De Vorsterman Bijbel

§ Dat .xij. Capittel.

1

⁺ENde des HEEREN woort ghesciede tot mi segghende,

+ A

2

Des menschen sone, ghi woont in die middewaert van een wederspannich ^* huys) die oogen hebben, om te sien ende si en sien niet, ⁺ ende ooren om te hooren, ende si en hooren niet, want tis een wederspannich ^* huys,)

* the. ghesin

+ Esaie. vi.c int werck der .xxviij f

* the. ghesin

3

Hierom ghi des menschen sone, maect v ^* vaten der oueruoeringe) ende ghi sult bi dage voor ^* hen) ouereysen, Maer ghi sult ouerreysen van uwer plaetsen, tot een ander plaetse in haeren aensien, oft zijt messcien aensien, dattet is een wederspannich ^* huys)

* th. wandelgereescap

* th. haer ooghen.

* the. ghesin

4

Ende ghi sult uwe ^* vaten) daer buyten dragen als vaten der oueruaert, des daechs, in haeren aensien.

Maer ghi sult des auonts voor hen wtgaen, also wt gaet een die wt reyst,

* th. wandelgereescap

5

voor haeren oogen, ⁺ Doorgraeft v den wandt, ende in haeren aensie, suldy door den wandt wtgaen,

+ B

6

^* Ghi sult worden gedragen op scouderen, in die donckerheyt salmen v wtdragen) Ghi sult v aensicht ouerdecken ende ghi sult dat lant niet sien, want ic heb v ghegheuen den huyse van Israel tot een teeken van wondere,

* h. Voor haren oogen nemet op uwe scouderen, ende draghet daer buyten alst duyster is gheworden

7

Hierom heb ic gedaen also mi die HEER beuolen hadde, Ic bracht des des daechs mijn ^* vaten voort als vaten des ouerreysers) ende des auonts doorgraefde ick mi metter hant den wandt, ende doent doncker was ginck ic wt, ⁺ ende ^* in scouderen werde ick wt gedragen in haer aensien,)

* th. ghereescap voort als oft ick wilde reysen

+ C

* h. ic namt op die scouderen, ende droecht wt ende liet hen aensien.

8

Ende des morgens gesciede des HEEREN woort tot mi, seggende,

9

Des menschen sone, en seyden si tot v niet, thuys van Israel dat wederspannich ^* huys) wat doedi?

* the. ghesin

10

Segt tot hen Dit seyt ^* die HERE God) Desen last is opten leytsman, die in Ierusalem is, ende op al thuys van [kolom] Israel ^* int midden van hen is),

* th. heerscapende here

* th. dat onder malcanderen woont

11

Segt, ic ben v voor een teeken van wonder, Also ic gedaen heb, also sal ^* dien) gescieden, Si sullen gaen in oueruoeringhe ende in gheuanghenisse ^*

* the. v.

* h. ghi moet geuangen wech trecken. Ende die ouerste die onder hen is sal zijn scouderen laden, ende alst doncker is.

12

Ende den leytsman die int midden van hen is, salmen op die scouderen dragen, inder donckerheyt) sal hi wt gaen, Si sullen den wandt doorbooren, dat si hem wtleyden mogen ^* Men sal) zijn aensicht ouerdecken, op dat hi tlant metten oogen niet sien en sal,

* the. hi sal.

13

Ende ic sal mijn nette op hem wtspreyden, ende hi sal in mijn nette geuangen worden, Ende ick sal hem brengen in Babilonien, inder Caldeeuscher lant ende hi sal Babilonien niet sien, ende daer sal hi steruen,

14

ende al die omtrent hem zijn, ende zijn hulpe, ende zijn aenhangers sal ic verstroeyen in alle winden, ende ic sal dat swaert wter sceyden trecken na hen,

15

Ende si sullen weten dat ic die HERE ben, als icse verstroeyt sal hebben onder die heydens ende gezaeyt inden landen

16

⁺Ende ick sal van hen lieden een luttel mannen laten vanden swaerde, ende vanden honger ende vander pestilencie, om dat si al haer sonden vertellen souden inden heydens, daer si toe gaen sullen, ende si sullen weten dat ick die HERE ben,

+ D

17

Ende des HEEREN woort ghesciede tot mi, seggende,

18

Des menschen sone, eedt v broot in verstoornissen, maer oock so drinct v water met haesten, ende in droefheden,

19

ende ghi sult seggen totten volcke vanden lande, Dit seyt die ^* HERE God) totten genen die in Ierusalem woonen, ende int lant van Israel, ⁺ Si sullen haer broot in sorgen eten, ende haer water in droefheden drincken, Want dat lant sal verlaten ende verwoest worden van haerder menichten, om alder ghenen boosheyt, die daer inne woonen,

* h. heerscapende here

+ E

20

Ende die steden daermen nv in woont, sullen verwoest worden, ende dat lant, woest wesen, ende ghi sult weten, dat ick die HEERE ben.

21

Ende des HEREN woort ghesciede tot mi segghende,

22

des menschen sone, Wat ghemeyn seggen is dit, v luyden int lant van Israel seggende, In langen tijden sullen die daghen verlenghet worden, ende alle visioenen sullen te nyete gaen.

23

⁺Hierom segt tot hen, Dit seyt die ^* HEERE God) Ick sal doen ophouden dese segsprake, noch men salse niet meer in Israel segghen, Ende spreect tot hen, dat die daghen ghenaect zijn, ende dat woort van allen visioenen,

+ F

* h. heerscapende here

24

Want voort meer en sal elck visioen niet ydel zijn, noch die prophetie niet twijfelachtich int midden vanden kinderen van Israel

25

Want ick die HEERE sal spreken, so wat

[p. Q5r]

woort dat ick spreken sal, dat sal gescieden, Ten sal niet meer verlengt worden, Maer in uwen dagen ghi wederspannich ^* huys) sal ic spreken dat woort, ende ic sal dat doen, seyt die ^* HERE God

* th. ghesin

* h. heerscapende here

26

Ende des HEREN woort ghesciede tot mi, seggende,

27

Des menschen sone Siet, dat huys van Israel, die seyt, Dat visioen, dat dese man siet ^* op veel dagen, ende in langen tijden propheteert dese man,)

* th. beduyt hi op veel dagen, ende op enen tijt die noch verre van hier is

28

Daer om segt tot hen, Dit seyt God die HEERE Alle mijn reden en sal voort meer niet verlengt worden, Dat woort dat ic spreken sal, sal voldaen worden seyt die ^* HERE God)

* h. heerscapende here

§ Dat woort gods teghen die valsche propheten, die dat volck gods versmaden.