De Vorsterman Bijbel

§ Dat .xxviij. Cap.

1

⁺DEs HEEREN woort gesciede tot mi seggende,

+ A

2

des menschen sone, segt den prince van ^* Tyro) Dit seyt die ^* HERE God Om dat uwe herte verheuen is, ende ghi gheseyt hebt, ☞ Ick ben God, ende ic heb geseten in Gods zetel, in dat herte vander zee, als ghi een mensche zijt ende niet God, Ende ghi hebt v herte ghegheuen als Gods herte.

* thebr. Zor

* h. heerscappende here

3

Siet, ghi zijt wijser dan Daniel, ende alle heymelic dinc en is van v niet verborgen.

4

⁺Met uwe wijsheyt, ende met uwe vroetscap hebdy v ^* stercheyt ghemaect) ende hebt gout ende siluer vercreghen in uwe schatten,

+ B

* the. groot goet vercreghen,

5

In die menichte uwer wijsheyt, ende uwe coomanscap hebdy v die stercheyt vermenichfuldicht, ende v herte is verheuen in uwe stercheyt.

6

Hierom seyt dit die ^* HEERE God,) Om dat v herte verheuen is, als Gods herte.

* h. heerscappende Heere,

7

Hieromme siet, so sal ick op v vremde luyden brengen, die ^* alderstercste vanden) heydens. Ende si sullen haer swaerden wt die sceyde trecken ouer die schoonheyt uwer wijsheyt, ende si sullen v schoonheyt ^* besmetten)

* the. tyrannen der

* th. ontheylighen,

8

Ende si sullen v dootslaen, ende neder trecken, ende ghi sult steruen, ⁺ int herte der zee, met die doot der ghenen, die verslaghen zijn.

+ C

9

Suldy dan niet seggende spreken, ick ben God, voor die ghene die v dootslaen, Want ghi een mensche zijt, ende niet God?

10

In der ghenen hant die v verslaen suldy steruen in vremder luyden hant met der doot der onbesnedender luyden, Want ick hebt ghesproken seyt die ^* HERE God) [kolom]

* h. heerscappende here

11

Ende des HEREN woort ghesciede tot mi, segghende, Des menschen sone, heft op v gheclage, op den coninck van ^* Tyro)

* the. Zor.

12

ende ghi sult hem seggen, Dit seyt die ^* HERE God) Ghi zijt een teeken der ghelijckenissen, vol wijsheden ende volmaect in scoonheden

* th. heerscapende here

13

^* In die weeldicheden van Gods paradise hebdy geweest) ⁺ Alle edele steenen, waren v cleedinge Sardius, Topasius, Iaspis, Crisolitus, ende Onix, Berillus, die Saphier ende ^* Carbonckel, ende Smaragdus. Gout was dat werck uwer schoonheyt, ende inden dach dat ghi gescapen waert, waren v ghaten bereyt)

* th. inden hof Gods tot Eden hebdy geseten

+ D

* the. Smaragd, Carbunckel, ende gout daer bi, inden dach doen ghi geschapen wert, is v oock geschapen dat werck ws buycs ende darmgaten.

14

Ghi waert ^* Cherub wtgespreyt ende beschermende) ende ick sette v in Gods heylighen berch, In die middewaert vanden ⁺ vyerigen steenen hebdy ghewandelt,

* h. een heerlijcke Cherub, die hem breedt wtstrect,

+ § Vierige steenen, is een toenaem der englen daer bi die kinderen van Israel verstaen worden

15

volmaect in uwe wegen vanden dach dat ghi gheschapen waert, ter tijt toe dat boosheyt in v gheuonden is.

16

In die menichte van uwe coomanscapen werden uwe binnensten veruult van boosheden ende ghi sondichdet, ende ick werp v neder van Gods heylighen berch, ende ick verdede v o Cherub, vander middewaert der vieriger steenen beschermende.

17

Ende v herte wert verheuen in uwer schoonheyt. Ghi verlost v wijsheyt in schoonheyt. Ick werp v neder in die aerde, ick gaf v voor der coningen aensichte, op dat si v besien souden.

18

Met die menichte, van uwe ^* boosheden) ende met die boosheyt uwer coomanscappen, hebdy besmet uwe heylicheyt. ⁺ Hierom sal ick vyer voort brenghen vant midden van v, dat v eten sal, ende sal v gheuen in asschen op die aerde in alder ghenen aenscouwen die v sien sullen

* h. misdaden

+ E

19

Alle die v sien sullen onder den heydenen, sullen ^* verwonderen) op v, Ende ghi zijt niet gheworden, ende ghi en sult inder eewicheyt niet zijn.

* h. trueren

20

Ende des HEEREN woort gesciede tot mi, segghende,

21

des menschen sone, sedt v aensichte teghen Sidon, ende ghi sult van haer propheteren,

22

ende segghen, Dit seyt die ^* HERE God) Siet, ick segge tot v Sidon ende ick sal groot gemaect worden int midden van v? Ende si sullen weten, dat ick die HERE ben, als ick in haer sal hebben ^* ghedaen oordeel) ende ick in haer gheheylicht sal worden.

* th. heerscapende here

* h. gestraft

23

⁺Ende ick sal in haer seynden die pestilencie, ende dat bloet in haeren straten, ende haer verslagene sullen vallen int midden van hen metten swaerde rontsom, ende si sullen weten, dat ic die HEERE ben.

+ F

24

Ende den huyse van Israel, en sal si voortmeer niet zijn een letsele van bitterheyden, ende eenen doorne der droefheyt, inbrenghende allesins ronts-

[p. R5v]

omme die ghene die teghen hen zijn, ⁺ Ende si sullen weten, dat ick die HEERE God ben

+ G

25

Dit seyt de ^* HEERE God) Als ic dat huys van Israel vergadert sal hebben wt den volcke, in welcke si verstroyt zijn, dan so sal ick in hen geheyliget worden voor die heydenen ende si sullen woonen in haeren lande, dat ick Iacob minen knechte ghegheuen heb

* h heerscappende Heere,

26

ende si sullender zeker ende sonder sorge in woonen, Ende si sullen huysen timmeren, ende wijngaerden planten, ende si sullen betrouwelijck woonen, als ^* ic oordeel sal hebben gedaen in alle den ghenen die die hen contrarie zijn) ende si sullen weten, dat ic die HERE haer God ben.

* h. icse straffen sal, alle die rontom hen woonen diese verachten,

§ Dwoort Gods tegen Pharaonem ende Egipten, Die verwoestheyt van Egypten, Ende dat na .xl. iaer Egypten weder in wesen ghestelt soude worden, wert Pharaoni belouet voor sinen loon tegen Tyrum.