De Vorsterman Bijbel

§ Dat twede Capittel.

1

⁺DIt was een visioen der ghelijckenisse van des HEREN heerlicheyt, Ende ick sach, ende ic viel op mijn aensichte, ende ic hoorde die stemme eens, die sprack. Ende hi seyde tot mi, Des menschen sone, staet op uwe voeten, ende ic sal met v spreken.

+ A

2

Ende die gheest quam in mi, na dien dat hi tot mi sprack, ende hi settede my op mijn voeten.

⁺ Ende ic hoorde hem tot mi spreken

+ B

3

ende seggen, Des menschen sone, ic seynde v totten kinderen van Israel, totten verloopen afghescheyden volcke, die van mi wechghegaen zijn, Haer vaders hebben mijn verbont ghebroken, tot desen daghe toe,

4

ende dye kinderen zijn van harden aensichte, ende onttemmelijck van herten, tot dien dat ick v seynde, Ende ghi sult tot hen segghen.

Dit seyt die ^* HERE God,

* theb. heerscappende HERE tsi si hoorent oft latent.

5

oft si bi auentueren dat willen hooren, ende oft si bi auentueren rusten willen) want het is een ^* huys dat tot toren verwect) ende si sullen weten dat een propheet int midden van hen geweest is.

* the. wederspannich ghesin

6

Hierom ghi des menschen sone, en onsietse niet, noch en vreest niet van haren woorden, want ongeloouige ende ^* verkeerde) zijn met v, ende ghi woont met scorpioenen, En vreest haer woorden niet, ende en onsiet haer aensichten niet want het is een wederspannich ^* huys.)

* th. stekende doornen

* th. ghesin.

7

⁺Hierom sult ghi mine woorden tot hen spreken, ^* oft sise by auontueren hooren willen, ende rusten) want het zijn ^* verweckers tot gramscappe)

+ D

* th. tsi si hoorent oft latent

* th. een wederspannich ghesin

8

Maer ghi des menschen sone, hoort wat ick tot v spreken sal, ende en wilt nyet wederspannich zijn, alsoo ^* thuys) wederspannich is, Doet op uwen mont, ende eedt alwat dat ick v gheuen sal.

* th. tghesin

9

Ende ick sach, ⁺ ende siet, een hant was tot mi ^* ghesonden,) daer in was een ghewonden boeck, ende die hant spreyde dien boec wt voor mi, ende hi was beschreuen binnen ende buyten, ende daer in waren gescrehuen gheween, ende ^* een liedt,) ende wee.

+ Apo. v.a.

* th. wt ghestrect

* th. Ach

§ Hoe die propheet metten boeke gespijst wert, Ende hy creech een aensicht ghelijck eenen adamant ende wert totten ouergheuoerden gheuangenen ghesonden.