De Vorsterman Bijbel

§ Dat .lij. Capittel.

1

⁺SEdechias was een kint van .xxi. iaer, ⁺ doen hi began te regeren, ende hi regeerde .xi. iaer in Ierusalem. Ende zijnder moeder naem was Amithal, Ieremias dochter van ^* Lobna.

+ A

+ iiij.re. xxiiij d. ij.pa. xxxvi.d.

* th. Libna

2

Ende hi dede quaet in des HEREN oogen, na al dat ^* Ioachim) gedaen had,

* th. Ioiakim

3

want des HEREN toorn was tegen Ierusalem ende tegen Iuda, tot dat hise wech worpen soude van sinen aensichte. Ende Sedechias ginc vanden coninc van Babilonien.

4

Ende het geuiel inden negensten iare van sinen rijcke, in die thiende maent, opten thienden dach vander maent, ⁺ dat Nabuchodonozor, die coninc van Babilonien quam. Ende hy ende alle zijn heyr tegen Ierusalem, ende beleydent, ende si maecten tegen Ierusalem vaste bolwercken rontsom,

+ iiij.reg. xv.

5

ende die stadt was beleyt totten .xi. iare van Sedechias rijck.

6

⁺Maer in die vierde maent, opten negensten dach vander maent ^* wan die honger die stat) Ende tvolc vanden lande en hadde geen spise teten.

+ B

* th. wies die hongher inder stat

7

Ende die stat wert ^* op gebroken) ende alle haer strijtbaer mannen, die crijsknechten vloden, ende si gingen snachts wter stat door den wech vander poorten, die tusscen die twee mueren was, ende die daer leyt tot des conincs houe waert,

* th. geopent

8

Ende die Caldeeussce hadden die stadt alom beleyt. Ende dese trocken al wech, den wech ^* die inder wildernissen leyt) ende der Caldeeuscher heyr veruolchde den coninc, ende si vingen Sedechiam in de ^* wildernisse, die) neuen Hiericho is, ende al zijn geselscap vloot van hem

* h. totten blacken velde

* th. blacken velde dat

9

Ende doen si den coninc geuangen hadden [kolom] so voerden si hem totten coninc van Babilonien in Reblata, ⁺ int lant van Emath, ende hi sprac tot hem van rechte.

+ C

10

Ende die coninc van Babilonien doode Sedechias sonen voor sinen oogen Ende hi doode ooc alle die princen van Iuda in Reblata.

11

Ende hi stac Sedechias oogen wt, ende ^* spande hem in boeyen) Ende die coninc van Babilonien bracht hem in Babilonien, ende hi leyde hem in dat huys des kerckers totten dage zijnre doot.

* the. bant hem met .ij. ketenen.

12

Ende in die vijfste maent, inden thienden daghe vander maent, dat is dat negentienste iaer Nabuchodonozors des conincs van Babilonien, so quam Nabusardan de velthooftman, die voor den coninc van Babilonien in Ierusalem stont,

13

ende hi ontstack des HEREN huys, ende des conincs huys, ende alle die huysen van Ierusalem, ende elc groot huys verbrande hi metten viere.

14

Ende dat heyr der Caldeeuscher dat metten heyrs velthooftman was, braken af alle die mueren, van Ierusalem.

15

Ende vanden armen volcke, ende vanden anderen volcke dat in die stat gebleuen was, ⁺ ende vanden vluchtigen die ouer geuloden waren totten coninc van Babilonien, ende die ander vander menichten, voerde Nabusardan die velthooftman wech geuangen,

+ D

16

Maer vanden armen volcke vanden lande, liet Nabusardan die prince vanden heyr, wijngaert mannen ende ackermannen.

17

Ende die Caldeeusche braken de metalen colomnen die in des HEREN huys waren, ende die metalen stapels, ende dye metalen zee, die in des HEREN huys was, ende si voerden alle haer coper in Babilonien.

18

Ende dye potten, ende die crauwels, ende vaten, ende ^* scalen, ende die mortieren) ende alle die coperen vaten, die inden dienst geweest hadden, voerden si wech.

