De Vorsterman Bijbel

§ Dat .xxxv. Capittel.

1

⁺ENde des HEEREN woort ghesciede tot mi, seggende,

+ A

2

Des menscen sone, set v aensicht tegen den berch Seyr, ende ghi sult van hem propheteren, ende seggen hem

3

Dit seyt die ^* HERE God), Siet, ic spreke tot v berch van Seyr, ende ic sal mijn hant wtsteken op v, ende ^* ic sal v geuen berooft ende woeste,)

* h. heerscappende HERE

* h. v al ende geheel te verwoest geuen

4

Ic sal v steden om worpen, ende ghi sult woest zijn, ende ghi sult weten, dat ic die HERE ben,

5

om dat ghi eewelijck viant hebt gheweest, ⁺ ende hebt die kinderen van Israel besloten in des sweerts handen, inden tijt haers verdriets, inden tijt der laetster ^* quaetheyt)

+ B

* h. misdaet

6

Hierom, ^* ic leue, seyt die HEERE Godt,) want ic sal v den bloede leueren, ende dat bloet sal v veruolghen, Ende want ghi dat bloet hatet, soo sal dat bloet v veruolgen,

* theb. alsoo waer als ic leue, seyt die heerscappende Heere

7

Ende ic sal den berch Seir gheuen berooft ende woest, ende ic sal van hem wechdoen den genen die gaet, ende die wederkeert,

8

ende ic sal zijn bergen veruullen van sinen ver-[kolom]slagenen luyden, In uwen hueuelen, ende in uwen valleyen, ende in uwe beken sullen uwe verslagene vallen metten swaerde,

9

In eewige wildernissen sal ic v leueren, ende uwe steden en sullen niet bewoont worden. Ende ghi sult weten dat ick die HEERE ben,

10

⁺om dat ghi gheseyt hebt, die twee luyden, ende die twee landen sullen mijn zijn, ende ic salse in erffelicheyt besitten, doen die HERE daer was

+ C

11

^* Daerom ic leue seyt die HEERE God want ic sal) doen na uwe gramscap, ende uwen nijt die ghi gedaen hebt, hen hatende, ende ic sal door hen bekent worden, als ic v ^* geoordeelt) sal hebben.

* the. Alsoo waer als ic leue, seyt de heerscappende Heere so waer sal ick.

* h. gestraft

12

Ende ghi sult weten dat ick die HEERE ben, Ick hebbe al uwen lachter gehoort dien ghi gesproken hebt vanden bergen van Israel, seggende, ⁺ Die woeste bergen zijn ons gegeuen om te verslinden.

+ D

13

Ende ghi stont op met uwen mont tegen mi, ende hebt boosheyt gesproken tegen mi Ick heb gehoort uwe woorden.

14

Dit seyt die ^* HEERE God) Als al dat lant verblijden sal, so sal ic v tot wildernisse maken,

* h. heerscappende heere

15

also ghi verblijt zijt, op die erffelicheyt des huys van Israel, om dat si verwoest was, alsoo sal ic v doen. Berch Seir, ghi sult verwoest wesen ende alle Idumeen, ende si sullen weten dat ic die HEERE ben.

§ Hoe dat God Israel wreken sal aen zijn vianden, ende dat si noch vermenichfuldicht sullen worden, Ende dat hise ghestraft hadde om der afgoderien wille, Van die gracie ende vander crachte des goddeliken doopsels.