De Vorsterman Bijbel

§ Dat .xxiiij. Capittel.

1

⁺ENde des HEEREN woort gheschiede tot mi int negenste iaer, in die thienste maent, inden thiensten dach der maent, segghende,

+ A

2

Des menschen sone, Schrijft v den naem van desen dage, daer in dat die coninc van Babilonien beuesticht is teghen Ierusalem huyden,

3

ende ghi sult seggen een ghemeyn segwoort, tot dwederspannich ^* huis) dese gelijckenisse, ende ghi sult tot hen seggen Dit seyt die ^* HEERE God,) Sedt eenen pot, ⁺ settet eenen, ende doet daer water in,

* the. ghesin

* h. heerscappende here

+ B

4

^* Neemt een zeer vette koe) ende legt daer af die stucken inden pot, elck goet stuck, ende die dgie, ende die schouderen ende schinckelen, die wtuercoren stucken ende vol van beenen

* ten is niet int hebree.

5

^* Legt ooc onder inden pot eenen hoop beenen, Ende den pot is ouergesoden, ende haer beenen zijn versoden int midden vanden pot)

* th. Neemt tbeste vanden scaep ende stoect een vyer daer onder van beenen latet wel op zieden ende sine beenen wel verzieden

6

Hierom seyt die HEERE Godt, Wee der stadt des bloets, die een pot is, wiens roesticheyt in hem is, ende sine roesticheyt en ginc van hem niet, Bi stucken ende bi sinen stucken worpt die wt ^* Op haer en viel gheen lot)

* h. Men en darf gheen lot op haer worpen,

7

Want haer bloet is int midden van haer, op eenen claren harden steen, stort si dat bloet wt, Ende si en stortet niet op die aerde, datmen mochte ouerdecken met stoue,

8

Omme dat icker op brenghen soude mijne gramschap, ende dat ick met die wrake wreken soude, ghaf ick haer bloet op eenen claren harden steen, om datment niet ouerdecken en soude,

9

Hierom seit die ^* die HERE v God) Wee der ^* stadt des bloets) der welcker hoop vyers ick groot maken sal,

* h. heerscappende heere

* h. bloetgieriger stadt

10

vergadert ^* die gebeenten) tot eenen hoope, dat ic metten vyer verbranden sal, Dat vleeesch sal worden ^* verteert) ende men sal al die verghaderinghe, ⁺ die tsamen geleyt is, zieden, ende die beenen sullen verdwinen,

* the. hout,

* h. verzoden

+ C

11

Stelt ooc den pot op die kolen al ydel, dat hi gheloeye, ende dat

[p. R3v]

zijn coper smilte, ende dat smilte in zijn midden sine onsuyuerheyt, ende sine roesticheyt, worde verteert.

12

^* Met veel arbeyts isser ghesweet,) ende zijn groote roesticheyt en ghinck wt hem niet, noch door den vyere.

* h. Si heeft die arme zere gheplaecht.

13

Vwe onsuyuerheyt is afgrijselijck, Want ick wilde v suyueren, ende ghi en ^* zijt niet ghesuyuert van uwe smetten.) Maer ghi en sult ooc neet eer gesuyuert worden, voor dat ic mijn gramscap op v sal doen rusten,

* th. wildet v niet laten suyueren

14

⁺Ic die HEERE hebt gesproken. Ic ben gecomen, ende ick salt doen, ic en salt niet ouergaen noch sparen, noch versoent worden, Naer uwen weghen, ende naer uwe nieuwe vindingen, sal ic v oordeelen seyt die ^* HEERE God.)

+ D

* h. heerscappende here

15

Ende des HEREN woort gesciede tot mi, seggende,

16

Des menschen sone, siet, ic neme van v die begeerlicheyt van uwen oogen, door een plage, ende ghi en sult daerom niet clagen noch weenen, noch v tranen en sullen niet vloeyen,

17

Versucht al swighende, ghi en sult der dooder geween niet doen. ^* Vwe croone laet omtrent v gebonden zijn) ende uwe scoenen sullen aen v voeten zijn, noch ghi en sult met uwen cleede uwen mont niet decken) noch ghi en sult niet eten ^* der weenender menschen ouer der dooden spise)

* the. ghi en sult niet des te min uwe vercieringhe op setten

* the. claechbroot.

18

Hierom sprac ic des morgens vroech totten volcke, ende des auonts starf mijn wijf. ⁺ Ende ick dede des morghens, also hi mi beuolen hadde.

+ E

19

Ende dat volck seyde tot mi, Waerom en segdy ons niet, wat dese dinghen beteekenen die ghi doet?

20

Ende ick seyde tot hem Des HEREN woort is tot mi geschiet, segghende,

21

Spreect totten huyse van Israel, Dit seyt die ^* HEERE God) Siet, ic sal besmetten mijn heylige plaetse, die hoouaerdije ws rijcs, ende die begheerlicheyt van uwen oogen ende ^* daer uwe ziele af veruaert is,) ende uwe sonen ende dochteren die ghi achter ghelaten hebt, sullen vallen doort swaert,

* h. heerscappende heere

* h. dat uwe ziele spaert ende ontfermt

22

ende ghi sult doen also ic gedaen heb. Vwen mont en suldy met uwen cleede niet decken, noch ⁺ der weenende menschen ouer der dooden spise) en suldy niet eten

+ the. claechbroot.

23

^* Ghi sult croonen op v hoofden hebben) ende schoenen aen uwe voeten, Ende ghi en sult niet beclagen noch beweenen, maer ghi sult verdwinen in uwe ^* boosheden) ende een yegelijc sal ^* versuchten) tot sinen broederwaert,

* th. Ghi en sult des niet te min uwe vercieringe op uwe hooft setten

* h. misdaden

* th. rou draghen.

24

Ende Ezechiel sal v zijn tot een wonderteeken, naer al dat hi gedaen heeft suldi doen als dit comen sal, ⁺ ende ghi sult weten, dat ic de ^* HERE God) ben,

+ F

* h. heerscapende here

25

Ende ghi des menschen sone In dien dach, dat ic van hen haer stercheyt nemen sal, ende die blijscap haerder waerdicheyt ende die begheerte haerder oogen, daer haer [kolom] zielen ^* op rusten, ende) haer sonen, ende haer dochteren,

* h. haer na opheffen

26

in dien dach als die vliende tot v comen sal, om te bootscappen,

27

In dien daghe, segghe ick, sal uwen mont opghedaen worden met hem die gheuloden sal zijn, ende ghi sult spreken, ende voortmeer niet swighen, ende sult hen zijn tot een wonderteeken. Ende ghi sult weten, dat ic die ^* HEERE God) ben.

* h. heerscapende here

§ Dat woort Gods teghen Amons kinderen, ende Moab ende Seir, ende teghen die Palestinen die hen verblijden van Ierusalems val, ende hebben die dochteren van Iuda verdruct.