden eylande woonen, Ende si sullen weten dat ick die HEERE ben.

7

⁺Ende ic sal bekent maken mijnen heyligen naem, int midden van minen volcke van Israel, ende ic en sal voort meer ^* niet besmetten) minen heyligen naem, ende die heydenen sullen weten, dat ic die HERE die heylige van Israel, ben,

+ B

* h. niet laten besmetten

8

Siet, het coemt, ende is geschiet, seit die ^* HEERE God) dit is den dach daer ic af gesproken hebbe.

* the. salt geschieden dat

9

Ende die gene die woonen in den steden van Israel, sullen wtgaen, ende sullen ontsteken, ende sullen verbranden die wapenen, den schilt, ende die speren, den boghe, ende die gheschutten, ende die vuysthamers, ende die sprieten, Ende si sullense seuen iaer metten viere verbranden. ☜

10

Ende si sullen niet brengen hout wten lande, noch afhouwen vanden bosschen, Want si sullen die wapenen verbranden metten viere, Ende si sullen roouen die ghene dien si tot rooue waren, ⁺ Ende si sullen vangen die gene die hen verwoesten, seyt die ^* HERE God)

+ C

* h. heerscappende heere

11

Ende het sal zijn in dien dage, dat ic sal Gog geuen in een plaetse, ende een vermaert graf in Israel, een dal des ghancs totten oosten vander zee, die doet verwonderen die ghene die daer voorbi gaen, Ende daer sullen si Gog begrauen met alle zijn menichte, Ende hi sal worden gheheeten dat dal van Gogs menichte,

12

ende huys van Israel salse begrauen, ⁺ op dat si tlant sullen suyueren seuen maenden

+ D

13

Want alle dat volck des landts sullense begrauen ^* ende hen sal zijn eenen genoemden dach) daer ic in gheeert ben, seyt die ^* HERE God)

* h. dwelcke hen een eere zijn sal, inden daghe

* h. heerscappende heere

14

Ende si sullen altijt mannen setten die dat lant doorsoecken sullen, die begrauen, ende soecken sullen, die bleuen zijn bouen der aerden om tlant te suyueren ^* Ende na seuen maenden sullen sise beginnen te soecken,)

* the. Dit sullen si seuen maenden lanck doen

15

Ende si sullen dat lant doargaen alomme, ende als si sien sullen een been van eenen mensche, soo sullen si daer besiden setten een teeken, tot dat die begrauers begrauen sullen int dal van Gogs menichte,

16

Ende der stadt naem sal Amona zijn, Ende si sullen dat lant suyeren.

17

Hierom ghi des menschen sone, Dit seyt die ^* HERE God) Segt tot alle dat vlieget, ⁺ ende alle den voghelen, ende alle den beesten des ackers vergadert v, haest v loopt te [kolom] samen van alle siden, tot mijnre offerhanden die ick v offere, een groote offerande op die bergen van Israel, op dat ghi vleesch eedt ende dat bloet drincket,

* h. heerscappende heere

+ E

18

Ghi sult der starcker mannen vleesch eten, ende ghi sult drincken der princen bloet des lants, ende vanden rammen, ende vanden lammeren, ende vanden bocken, ende vanden stieren, ^* ende vanden gemesten beesten, ende van allen vetten beesten)

* the. die alle tot Basan ghemestet zijn.

19

Ende ghi sult dat vet tot satheden eten, ende ghi sult dat bloet tot dronckenscap drincken, vander offeranden, die ic v geoffert heb,

20

Ende ghi sult op mijn tafel versaet worden vanden paerde, ende vanden starcken rider, ende van alle den mannen der crijschluyden, seyt die ^* HEERE God)

* h. heerscappende heere

21

Ende ic sal mijn heerlicheit onder den heidenen setten, ende alle heydenen sullen mijn oordeelen sien, die ic gedaen heebbe met mijnder handt, die ick op hen gheleyt hebbe,

22

ende dat huys van Israel sal weten, dat ick ick die HEERE haer God ben, van dien daghe ende voort aen.

23

Ende die heydenen sullen ooc weten, dat thuys van Israel ooc om haerder ^* boosheyt) gheuangen is, om dat si mi achter lieten, Ende dat ic mijn aensicht van hen verberchde, ende dat icse leuerde inder vianden handen, dat si vielen alle metten swaerde .

* h. misdaet

24

Ic dede hen nae haerder onsuyuerheyt, ende na haeren sonden, ende ic verberch mijn aensicht van hen.

25

Hierom seyt ^* Godt die HERE) dit, Nv sal ic Iacobs gheuanckenisse wederomme brenghen, ende ic sal alle dat huys van Israel ontfermen, Ende ic sal minen toorn aennemen, om mijns heylichs naems wille,

* h. heerscappende heere

26

Ende si sullen haer schaemte dragen, ende alle haer ouertredingen, daer si tegen mi in ouergetreden hebben, als si in haeren lande betrouwelijc woonen sullen, niemanden ontsiende,

27

Ende als icse weder gebracht sal hebben vanden volcken, ende als icse vergadert sal hebben, wt haerder vianden lant, ende als ic in hen geheylicht zijn sal, inden oogen van veel heydenen.

28

Ende dan sullen si weten, dat ic die HERE haer God ben, Om dat icse inden ^* geslachten) ouer geuoert heb, ende dat icse in haer lant vergadert heb, ende dat ic niemant van hen luyden daer ghelaten en heb,

* h. heydenen

29

Ende ick en sal mijn aensicht voort meer niet verborgen van hen, om dat ic minen geest ^* wtghestort hebbe) op alle dat huys van Israel, seyt ^* God die HEREE.

* the. sal wtstorten

* h. heerscapende heere

§ Hoe die stadt getimmert wert, Ende vanden man die die buytenste mueren mat, Ende van sinen meetroeden, Ende van die cleederen, ende van die offerkisten des tempels.