De Vorsterman Bijbel

§ Dat .xvij. Capittel.

1

⁺ENde des HEEREN woort geschiede tot mi, segghende,

+ A

2

Des menschen sone stelt voort dit raetsel, ende vertelt dese ghelijckenisse, den huyse van Israel,

3

ende ghy sult segghen, Dit seyt die ^* HEERE God) Eenen grooten aerent, met groote vlogelen lanc van ^* vertrecken der leden) vol van pluy-[kolom]men, ende van ^* menigerhande verwen) quam tot den berch Libanum, ende hi nam dat ^* merch) vanden Cederboom,

* h. heerscappende Heere,

* theb. slachvederen,

* thebr. ghesprickelt

* the. sopken

4

ende dat opperste van haeren tacken brack hi af, ende droech dat ouer ^* int lant van Canaan, in der coopluyden stadt sette hi dat)

* h. in een verweruich lant, ende settet in een stadt der hanteringen

5

Ende hi nam ooc vanden zade des lants ende leyde dat in die aerde voor zaet, dattet zijn wortelen vast maken soude op vele wateren. ⁺ In dat bouenste vanden lande leyde hi dat zaet,

+ B

6

Ende alst geghroeyt was, so wiest in eenen widen wijngaert, ende niet hooge, ende zijn tacken ^* saghen tot hemwaerts, ende zijn wortelen waren onder hem.)

Aldus werdet een wijngaert, ende maecte die vrucht in rancken, ende hi schoot wt zijn nieuwe rancken.

* the. boochde onderwaert ende langs dye wortlen henen.

7

Ende daer was een ander groote arent met groote vlogelen, ende met vele pluymen, Ende siet desen wijnghaert ^* scheen schietende zijn wortelen tot haer,) ende zijn rancken reycte hi tot hem, dat hi hem ^* veruerschen soude vanden houen zijns bloeysels)

* the. hadde dorst aen zijn wortelen na desen Arent,

* the. in zijn acker voren wateren soude,

8

Desen wijngaert was geplant in goeden lande aen veel wateren, dat hi bladeren maken soude, ende vrucht draghen, ende dat hi zijn soude tot eenen grooten wijngaert,

9

⁺Segt, dit seyt die ^* HERE God) En sal dese wijngaert geenen voorspoet hebben? En sal hi zijn wortelen niet wtroeden, ende zijn vruchte bedwingen? Ende hi sal verdroogen alle die rancken zijns bloeysels ende hi sal verdorren, ende niet met eenen grooten arm, noch met veel volcs, dat hi desen wijnghaert wtroeden soude metter wortelen.

+ C

* the. de heerscappende HEERE

10

Siet desen wijnghaert is gheplant, En sal desen wijngaert gheenen voorspoet hebben? Als eenen ^* bernenden wint) desen wijngaert raken sal, en sal hi niet worden verdroocht, ende sal hi verdorren inder aerden zijns groeyens?

* the. oostenwint

11

Ende des HEEREN woort gheschiede tot mi segghende,

12

Segt tot den wederspannigen ^* huyse,) En weet ghi niet wat dese dinghen beduyden?

⁺ Segt, Siet, die coninck van Babilonien sal comen in Ierusalem, ende hi sal met hem nemen haeren coninck ende zijn princen, ende hi salse voeren tot hemseluen in Babilonien,

* th. gesinne

+ D

13

Ende hi sal nemen vanden zade van dien rijcke, ende hi sal met hem een verbont maken, ende hi sal van hem nemen eenen gesworen eedt Maer oock sal hi wech voeren, die starcke mannen vanden lande,

14

om dattet zijn sal een vernedert rijck, ende dattet niet verheuen worden en sal, maer dattet bewaren sal zijn verbont, ende dat houden,

15

Die welcke van hem wech gaende, sandt boden in Egipten, datmen hem gheuen soude paerden, ende vele volcs, ende sal hi geenen voorspoet hebben oft sal hi salic-

[p. Q7v]

heyt beiagen, die dit gedaen heeft? Ende die dat verbont gebroken heeft, sal hi niet ontulieden?

16

^* Ic leue, seit die HERE God) want in des conincs plaetse, die hem coninc maecte, wiens eet hi gebroken heeft, ende tverbont gebroken heeft dat hi met hem had, int midden van Babilonien sal hi steruen.

* th. so waer als ic leue, seit de heerscappende Heere

17

Ende niet met een groot heyr, noch met grooten volcke en sal Pharao tegen hem strijt doen, met makinge van bolwercken, noch met stichtinge des bolwercs op dat hi ^* veel zielen verslaen) soude.

* th. velen tleuen nemen.

18

Want hi versmade den eedt, ⁺ op dat hi tverbont breken soude, ende siet, hi heeft zijn hant geheuen, Ende want hi al dese dingen gedaen heeft, so en sal hi niet ontulieden,

+ F

19

Hierom seyt die ^* HERE God, Ick leue wat den eet) dien hi versmaet heeft, ende ^* tverbont) dat hi gebroken heeft, sal ic op zijn hooft setten.

* h. heerscappende Heere, so waer als ic leue, so sal ic minen eedt

* theb. mijn verbont

20

Ende ic sal op hem mijn nette wtspreyden, ende hi sal in mijn nette geuaen worden, Ende ic sal hem brengen in Babilonien, ende ic sal hem daer oordeelen in dier ouerdaet daer hi mede versmadet heeft,

21

Ende alle zijn vooruluchters met alle zijnder heyrscharen sullen metten swaerde vallen.

Maer die ouerbleuene, sullen ghestroyt worden in alle winden, ⁺ ende ghi sult weten, dat ict die HEERE gesproken heb.

+ G

22

Dit seyt die ^* HERE God) Ende ic sal nemen dat ^* merch) van eenen hoogen Cederboom, ende ic salt ^* setten) Vanden top zijnder dunder tacken sal icse afbreken, ende ic salt planten op eenen hoogen verheuen berch.

* h. heerscappende Heere.

* th. topken.

* thebre. ghebruyken

23

Ic sal dien planten op eenen hoogen berch van Israel, ende hi sal wtspruyten in eenen bloemsele, ende hi sal vruchte maken, ende hi sal zijn tot eenen grooten Cederboom, Ende onder hem sullen woonen alle voghelen, ende alderhande gheuoghelte, Onder die schaduwe van sinen bladeren sullen si nestelen,

24

Ende alle die ^* houten vanden rijcke die) sullen weten, dat ic die HERE, heb vernedert den hoogen boom, ende dat ic verheuen hebbe den nederen boom, ende dat ic verdroocht heb, dat groene ^* hout,) ende heb doen groeyen dat drooge ^* hout,) Ick die HERE heb dit ghesproken, ende hebt ghedaen.

* th. veltboomen

* the. boom

* the. boom

§ Van die soere druyue, Dat die vader voor den sone, noch die sone voor den vader, maer dat eenyegelijc sinen last draghen sal Ende dat hi geoordeelt sal worden, daer hi in gheuonden sal worden, Ende dat die sondaren worden tot berou gheroepen.