* th. besprengt beckens ende lepels

19

Ende die ^* vaten daermen dat ruecwerc in hielt, ende die croesenen, ende die beckens, ende die candelaren, ende die mortiers, ende die nappen. Alle die gulden waren gulden, ende die silueren waren silueren).

Dye prince vanden heyr voerdet aldus wech

* th. beckens die pannen ende bespreng beckens potten candelaren lepelen ende scalen al wat silueren ende gulden was.

20

die twee calomnen, ende een metalen zee .xij. metalen calueren die onder die stuensels waren, ⁺ die die coninck Salomon in des HEREN huys gemaect hadde. ^* Ende daer en was geen ghewichte des metaels van allen desen vaten)

+ E

* th. Dat metael van allen desen vaten, en was niet te wegen.

21

Ende vanden calomnen waren. Een calomne was achtien ellenbogen in de hoochte ende een coorde van twaelf ellebogen ^* omginc die calomne). Ende die dicte daer af was van vier vingeren, Ende si was binnen hol,

* th. was haere mate

22

Ende op elck calomne was een coperen hooft, Ende die hoocheit van eenen hoofde was van vijf ellenbogen, ende die netkens, ende die gra-

[p. P2v]

naet appelen ^* op die croone), alomme wast al coperen, Ende aldus wast ooc in die ander calomne, ende granaet appelen.

* th. knoop

23

⁺Ende der granaet appelen waren ses ende tnegentich, nederwaert hangende, ende si waren alomme hondert gemaect met nettekens.

+ F

24

Ende die velthooftman nam Saraiam den priester der eerster oordininge, ende Sophoniam den priester der tweeder oordininge, ende die wachters vander poortale,

25

Ende hi nam eenen camerlinck vander stat, die gheset was bouen die strijtbaer mannen der crijschknechten, ende seuen mannen vanden ghenen die des conincs aensicht saghen, diemen in die stat vant, ende ^* eenen scriuer), dye prince was vanden crijgers, die de nieuwe crijgers proefde, Ende tsestich mannen vanden volcke des lants, diemen int midden der stat vant,

* th. Sopher

26

Ende Nabusardan die velthooftman namse, ende hi voerdese totten coninc van Babilonien in Reblata.

27

Ende die coninck van Babilonien sloechse, ende doodese in Reblata, int lant van Emath, Ende Iuda wert alsoo ouer gheuoert wt zijn lant.

28

Dit is dat volc dat Nabuchodonosor ouer uoerde. Int seuenste iaer voerde hi ouer drie duysent, ende drientwintich Ioden.

29

Int achtiende iaer so voerde Nabuchodonosor ouer van Ierusalem, ⁺ acht hondert ende tweendertich sielen.

+ G

30

In Nabuchodonosors drientwintichste iaer, soo voerde ouer Nabusardan die velthooftman seuenhondert ende .xlv. sielen. Aldus waren dese sielen alle, vier duysent, ende ses hondert.

31

Ende het gheuiel inden seuenendertichsten iare van Ioachims des conincs van Iuda oueruaert, in de twaelfste maent, inden vijfentwintichsten dage vander maent, so verhief Euilmerodach die coninck van Babilonien, in dat iaer van sinen rijcke Ioachims des conincs van Iuda hooft, ende hi leyde hem wt dat midden vanden kercker,

32

ende sprac goede woorden met hem.

Ende hi settede sinen throon bouen der coningen throon, die bi hem in Babilonien waren,

33

Ende hi veranderde zijn cleederen zijns kerckers, ende hi adt altoos omtrent hem broot, alle die dagen zijns leuens.

34

Ende zijn ^* spijsen waren eewighe spijsen, ende werden hem) gegeuen, nae die ordinancie des conincs van Babilonien alle daghe, totten daghe zijnre doot, ende alle die daghen zijns leuens.

* h. spise wert hem dagelics

§ Hier eyndt die Propheet Ieremias.

§ Hier na volgen Ieremias tranen dat is clagingen, oft beweeningen.