De Vorsterman Bijbel

§ Dat .ij. Capittel.

1

⁺Aleph. HOe heeft die Here in zijn gramscap bedect met ^* donckerheden) die dochter van Sion, Ende hoe heeft hi die ^* eerbarige van Israel) neder gheworpen, vanden hemel in die aerde, ende en heeft niet gedachtich gheweest, inden dage zijnre gramscap, der bancken van sinen voeten.

+ A

* th. toorn

* th. eere van Israel § Dat is den tempel van Ierusalem.

2

Beth. Die Heere heeft neder gheworpen, ende en heuet niet gespaert alle Iacobs ^* costelike dingen) hi heeft in zijn gramschap verdoemt der maget van Iuda vaste steden, ende heeftse ter aerden gheworpen, Hi heeft dat rijck ende die princen besmet.

* th. wooninghen.

3

Gimel. Hi heeft inder gramschap zijns toorns alle Israels hoorn gebroken, Hi heeft zijn rechterhant achterwaert gekeert, van des viants aensichte, ende hi heeft in Iacob ontsteken een vier vlamme die rontsomme verslindt.

4

⁺Daleth. Hi heeft sinen booge gespannen gelijc een viant, hi heeft zijn rechterhant vast gemaect gelijc een tegenpartider, ende hi heuet doot geslagen in die wooninge die dochter van Sion, dat schoone om te siene was. Hy heeft zijn gramschap wt ghestorttet ghelijck een vier

+ B

5

He. Die Heere is gheworden ghelijck als een viant, hy heeft Israel neder gheworpen, hy heuet alle zijn vesten omgeworpen, hi heuet zijn vaste steden verdoruen, ende hi heeft ^* veruult) in die dochter van Iuda, den verootmoedichden man, ende die verootmoedichde vrouwe.

* h. vermenichfuldicht

6

Ende hi heuet zijn tente verstroeyt gelijc eenen hof, hi heuet zijn wooningen gebroken, Die HEERE heuet in Syon vergeten die feeste ende den sabboth, ende hi heeft inden verwite ende gramschap zijnder toorni-

[p. P3v]

nicheit gheleuert, den coninc ende den priester.

7

⁺Zain. Die HERE heuet versteken sinen altaer, hi heeft vermaledijt zijn gheheylichde plaetse, hi heeft in des viants hant geleuert die mueren van sinen torrens, Si gauen stemmen in des HEREN huys, ende in eenen hoogen feesteliken dach.

+ C

8

Heth. Die HERE heeft gedacht te verderuen die mueren der dochteren van Sion, Hi heuet zijn meetcoorde wtgespreyt, ende hi en heeft zijn hant niet afghekeert van die verderffenisse, Dye voorstercte ^* weende, ende die muer is te gader verstroeyt)

* theb. ende die mueren zijn te samen beclaghelic ende swac geworden.

9

Theth. Haer poorten zijn in die aerde gesoncken, hy verderf ende hi brac haer grendelen, Haeren coningen ende haer princen ^* onder die heydenen.

Daer en is geen wet) Ende haer propheten en vonden geen visioen vanden HERE.

* the. zijn sonder wet onder die heydenen

10

Ioth. Die ouders der dochteren van Sion saten op die aerde, ende sweghen, Si bestroeyden haer hoofden met asscen, Si zijn gecleet met ^* haren cleederen), die maechden van Iuda sloegen haere hoofden nederwaerts ter aerden.

* th. sacken

11

Cuph. Mijn oogen zijn flau gheworden door die tranen, mijn ingewandt is verstoort, Ende mijn leuere is wtgestort op die aerde, om die scade der dochteren van minen volcke, doen dat cleyne kint, ende dat sooghende sterf in dye straten vanden steden.

12

Lamech. Si seyden haeren moederen, waer is die tarwe ende den wijn? als si verghingen inden straten vander stat gelijc gewonde, als si haere ^* sielen) wtbliesen, in haers moeders scoot

* th. leuen

13

⁺Mem. Tegen wien sal ic v rekenen, ofte wien sal ic v gelijc maken, dochter van Ierusalem? Wien sal ic v ghelijc maken, ende vertroosten v maget, dochter van Sion? Want uwe intwee wriuinghe is groot, so groot als dye zee, wie sal v ghenesen?

+ D

14

Nun. V propheten sagen v valsche dingen ende sotte ende si en ondecten v boosheit niet, dat si v ^* tot berouwe verwecken souden) Want si sagen v valsche ^* aennemingen, ende wtuerdriuinghen)

* th. voor die geuankenis behoet hadden.

* the. verworpen lasten

15

Samech. Si sloegen op v haer handen te gader, alle die door den wech gingen, si bliesen ende roerden haer hooft op die dochter van Ierusalem, ende si seyden, Siet is dit die stat van volmaecter scoonheit, die bliscap van allen den landen?

16

⁺Phe Alle uwe vianden sperreden haeren mont op v, si bliesen, ende crijselden metten tanden, ende si seyden, Wi sullense verslinden, Siet dit is den dach dien wi ontbeyt hebben, wi hebbense geuonden ende ghesien.

+ E

17

Ain. Die HERE heeft gedaen dat hi gedacht [kolom] ⁺ heeft, hi heeft sine redenen voldaen, die hi beuolen hadde vanden ouden daghen aen, ⁺ Hy heuet te niete gedaen, ende niet ghespaert, ende heeft den viant op v verblijdt ghemaect, ende heeft verheuen den hoorn uwer vianden

+ F

+ Leui. xvi.d. Deu. xxviij

18

Sadick. Haer herte riep aenden Heere ^* op die mueren) der dochteren van Sion, Brenget tranen voort als een beke, des daechs ende des nachts en geeft v ghene ruste, noch den appele van uwen oogen en swige niet.

* thebr. o ghi muer.

19

Coph. Staet op loeft inder nacht in ^* dat beginsel der waken), stort wt v herte, als water, voor dat aenscouwen ws Heeren.

Heft op uwe handen opwaerts tot hem, voor die ^* sielen) uwer cleynder kinderen, die vergaen van honger int beghin van allen sceywegen.

* the. deerste wake

* th. tleuen

20

Res. Siet HERE ende merct, welcken ghi aldus afghesneden hebt, Sullen dan die vrouwen haer eygen vruchten niet eten, haer cleyne kinderen vander mate van eenre palmen? Oftmen dootslaet den priester ende den propheet, in des HEREN huys?

21

Sin. Dat cleyne kint ende die oude menschen lagen daer buyten apter aerden, ⁺ mijn maechden ende ionghelinghen zijn int sweert gheuallen Ghi sloechtse doot inden daghe uwer gramscap, ghi versloechtse ende en ontfermde haers niet.

+ G

22

Thau. Ghi riept als tot eenen feesteliken dach, die mi van alomme veruaren souden, Ende inden dage van des HEREN verbolgentheit en was niemant die ontulieden mochte, ende achter ghelaten worden, Die ic opgebracht hebbe ende gheuoet, mijn viandt heeft die selue verteert.