De Vorsterman Bijbel

§ Dat .xi. Capittel.

1

⁺ENde die gheest hief mi op, ende leyde mi in ter oost poorten des HEREN huys, die aensiet den opganc vander zonnen, Ende siet inden inganc vander poorten waren .xxv. mannen ende ic sach int midden van hen Iechoniam Azur sone, ende Pheltiam Bananias sone die princen vanden volcke.

+ A

2

Ende hi seyde tot mi. Des menschen sone dit zijn die mannen die quaet dencken, ende dragen ouereen alte quaden raet in dese stadt,

3

ende seggen, En zijn onlancs die huysen niet gesticht? Dit huys is die metalen pot, ende wi zijn dat vleesch,

4

Hier om propheteert van hen, Propheteert des menschen sone.

5

⁺Ende des HEEREN gheest viel in mi ende hi seyde tot mi, Spreect, Dit seyt die HEE-[kolom]RE, O ghi huys van Israel, aldus hebt ghi gesproken, ende ic weet die gedachten uwer herten.

+ B

6

Ghi hebt in dese stede veel menschen doot gheslaghen, ende ghi hebt haer weghen veruult met verslagen menschen

7

Hierom seyt die ^* HERE god) van Israel V verslagen menschen, die ghi int midden van hen geleyt hebt die zijn tvleesch, ende dese is die metalen pot, ende ic sal v wt leyden vant midden van haer,

* h. heerscapende heer

8

Ghi hebt dat swaert ontsien, ende ic sal dat swaert brenghen op v, seyt die ^* HEERE God)

* h. heerscapende heer

9

ende ic sal v verdriuen wt midden van haer

Ende ic sal v geuen inder vianden handen, ende ic sal oordeelen aen v doen.

10

Ghi sult doort swaert vallen, Inden palen van Israel sal ick v oordeelen, ende ghi sult weten, dat ic die HEERE ben.

11

Dese en sal niet zijn tot eenen metalen pot, ^* ende ghi sult int midden van haer niet zijn tot vleesche). Inden palen van Israel sal ic v oordeelen,

* the. maer ghi sult wel haere vleesch zijn

12

ende ghi sult weten, dat ic die HERE ben, ☞ Want ghi en hebt in mine geboden niet gewandelt, ende en hebt mijn oordeelen niet gehouden, maer na der heydenen oordeelen, die al om v zijn, hebt ghi gedaen,

13

Ende het geuiel doen ic propheteerde, dat Pheltias Bananias sone sterf, ende ick viel op mijn aensichte, ende riep met luyder stemmen, ende seyde, Ach, Ach, Ach, HEERE God, ⁺ Ghi doet die verderffenisse vanden ouerbliue van Israel.

+ C

14

Ende des HEREN woort gesciede tot mi, seggende,

15

Des menschen sone, uwe broeders die mannen, uwe naeste, ende alle dat huys van Israel, al die ghene die welcke in Ierusalem woonen, seyden, Gaet verre wech vanden HEERE, ons is dat lant gegeuen tot besittinghe,

16

Hier om seyt die ^* HERE v God) Om dat icse verre gedaen heb onder die Heydens, ende om dat icse verstroeyt heb inden landen, so sal ick hen zijn tot een cleyn heylichmakinge inden landen daer si toe gecomen zijn,

* h. heerscapende heer

17

Hier om spreect Dit seyt die ^* HERE God) Ick sal v vergaderen vanden volcke, ende bi een vergaderen vanden lande, daer ghi in verstroeyt zijt, ende ic sal v geuen die aerde van Israel.

* h. heerscapende heer

18

Ende si sullen derwaerts ingaen, ende si sullen wech doen alle ^* hindernisse), ende alle afgrijselicheden van dien lande.

* h. afgoderijen.

19

⁺Ende ick sal hen een herte geuen, ende ic sal in haeren binnensten geuen eenen nyeuwen gheest, ☞ Ende ic sal dat steenachtich herte afnemen van haeren vleesch, ende ic sal hen gheuen een vleesachtich herte

+ D

20

op dat si wandelen sullen in mine geboden, ende mijn oordeelen bewaren, ende die doen, Ende dat si mi sullen zijn tot een volck, ende dat

[p. Q4v]

ick hen zijn sal een God.

21

⁺Der welcker herte dat na ^* verargernisse) ende na haer afgrijselicheden wandelt, deser wech sal ick op haer hooft leggen, seyt die ^* HERE v God)

+ E

* th. afgoden.

* thebr. heerscappende

22

Ende die Cherubinnen hieuen haer vlogelen op, ende die raderen met hen, ende die Heerlicheyt Gods van Israel was bouen op haer.

23

Ende des HEREN heerlicheyt voer op vant midden der stadt, ende si stont op den berch die oostwaerts is vander stat

24

Ende die ^* geest) hief mi op, ende bracht mi in Caldeen ^* totter oueruoeringhen) in een visioen in Gods gheest Ende dit visioen dat ick gesien hadde, wert van mi genomen,

* the. windt.

* th. totten geuangenen.

25

Ende ic sprack ^* totter oueruoeringen) alle des HEEREN woorden, ☞ die hi mi ghetoont hadde.

* th. totten geuangenen

§ Hoe die propheet Ezechiel met eenen exempel ende gelijckenisse, die benautheyt des belegs van Ierusalem, ende die gheduericheyt des belegs bewijst.