De Vorsterman Bijbel

§ Dat .x. Capittel.

1

⁺ENde ic sach, ende siet, inden firmament dat op dat hooft, vanden Cherubim was, als een Saphier steen, ende daer bouen, die Enghel openbaerde, als een ghedaente, eender ghelijckenisse van eenen throon.

+ A

2

Ende hi seyde tot den man, die gecleet was metten lijnen cleederen, ende sprac, Gaet in die middewaert vanden raderen die onder Cherubim zijn, ende vult v hant met gloeyende kolen vanden vyere, die tusschen die Cherubim zijn, ende stortse wt op die stadt.

Ende hi ghinck in, in mijn aenschouwen,

3

Ende die Cherubinnen stonden ter rechter zyden vanden huyse, als die man in ghinck, ende een wolcke veruulde den binnensten voorhof.

4

Ende des HEEREN heerlicheyt wert op verheuen, van bouen die Cherubim totten dorpele vanden huyse, ende dat huys wert veruult met ^* eender wolcken) Ende dien voorhof wert veruult met der claerheyt van des HEEREN heerlicheyt,

* the. roock

5

⁺Ende men hoorde dat gheluyt vander Cherubinnen vlogelen, totten buytensten voorhof, ghelijc des almachtichs Godts stemme sprekende.

+ B

6

Ende doen hi beuolen hadde den man, die met lijnen cleederen ghecleedt was, segghende, neemt vier vanden middewaert vanden raderen, die tusschen den Cherubinnen zijn, so ghinc hi in, ende stondt neffens dat radt,

7

Ende die een Cherub stac wt zijn hant van midden der Cherubinnen totten viere dat tusschen die Cherubim was, ende hi namt ende gaft in des mans handen die ghecleedt was met lijnen cleederen, ende hi ontfinct, ende hi ginc wte.

8

Ende in die Cherubim openbaerde die ghelijckenisse eens menschen handt onder haer vloghelen.

9

Ende ick sach ende siet, vier raderen neffens dye Cherubim, Dat een radt neffens den eenen Cherub, ende dat ander radt neffens den anderen Cherub. Ende die ghedaente vanden raderen was als dat aensien, ⁺ des steens ^* crisolytus)

+ C

* h. hiacinct

10

ende haer aensien, was een ghelijckenisse vanden vieren, als oft een radt si, midden in dander rat

11

Ende als si gingen, so ghinghen si in alle vier zyden, ende si en keerden niet weder, doen si ginghen, maer tot dier plaetsen, werwaert dat ^* eerste rat) ghinc, so volchden ooc die andere ende si en keerden niet weder.

* theb. hooft

12

Ende al haer lichaem

[p. Q4r]

ende ^* halsen), ende handen, ende die vlogelen, ende die omringen waren vol oogen al rontom den vier raderen.

* th. rugghe

13

Ende hi hiet dese raderen daer ict hoorde ^* keerende)

* the. reepen

14

Ende dat een Cherub had vier aensichten, Dat een aensicht was eens Cherubs aensicht, ende dat ander, eens menschen aensicht, Ende in dat derde eens leeuwen aensicht, ende int vierde eens arents aensicht,

15

Ende die Cherubinnen werden op geheuen, Tis tselue dyer dat ic sach neuen die ryuier Chobar,

16

ende als die Cherubinnen ginghen, so gingen te gader oock die raderen neuen hen, Ende als die Cherubim haer vlogelen hieuen, op dat si verheuen souden worden vander aerden so en bleuen die raderen niet staende, maer si warender oock neuen.

17

Als die stonden, so stonden si oock. Ende metten opuerheuen, werden si opgeheuen. Want die ^* geest des leuens) was in hen

* h. wint des vyers.

18

⁺Ende des HEREN Heerlicheyt is wtghegaen, van des tempels dorpele, ende stont op die Chrubim,

+ D

19

ende die Cherubim opheffende haer vlogelen, zijn voor mi gheworden verheuen vander aerden, ende doen si wt gingen, so volchden hen oock die vier raderen na. Ende het stont inden inganc der poorten vant oosten van des HEREN huyse, ⁺ ende Gods van Israels heerlicheyt was op haer.

+ E

20

Het is dat dyer dat ic sach onder den God van Israel neuen die ryuiere Chobar, ende ic verstont, dattet die Cherubim waren,

21

Vier aensichten waren den eenen, ende vier vlogelen waren den eenen, ende die gelijkenisse van eens menschen hant onder haer vlogelen.

22

Ende die gelijckenissen van haeren aensichten waren die selue gedaenten des aensichts, dien ic gesien had neuen die ryuiere Chobar ^* ende haer aensien, ende tgedruysch van eenen yegelijken in te gaen voor zijn aensichte)

* th. derwelcker een yeghelijck stracs voor hem ghinck

§ Vanden .xxv. mannen. Ende vaden vleesche ende vanden potte Ende hoe Pheltias sterf. Ende van die verstroijnge des volcs. Ende hoe die verstroyde weder vergadert sullen worden.