De Vorsterman Bijbel

§ Dat .xxvi. Capittel.

1

⁺HEt gheuiel inden .xi. iare, inden eersten dach vander maent, dat gesciede des HEREN woort tot mi seggende,

+ A

2

Des menschen sone, om dat ^* Tyrus) geseyt heeft van Hierusalem, Hey verblijt, die poorten der volcken zijn in tween ghebroken, si is ghekeert tot mi waert, ic sal veruult worden, si is woest

* the. Zor.

3

Hier om seyt dit die ^* HERE God) Siet ^* Tyre) ic spreke tot v, ende ic sal tot v op doen comen vele heydenen, also die zee vloeyende op rijset.

* th. heerscapende here

* the. Zor.

4

Ende si sullen ^* Tyrus) mueren verderuen, ende afbreken haer torrens. Ende ick sal haer stof van haer wtscrabben, ende ick salse gheuen tot eenen zeer blinckenden steen.

* the. Zor.

5

Het sal zijn int midden der zee een plaetse, daermen die netten te droogen wt spannet, want ick hebt ghesproken seyt die ^* HERE God), ende si sal den heydenen tot eenen roof zijn.

* th. heerscapende here

6

Ende haer dochteren die inden acker zijn, sullen verslaghen worden metten swaerde, ende si sullen weten dat ic die HERE ben,

7

Want dit seyt die ^* HERE God), Siet ick sal aen brengen tot ^* Tyrum) Nabuchodonosor den coninck van Babilonien, ⁺ den coninck der coninghen vant noorden, met paerden ende met waghenen, ende met rosvolcke ende met een groot heyr ende met grooten volcke.

* th. heerscapende here

* the. Zor.

+ B

8

V dochteren die inden acker zijn, sal hi verslaen metten swaerde, ende hi sal v omlegghen met bolwercken, Ende hi sal ronts om v eenen dijck legghen, [kolom] ende hi sal den schilt tegen v op heffen,

9

Ende die ^* wijngaerden ende die rammen sal hi ordineren teghen uwe mueren) ende door zijn wapeninge sal hi v torrens neder trecken

* h. mueren sal hi v met sinen rammen afloopen

10

Metten gedruysche van zijnder paerden sal v haer stof ouerdecken, vanden geluyde des rosvolcs ende der raderen, ende der wagenen, sullen v mueren beroert worden, Als hi binnen uwe poorten gecomen sal zijn, als door den ganck eender verdoruen stadt,

11

Hi sal al uwe straten vertreden metten clauwen van sinen paerden, Hi sal v volc metten swaerde verslaen, ende v ^* edele) sullen op die ^* aerde vallen)

* the. stercke calommen

* th. si trecken

12

Si sullen v rijcheden verwoesten, ⁺ si sullen uwe comenscap roouen, Ende si sullen v mueren afbreken, ende si sullen v costelijke huysen omworpen Ende si sullen v steenen int midden vanden wateren worpen, ende v hout ende v stof.

+ C

13

Ende ic sal die menichte van uwen sanghe doen rusten, ende men sal voort meer niet hooren dat geluyt van uwen harpen.

14

Ende ic sal v geuen in eenen blinckenden steen, ghi sult een plaetse zijn daermen die netten te droogen wt spant, ende ghi en sult voort meer niet ghesticht worden, want ic die HERE hebt ghesproken, seyt die ^* HERE God)

* th. heerscapende here

15

Dit seyt die HERE God tot ^* Tyrum) En sullen die eylanden niet beroert worden vanden geluyde ws vals, ende vanden gesuchte uwer verslagenen, als si int midden van v verslagen sullen worden.

* the. zor.

16

Ende al die princen vander zee sullen neder climmen van haer stoelen ende si sullen af doen haer scoeuen, ende haer gesticte cleederen sullen si wech worpen, ende si sullen gecleet worden met verwonderinge. ⁺ Si sullen in die aerde verstoort sitten, op uwen haestigen val sullen si verwonderen,

+ D

17

ende si sullen aen nemen op v droefheyt, ende seggen v. Hoe sidi vergaen? (die daer in die zee woont) edele stadt, die sterc waert in die zee, metten genen die in v woonden, die alle menschen ontsagen?

18

Nv sullen die ^* scepen) verwonderen inden dach ^* uwer vreesen) ende die eylanden in die zee sullen verbaest worden ^* om dat niemant wt v en gaet)

* h. eylanden

* th. ws vals

* th. van uwen wech trecken.

19

Want dit seyt die ^* HERE God) Als ic v sal hebben gegeuen een verwoeste stadt, Als steden daermen niet in en woont, ende als ic den afgront op v ghebracht sal hebben, ende v veel wateren ouerdect sullen hebben,

* th. heerscapende here

20

ende sal v neder getrocken hebben metten genen die neder gaen inden put totten ^* eewigen) volcke, ende ic v geleyt sal hebben int ^* wterste) lant, als die oude wildernissen metten ghenen diemen inden put leyt, om dat ghi niet bewoont en sout wesen Ende als ic heerlicheyt sal geuen inder leuender lant,

* th. gheduerigen

* h. onderste

21

So sal ic v te nyet maken, ende ghi en

[p. R4v]

sult niet zijn, ende alsmen v soecken sal, so en salmen v nymmermeer vinden, seyt die ^* HEERE God).

* h. heerscappende here

§ Hoe Tyrus beweent wert ende vallen moeste, ende vanden schepen, ende des lants coomen scapen worden hier bescreuen