De Vorsterman Bijbel

§ Dat .xxxiiij. Capittel.

1

⁺ENde des HEEREN woort gesciede tot mi, seggende,

+ A

2

Des menscen sone, propheteert vanden herderen van Israel, propheteert ende ghi sult de herderen seggen, Dit seyt die ^* HERE God,) Wee den harderen van Israel die hen seluen voeden, En worden die cudden niet geuoet vanden herderen?

* h. heerscappende heere

3

Ghi aedt ^* tmelc), ende cleedet v metter wollen, ende dat gemest was, sloechdi doot, Maer mijn cudde en voede ghi niet, Ende dat cranc was en stercte ghi niet,

* the. tvet

4

Ende dat siec was en genaesdi niet, Dat gebroken is, en hebdi niet verbonden, Ende dat verworpen is en haelde ghi niet weder, Ende dat verloren was, en socht ghi niet, Maer met felheden geboot ghi hen, ende met machten.

5

Ende mijn scapen zijn verstroyt, om datter geen herder en was, ende si zijn geworden in een verslindinge alle den beesten vanden velde, ende si zijn verstroeyt. ☜

6

⁺Mijn cudden dwaelden op alle bergen, ende op alle hooge hueuelen, ende mijn cudden zijn verstroyt op alle dat aensichte der aerden, ende niemant en was daer diese sochte, niemant en was daer, segge ic, diese weder sochte.

+ B

7

Hierom ghi harders hoort des HEEREN woort,

8

^* Ick leue, seyt die HEERE God, want) om dat mijn cudden zijn geworden tot rooue, ende mijn scapen tot verslindinge al den beesten vanden velde, om datter geen harder en was, Want die harderen en sochten ooc mijn cudden niet, Maer die [kolom] herderen die voeden hen seluen, ende en voeden mijn cudden niet,

* theb. alsoo waer als ic leue, seyt die heerscappende Heere.

9

Hierom ghi herderen hoort des HEEREN woort.

10

☞ Dit seyt die ^* HEERE God,) Siet, ic selue ⁺ sal op die herderen mijn cudde eyschen van haerder hant, ende ic salse doen ophouden dat si voort meer niet en sullen voeden mijn cudden, Noch die herderen en sullen niet meer hen seluen voeden, Ende ic sal mijn cudde verlossen van haeren mont, ende en sal voort meer hen niet tot spijse zijn.

* h. heerscappende heere

+ C

11

Want dit seyt die ^* HEERE God), Siet, ic selue sal mijn scapen soecken, ende versoeckense,

* h. heerscappende heere

12

also een herder zijn cudde versoect, inden dage als hi is in die middenwaert van zijn verstroyde scapen, also sal ic mijn scapen versoecken, ende ic salse verlossen van allen plaetsen daer si in verstroyt waren, inden ^* dage der wolcken ende der donckerheyt)

* th. wolckighen ende neuelachtigen daghe

13

Ende ic salse wtleyden vanden volcke, ende ic salse vergaderen wt den lande, ende ic salse leyden, in haer lant, ende ic salse voeden op die bergen van Israel, ⁺ aen die riuieren ende in allen plaetsen des lants.

+ D

14

In die aldervruchtbaerste weyden sal ickse weyden, ende op die hooge berghen van Israel sullen haer weyden zijn, daer sullen si rusten inden groenen cruyden, ende si sullen in vette weyden geuoet worden, op die bergen van Israel.

15

Ick sal mijn scapen selue weyden, ende ic salse te gader doen liggen seyt die ^* HEERE God),

* h. heerscappende heere

16

Dat verloren was, sal ic weder soecken, ende dat verworpen was, sal ic weder brenghen, ende dat gebroken was, sal ic verbinden, ende dat cranc was, sal ic starcken, ende dat vet ende starc is, sal ick ^* bewaren), ende ic salse weyden met doordeel.

* th. verderuen

17

⁺Maer ghi mijn cudden, dit seyt die ^* HEERE God,) Siet, ic oordeele tusschen vee ende vee, ende tusschen den ram ende den boc,

+ E

* h. heerscappende heere

18

En wast v niet genoech dat ghi goede weyden afweydet? Hier en bouen die ouerbliuinge uwer weyden vertradi oock met uwen voeten, Ende als ghi dat alderclaerste water dronct, so verstoorde ghi met uwen voeten dat ander datter bleef?

19

Ende mijn scapen werden geuoet met tgene, dat ghi met uwen voeten vertreden hadt, ende dat uwe voeten verstoort hadden, dat droncken si.

20

Hierom seyt dit die ^* HERE God) tot v, Siet, ic selue oordeele tusscen een vette beeste ende een magher beeste,

* thebr. heerscappende Heere

21

Om dat ghi metten siden ende metten scouderen hortet, met uwen hoornen stiet ghi alle dat crancke vee, tot dat si daer buyten verstroyt werden,

22

so sal ic mijn cudde behouden, ende si en sal niet meer tot rooue zijn, ende ic sal oordeelen tusschen vee, ende vee.

23

Ende ic sal op hen verwecken eenen herder, diese

[p. R8v]

^* voeden) sal, minen knecht Dauid, Hi salse ^* voeden) ende hi sal hen zijn tot een harder,

* the. weyden

* the. weyde

24

Ende ic die HERE sal hen zijn tot een God, ende Dauid mijn knecht prince int midden van hen, Ic die HEERE hebt gesproken.

25

Ende ic sal met hen een verbont des vreets maken, ende ic sal doen stille sitten die alderquaetste beesten vanden lande, Ende die in die wildernisse woonen, sullen in sekerheden slapen inden bosscen,

26

Ende ic salse setten in gebenedijnge alom mijn hueuelen, ende ic sal den regen tot sinen tijt voortbrenghen, ende het sullen zijn reghenen der gebenedijngen,

27

Ende ^* dat hout vanden acker sal zijn) vruchten geuen, ende die aerde sal haer groeysel geuen, ende si sullen in haeren lande wesen sonder vreese, Ende si sullen weten dat ick die HEERE ben, als ic die ketenen van haeren iocken gebroken sal hebben, ende als icse sal hebben verlost vander genen hant die bouen hen heerschappie hebben.

* th. die boomen des ackers sullen haer

28

⁺Ende si en sullen voort meer den heydenen niet zijn tot rooue, noch die beesten des lants en sullense niet verslinden, Maer si sullen getrouwelijc woonen sonder eenige vreese,

+ G

29

Ende ic sal hen verwecken een vermaert groeysel, Ende si en sullen voort meer niet vermindert worden metten honger int lant, noch si en sullen den lachter der heydenen niet meer dragen,

30

Ende si sullen weten dat ic die HERE haer God ben met hen, ende si mijn volc, dat huys van Israel zijn, seyt die ^* HERE God,)

* h. heerscappende heere

31

Maer ghi mijn cudden, cudden mijnder weyden sidi menscen, ende ic ben die HERE uwe God, seyt ^* God die HEERE.)

* h. heerscappende heere

§ Dwoort Gods ouer den berch Seir, dat hi verwoest sal worden, om dat si tvolc Gods geplaecht hadden.