De Vorsterman Bijbel

§ Dat .xxxviij. Capittel.

1

⁺ENde des HEREN woort geschiede tot mi seggende,

+ A

2

Des menschen sone, sedt v aensicht tegen Gog ^* ende Magogs lant, den prince van Mosochs ende Tubals hoofde,) ende propheteert van hem,

* the. in Magogs lant die ouerste vorste van Mesoch ende Tubal

3

ende ghi sult tot hem seggen, Dit seit die ^* HERE God) Siet, ic spreke tot v Gog, den ^* prince van Mosoch ende Tubals hoofde)

* h. heerscappende heere

* th. ouersten vorst van Mesech ende Tubal

4

Ende ic sal v omleyden, ende ic sal in v kinnebacken eenen breydel setten, ende ic sal v wtbrengen, ende alle v heyr, die paerden ende die riders, die al gecleet zijn met pantsieren, die groote menichte begripende die glauie, ende den scilt, ende tswaert,

5

⁺Die van Persen ende die van Mooren lant, ende Libien met hen, die al met schilden ende helmen gewapent zijn.

+ B

6

Gomer ende al zijn heyrscharen, dat huys van Togorma, die siden van noorden, ende al zijn macht ende vele volcs met v.

7

Bereyt, ende schict v, ende alle v menichte die vergadert is tot v, ende ghi sult hen zijn tot een ^* gebot.

* h. verwaerder. Men heeft voor lange dagen van v geroert.

8

Na veel dagen suldi versocht worden) Inden laetsten iare suldi comen totten lande dat wedergekeert is vanden swaerde, ende dat vergadert is van vele ⁺ volcs totten bergen van Israel, die altijt woest waren, Dit lant is wtgebracht vanden volcke, ende si woonden daer alle in, betrouweliken.

+ Esa. xxiiij

9

Ende opclimmende sult ghi comen als een onweder ende als eenen wolcke, om tlant te ouerdecken. Ghi ende alle v heyrscharen, ende vele volcs met v.

10

Dit seyt die ^* HEERE God) in dien dage sullen die redenen op v herte comen, ende ghi sult dalderquaetste gedachten dencken,

* h. heerscappende heere

11

ende sult seggen, Ic sal opgaen totten lande dat sonder muer is, Ende ic sal comen totten genen die rusten, ende die in sekerheden woonen, Alle dese woonen sonder muer, Hen en zijn geen grendelen, noch poorten,

12

Om dat ghi den roof roouen sult, ende den roof aenuangen sult, ende dat ghi v hant op hen brengen sult, die woest gheweest hadden, ende daer na weder tot haeren staet geset, Ende op dat volc dat vergadert is, ende wten heydenen dat begonnen heeft ^* te besitten) ende dat woont in die middewaert vanden lande,

* the. vee ende goet te besitten

13

Die van Saba ende Dedan, ende de coopluiden van Tharsis, ende alle haer leeuwen sullen v segghen, En coemt ghi niet om den roof te nemen? Siet ghi hebt v menichte vergadert, om den roof te roouen, om dat ghi nemen sout siluer ende gout, ende dat ghi huysraet ende tgoet wech dragen sout, ende roouen ontallike roouen?

14

Hierom propheteert o des menscen sone, ende ghi sult [kolom] tot Gog seggen, Dit seit die ^* HERE God?) En suldijs niet in dien dage (als mijn volck van Israel betrouwelijc woonen sal) weten?

* h. heerscappende heere

15

ende comen van uwer stat vanden hoecken van noorden, ende vele volcs met v, alle dat rosuolc te paerde, een groote vergaderinge, ende een groot heyr?

16

Ende ghi sult comen op mijn volc van Israel, als een wolcke, om dat ghi sout tlant ouerdecken. Inden laetsten dagen ^* suldi wesen, ende) ick sal v brenghen op mijn lant, dat die heydenen mi bekennen, als ick sal zijn geheylicht in v in haeren ooghen, o Gog.

* the. salt geschieden dat

17

Dit seyt die ^* HEERE God,) Hieromme sidi die, daer ic af gesproken heb in ^* ouden dagen,) door mine knechten der propheten van Israel hant, die propheteerden inden dagen van dien tijden, hoe dat ic v brengen soude op hen.

* h. heerscappende heere

* the. lange voor vergangen daghen

18

Ende het sal zijn in dien daghe, ⁺ inden dage der toecoemst Gog, op dat lant van Israel, seyt die ^* HEERE God) sal mijn gramschap op comen in mijnre gramscap,

+ E

* h. heerscappende heere

19

ende in minen toorne, want inden viere mijnre gramscap heb ict gesproken, dat in dien dage sal groote beroeringe zijn opt tlant van Israel.

20

Ende van minen aensichte sullen die visschen der zee beroert worden, ende die vogelen des hemels, ende die beesten des ackers, ende elc cruipende dier dwelc beroert wort op die aerde, ende alle die menscen die op dat aensicht der aerden zijn, ⁺ Ende die bergen sulen omgeworpen worden, ende die tuynen sullen vallen, ende elcken muer sal ter aerden vallen,

+ F

21

Ende ic sal tegen hem tesamen roepen op alle mijn bergen, dat swaert, seit die ^* HERE God) Elcs mans swaert sal ghesteken worden in sinen broeder,

* h. heerscappende heere

22

Ende ic sal hem ^* oordelen) met pestilencie, ende met bloede, ende met anxteliken reghene, ende met hagel steenen, Ick sal op hem ende op zijn heyr, ende op vele volcs die met hem zijn, doen regenen vier ende solpher,

* th. straffen

23

Ende ick sal worden verheuen ende geheylicht, ende ic sal condt gemaect worden in veelre heydenen oogen, ende si sullen weten, dat ic die HEER ben.

§ Hoe dat inden laetsten tijden Gog ende Magog op sullen staen, ende van die vergaderinge der vogelen ende beesten om haer luyder vleesch te etene.