De Vorsterman Bijbel

§ Dat .xxxvij. Capittel.

1

⁺ENde des HEEREN hant was op mi, ende hi leyde mi wt, inden gheest des HEEREN, ende hi liet mi int midden van een velt, dat vol ghebeents was,

+ A

2

ende hi leyde mi alom door die beenderen int ronde, Want al daer wasser zeer vele op dat aengesichte des velts, ende zeer drooge.

3

Ende hi seide tot mi, Des menschen sone, Meyndi dat dese beenderen sullen leuen? Ende ic seide ^* HEERE Godt), ghi wetet.

* h. heerscappende heere

4

Ende hi seide tot mi, Propheteert ^* van desen beenderen, Ende ghi sult hen seggen, Drooge beenderen, hoort des HEEREN woort.

* th. op dese beenderen

5

Dit seit die ^* HEERE God) desen beenderen, Siet, ick sal in v seyden, eenen ^* gheest) ende ghi sult leuen,

* h. heerscappende heere

* theb. adem

6

Ende ic sal op v zenuwen geuen ende ic sal op v doen vleesch wassen, ende ick sal daer bouen aen v een vel wtspreyden, ende ic sal eenen ^* geest) geuen, ende ghi sult leuen, ende ghi sult weten, dat ic de HEERE ben.

* theb. adem

7

⁺Ende ic proheteerde, also hi mi beuolen had, Ende doen ic propheteerde, so wert een geluit gemaect ende siet, daer wert een beroeringe, Ende die beenderen gingen totten beenderen, elc aen zijn lit.

+ B

8

Ende ic sach, ende siet, Op hen quamen zenuwen ende vleesch, ende daer bouen wert op hen een vel gespreyt, ende si en hadden noch geenen ^* geest)

* theb. adem

9

Ende hi seide tot mi, Propheteert ^* totten gheeste) propheteert, o menschen sone, ende ghi sult ^* totten gheest) seggen, Dit seyt die ⁺ HERE God, Gheest) coemt vanden vier winden, ende blaest in op dese verslagene, ende laetse weder leuende worden,

* theb. totter lucht

* theb. totter lucht

+ h. heerscappende heere O lucht

10

Ende ic propheteerde, also hi mi hadde beuolen, Ende in hen ^* quamen die gheesten) ende si leefden, ende si stonden op haer voeten, een ouer groot heyr.

* the. quam die adem

11

⁺Ende hi seide tot mi, Des menschen sone, dese beenderen zijn alle thuis van Israel, siet, si seggen, Onse beenderen zijn verdroocht, ende onse hope is vergaen, ende wi zijn afgesneden

+ C

12

Hierom propheteert, ende segt tot hen, Dit seit die ^* HERE God) Siet, ic sal uwe grauen op doen, o mijn volc, ende ic sal v leiden wt uwe grauen, ⁺ ende ick sal v leyden in uwe lant van Israel,

* h. heerscappende heere

+ D

13

ende ghi sult weten, dat ic die HERE ben, Als ic v grauen op sal hebben ghedaen, ende als ic v wtgeleyt sal hebben wt uwen grauen, o mijn volc,

14

Ende als ic minen geest in v ghegheuen sal hebben, ende ghi leuen sult, [kolom] ⁺ Ende ic sal v doen rusten op v lant, Ende ghi sult weten, dat ict die HEERE gesproken hebbe ende hebt gedaen, seyt die ^* HEERE God.)

+ E

* h. heerscappende heere

15

Ende des HEREN woort geschiede tot mi seggende,

16

Ende ghi des menschen sone, neemt v een hout, ende scrijft daer op Iuda, ende die kinderen van Israel, ende sine gesellen. Ende neemt dan een ander hout, ende scrijft daer op Ioseph Ephraims hout, ende al dat huis van Israel, ende alle zijn gesellen.

17

Ende die houten suldi voegen deen aent andere v tot eenen houte ^* Ende tot een vergaderinge sullen si in v hant zijn)

* the. ende tsal in uwe hant maer een hout worden

18

Ende als ws volcs kinderen, tot v seggen sullen, sprekende, En gheefdy ons niet te kennen, wat ghi met die houten wilt?

19

So suldi tot hen seggen, Dit seit de ^* HERE God) Siet, ic sal tot mi nemen Iosephs hout, dwelc in Ephraims hant is, ende die geslachten van Israel die met hem tsamen geuoecht zijn, ende ic sal die te gader geuen met Iuda houte, ende ick salse maken tot een hout, ende si sullen een hout zijn, in zijn hant.

* h. heerscappende heere

20

Ende die houten daer ghi op gescreuen hebt sullen voor haer oogen in v hant zijn,

21

ende ghi sult tot hen seggen, Dit seit die ^* HERE God) Siet, ic sal aennemen die kinderen van Israel vant midden der ^* geslachten) daer si toe wech gegaen zijn, ende ic salse van allen siden vergaderen, ende ic salse brengen tot haer lant,

* h. heerscappende heere

* th. heidenen

22

Ende ic salse een volc maken int lant, ⁺ op die bergen van Israel, Ende een coninc sal bouen hen allen regeren, ende en sullen voortmeer geen twee volcken zijn, noch si en sullen niet meer gedeelt worden in twee riken.

+ F

23

Noch si en sullen voortmeer niet besmet worden met haeren afgoden, ende met haeren afgriselicheden, ende met al haer boosheden, Ende ic salse behouden maken van al haer ^* setelen) daer si in sondichden, ende ic salse suiueren

⁺ Ende si sullen mi een volc zijn, ende ic sal hen een God zijn.

* th. wooninghen

+ G

24

Ende dauid mijn knecht, sal ouer hen een coninc zijn, ende daer sal een herder ouer hen allen zijn, Si sullen wandelen in mijn oordeelen, ende si sullen mijn ^* geboden) bewaren ende doense.

* theb. zeden

25

Ende si sullen woonen opt lant, dat ic Iacob minen knechte gaf, daer uwe vaderen in woonden, Ende si sullender op woonen, si ende haer kinderen, ende haer kinder kinderen, tot inder eewicheyt. Ende Dauid mijn knecht, sal haer prince zijn inder eewicheyt

26

Ende ick sal hen slaen dat verbont vanden vrede, een eewich verbont salt hen zijn, Ende ick salse funderen ende vermenichfuldigen, ende ic sal mijn ^* heilicheden) geuen int midden van hen inder eewicheit.

* th. heylichdom

27

Ende mijn wooninge sal bi hen zijn ende ick sal hen een God zijn, ende si sullen mijn volc zijn.

28

Ende die heidenen sullen weten, dat ic die HEERE ben, Israels heylichmakere,

[p. S2r]

als mijn ^* heylichmakinge) int midden van hen zijn inder eewicheyt.

* th. heylichdom

§ Dat woort Gods teghen Gog ende Magog, Ende van haerder vernielinghe. Ende van die sonde des volcs.