De Vorsterman Bijbel

§ Dat .ix. Capittel.

1

⁺ENde hi riep met grooter stemmen in minen ooren, ende seyde, Der stadt versoeckinghen zijn ghenaect, Ende elck hadde in zijn hant ^* een vat des dootslachs)

+ A

* h. schadelike wapen

2

Ende siet .vi. mannen quamen vanden wege der ouerster poorten die ten noorden waert siet, ende elck had zijn vat der verderffenissen in zijn hant, Ende ^* int midden van hen) was ooc een man, met lijnen cleederen gecleet, ende hi hadde eenen scriuers inct pot aen zijn zyde, ende si quamen in, ende stonden neffens den metalen outaer.

* th. onder hen

3

Ende des HEEREN van Israels heerlicheyt werdt opghenomen vanden Cherub, die op hem was aenden dorpele vanden huyse.

⁺ Ende riep den man die gecleedt was met lijnen cleederen, ende die op zijn zyde hadde den scriuers inct pot,

+ B

4

Ende die HEERE seyde tot hem, Gaet door tmidden van dier stadt, int midden van Ierusalem, ende teekent ^* Thau) op der mannen voorhooft die versuchten, ende droeue zijn, ouer alle die afgrijselicheyden diemen int midden van Ierusalem doet,

* h. een teeken

5

Ende hi seyde den anderen, dat ict hoorde.

Gaet door die stadt, ende volget hem, ende slaet V ooge en spare niet, noch en ontfermt niet

6

Slaet doot, den ouden, den ionghelinck, ende die maghet, dat cleyne kint, ende die vrouwen. Elcken daer ghi ^* Thau) op sien suldt, en verslaet niet, ende beghint van minen heilighen huyse. Doen beghonsten si vanden mannen douders, die voor dat aensicht vanden huyse waren.

* h. dat teken

7

Ende hi seyde tot hen, Besmet dat huys, ende vult die voorhouen, met den verslaghenen, Ghaet wt. Ende si ginghen wt, ende sloeghen die ghene die in die stadt waren.

8

Ende doen die slach voldaen was, soo bleef ick ouer, ende ic viel op mijn aensicht, ende roepende, seyde ick, Ach, ach, ach, HEERE God? Wildy dan verderuen alle dat ouerblijfsel van Israel, uwen tooren verstortende op Ierusalem?

9

Ende hi seyde tot mi, Die boosheyt des huys van Israel, ⁺ ende van Iuda is harde zeer groote, ende dat landt is veruult, met bloeden, ende die stadt is veruult van afkeeringhen.

Want si hebben gheseyt, Die HEERE heeft dat lant ghelaten, ende die HEERE en siet dat niet.

+ D

10

Hierom en sal oock mijn ooghe nyet sparen, ende ick en sal niet ontfermen, ende ick sal haeren wech op haer hooft verghelden,

11

Ende siet, die man die ghecleet was metten lijnen cleederen, dye op sinen [kolom] ^* rugghe) hadde den ynct pot, antwoorde een woort, ende seyde, Ick hebbe ghedaen, also ghi mi beuolen hebt.

* the. lendenen

§ Vanden manne die kolen vanden midden der raderen, ende Cherubim nam. Ende dat voorgaende visioen Gods ende der Cherubim ende der vier raderen.