De Vorsterman Bijbel

[p. P8v]

§ Hier begint die Propheet Ezechiel

§ Hier wort bescreuen dat gesichte der vier dieren, ende dat ghesichte der raderen, Ende Gods stoelen, ende dat beelt des ghenen die daer opsadt.

§ Dat eerste Capittel

[afbeelding]

1

⁺ENde het gheuiel inden dertichsten iare in die vierde maent, inden vijfsten dage vander maent doen ic int midden der gheuangenen was, neuen die riuiere Chobar, so werden die hemelen ontdaen, ende ick sach de ^* visioenen) Gods

+ A

* the. eenen aenblick

2

Inden vijfsten daghe vander maent, dat is dat vijfste iaer ^* van des conincs Ioachims oueruoeringe)

* th. als de coninc Ioachim geuangen wech geuoert was.

3

Doen gheschiede dat woort des HEEREN, tot Ezechiel Buzi sone, den priester inden lande der Chaldeen, neuen die riuiere Chobar, Ende daer was des HEREN hant op hem.

4

⁺Ende ick sach, Ende siet, eenen stormende wint quam vanden noorden, ende een grote wolcke, ende inwoelende vier daer in, ende een claerheit rontomme van hen, ende vant midden van hen, vant middewaert des viers, gelijc een ghedaente ^* van claer metael)

+ B

* the. eens Enghels

5

ende int midden van dien een ghelikenisse van vier dieren, Ende dit was haer ghedaente, Die ghelikenisse eens menschen was in hen,

6

Ende dat een hadde vier aensichten, Ende dat een vier vlogelen,

7

Ende haer voeten ^* waren rechte voeten) ende dat onderste van haren voeten, als een onderste van eenen calfs voet, Ende die voncken gelijc dat aensien van blinckende coper,

* th. stonden recht.

8

Ende onder dye vlogelen waren menschen handen in die vier siden, Ende si hadden aensichten ende vloghelen aen vier siden

9

Ende haer vloghelen waren te samen geuoecht, den eenen aenden anderen.

⁺ Si en keerden nyet weder om, als si voort ghingen, maer elck dier ginc voor sinen aensicht,

+ C

10

Ende haerder Aensichten ghelikenisse, was eens menschen aensicht, ende eens leeuwen aensicht vander rechter siden van hen vieren Ende eens ossen aensichte ter slincker siden van hen vieren, Ende eens arents aensichte op hen vieren,

11

Ende haer aensichten metten vlogelen waren opwaerts wtghespreyt, Die twee vloghelen van elcken waren tsamen gheuoecht, ende die twee andere vloghelen bedecten haer lichamen, Ende elck vanden dieren ghinc voor zijn aensichte,

12

Waer henen datse die ^* geest) dreef derwaerts ghinghen si, Ende si en keeren niet weder om, doen si ghinghen,

* the. wint

13

Ende die gelikenisse der dieren ende haerder aensichten wa-[kolom]ren gelijc bernende colen van viere ^* ende gelijc dat aensien der lampen) Dit was dat gesichte dat omliep int midden der dieren, claerheyt des viers ende blixem comende wten viere,

* e. dye als dye fackelen branden

14

⁺Ende die dieren ghingen, ende keerden weder inder gelikenissen eens blinckenden blixems

+ D

15

Ende als ic die dieren aensach, so openbaerder een rat op die aerde neffens dye dieren, dat ooc vier aensichten hadde,

16

Ende dat aensien der raderen, ende haer werck gelijc dat aensien ^* der zee) ende een gedaente was den vier raderen, ende haer aensien ende wercken, als oft een rat waer, int midden van eenen rade,

* th. hyacinct

17

In die vier siden vanden rade ghinghen si gaende, ende si en keerden nyet weder, doen si ghingen,

18

Dat maecksele ende die hoochde vanden raderen was eysschelic om te aen sien, ende dat lichaem van dien vieren was vol oogen in haren omganck.

19

⁺Ende als die dieren ghingen, so ghingen ooc neuen hen te gader die raderen, ⁺ Ende als die dieren op verheuen werden vander aerden, so werden ooc te gader op verheuen die raderen,

+ E

+ Apo. iiij.c

20

So werwaert dat die ^* geest) ghinck als die geest ginc, werden te gader die raderen op verheuen, ende volchden hem, Want den ^* geest des leuens) was inden raderen,

* the. wint.

* the. wint des diers.

21

Metten gaenden ghingen si, ende metten staenden stonden si, ende met den opuerheuenen vander aerden, so werden te gader die raderen op verheuen, ende volchden den dieren, want die ^* gheest des leuens) was inden raderen.

* the. wint des diers

22

Ende bouen die hoofden vanden dieren, was een gelikenisse eens ^* firmaments) als een aensichte van eenen anxteliken cristalle, ⁺ Ende het was wtgespreyt van bouen op haer hoofden,

* the. veste

+ F

23

Ende onder dat firmament waren haer vlogelen opgerecht, des eens totten anderen, Elck dier bedecte sinen lichaem met twee vlogelen Ende dat ander wert ooc des ghelijcs bedect,

24

Ende ic hoorde een gheruysch vanden vlogelen, ghelijc dat geruysch van vele wateren, ende ghelijc dat geluyt des ^* hoogen) Gods als si ghingen, Ende twas een gheluyt ghelijc eender menichten, gelijc dat geluyt vanden heyrlegher, Ende als si stonden, so hingen haer vloghelen nederwaerts.

* th. almachtighen

25

Want als die stemme quam op dat firmament dat bouen haer hooft was, soo stonden si ende lieten haer vloghelen nederwaerts gaen,

26

Ende op dat firmament dat bouen haer hooft was, was die ghelikenisse van eenen throon, ghelijck een aensien van eenen Saphiersteen, ⁺ Ende op die ghelijckenisse van dien throone was een ghelikenisse, gelijc dat aensien van eenen mensche daer op.

+ G

27

Ende ick sach als dye gedaente van ^* claer metael) ghelijck dat

* the. eenen Enghel

[p. Q1r]

aensien eens viers was van binnen alom hem, Van sinen lendenen, ende opwaert, ende van sinen lendenen beneden, sach ic als die gedaente eens lichtende viers alom,

28

als dat aensien eens boge, als hi inden volcken is, inden dach alst regent, Dit was daensien der claerheyt rontsom.

§ Hier wort die propheet ghesonden om tvloc van haeren dwalingen te roepen, Ende hoe die prophee eten moste dat hem ghegeuen wert