De Vorsterman Bijbel

§ Dat .xxv. Capittel.

1

⁺DEs HEEREN woort gesciede tot mi seggende,

+ A

2

Des menschen sone, sedt v aensicht teghens Amons kinderen waert, ende ghi sult van hen propheteren,

3

ende sult Amons kinderen seggen, Hoort des HEEREN woort, Dit seyt die ^* HEERE God) Om dat ghi gheseyt hebt, op mijn heylige plaetse, Hey verblijt, Hey verblijt, Het is ontheylicht, Ende van dat lant van Israel, Het is verwoest, Ende van dat lant van Iuda, Si zijn in gheuangenisse gheleyt,

* h. heerscapende here

4

Hierom siet, so sal ick v leueren den kinderen vant Oosten in een erflicheyt, ende si sullen haer ^* schaepsstallen) in v setten, ende si sullen v setten haer tenten. ⁺ Si sullen uwe vruchten eten, ende si sullen v melc drincken.

* the. sloten

+ B

5

Ende ick sal Rabbath gheuen tot eenen stal der kemels ende Amons kinderen in die slaepcameren des vees, ende ghi sult weten, dat ick die HERE ben,

6

Want dit seyt de ^* HEERE God,) Om dat ghi metter handt te samen gheslagen hebt, ende metten voeten gestampt, ende verblijt zijt met alder herten, op dat lant van Israel,

* h. heerscapende here

7

Hierom siet, so sal ick mijn hant op v wtsteken, ende ick sal v leueren tot rooue, den heydenen, ende ick sal v dootslaen vanden volcke, ende ick sal v verderuen vanden lande, ende instucken wriuen, ende ghi sult weten, dat ic die HEERE ben.

8

Dit seyt de ^* HEERE God) Om dat Moab ende Seir geseyt hebben, Siet also als zijn alle heydens, so is dat huys van Iuda?

* h. heerscapende here

9

Hierom siet, so sal ick opdoen Moabs ^* schouderen vanden steden (te weten) van zijn steden) ende van sinen palen, die heerlijtke vanden lande, Bethiesi, Onoth, ende Beelmeon, ende Cariathaim,

* the. zyden oock van allen haeren steden,

10

die kinderen vanden oosten met Amons kinderen, Ende ic ^* salse in vergetentheyt geuen) so dat voortmeer gheen ghedencken en sal zijn onder den heydens van Amons kinderen.

* h. sal doen datmense sal vergeten

11

Ende in Moab sal ic oordeel doen, ende si sullen weten, dat ic die HERE ben

12

Dit seyt die ^* HEERE God,) Om dat Idumeen wrake dede, om dat si haer souden wreken vanden kinderen van Iuda, ende sondichden

* h. heerscapende here

[p. R4r]

misdoende, ende heeft wrake aen hen ghedaen

13

Hierom seyt die ^* HERE God) Ick sal mijn hant wtsteken op Idumeen, ende ick salder af wech halen den mensche ende die beesten, ende ic salse vant ^* zuyden woest maken, Ende die in Dedan zijn, sullen metten swaerde vallen)

* h. heerscappende here

* th. Teman aen tot Dedan toe verwoesten ende door dat swaert vellen

14

Ende ic sal mijn wrake geuen op Idumeen door mijs volcs van Israels hant. Ende si sullen in Edom doen na mijn gramscap, ende toorn, ende si sullen mijn wrake weten, seyt die ^* HERE God).

* th. heerscapende here

15

⁺Dit seyt die ^* HERE God) Om dat die Palestinen wrake deden, Ende si hen seluen ghewroken hebben met alder herten dootslaende ende voldoende die oude viantscappen,

+ D

* th. heerscapende here

16

hierom seyt dit die ^* HEERE God). Siet ic sal mijn hant wtsteken op die Palestinen, ende ic sal die dootslaenders dootslaen, Ende ick sal verdriuen die dat ouerblijfsel aen die zee gelegen zijn,

* th. heerscapende here

17

ende ic sal aen hen groote wrake doen, straffende in minen toorn, ende si sullen weten dat ic die HEERE ben, als ic mijn wrake op hen ghegeuen sal hebben.

§ Hoe die stadt Tyrus om dat si verhuecht hadde, om dat Hierusalem verdoruen wert, oock selue verdoruen soude worden.