De Vorsterman Bijbel

§ Dat .xiiij. Ca.

1

DWoort dat vanden HEERE geschiet was tot Ieremiam vanden woorden der ^* droocheyt)

* theb. dierten aengaende,

2

Dat ioetsce lant weende, ende haer poorten zijn geuallen, ende dlant is verdonckert, ende den roep van Ierusalem is opgecomen,

3

⁺Die meeste, sonden haer minste ten watere, Si quamen, om waeer te putten, Ende si en vonden geen water, ende si brochten haer vaten ydel, Si werden bescaemt ende gequelt, si ouerdecten haer hoofden,

+ A

4

om die verwoestheit vanden lande, want gheenen regen en quam in dat lant Die ackerluyden werden bescaemt, Si ouerdecten haer hoofden.

5

Want dat hindeken baerde op dat velt, ende verliet, om dat daer gheen cruyt en was,

6

ende die wilde ezelen stonden op die steenroetzen, ende trocken den wint in als draken, haer oogen ontbraken, om datter geen cruyt [kolom] en was.

7

Ist dat onse boosheden ons ^* antwoorden) HERE, doetet, om uwen naem, want onse afkeeringen zijn vele,

* th. beschuldighen

8

⁺Gghi zijt op den welcken Israel wachtet, Wy hebben v gesondicht, Onse salichmaker, inden tijden des drucs ende verdriets, Waerom suldy int lant als een ackerman, ende als een ganger hem afkeerende om te bliuen woonen?

+ B

9

Waerom suldy comen als een dwalende man, oft een starc man, die niet helpen en mach? Maer ghi HERE zijt onder ons, ende uwen naem is op ons angeroepen, En verlaet ons niet.

10

Dit seyt die HERE desen volcke dat bemint heeft te roeren zijn voeten ende niet en heeft gerust, ende ten genoechde den HERE niet, Nv sal hi gedencken haer boosheden ende versoecken haer sonden.

11

☞ Ende die HEERE seyde tot mi, En wilt niet bidden voor dit volc int goede,

12

Als si vasten sullen, so en sal ic haer bedinge niet hooren, ende ist dat si brantoffer ende dootoffer offeren, ic en salse niet ontfaen want ic salse vernielen metten sweerde, ende in honger, ende in sterften

13

Ende ic seyde ^* Ah, ah, ah HERE God) Die propheten seggen hen Ghi en sult tswaert niet sien, ende den honger en sal in v niet zijn, maer gewarigen vrede sal hi v geuen in dese stat.

* thebr. Ach heerschapper Heere

14

Ende die HERE seyde tot mi, Die propheten propheteren valschelijc in minen naem Ic en hebse niet gesonden ende ic en hebt hen niet beuolen, noch en heb hen niet toe gesproken Si propheteren v luiden luegenachtige visioenen, ende bedriechlike waerseggerie propheteren si v, ende dat verleyden haerder herten,

15

Hierom seyt dit die HEERE vanden propheten die in minen naem propheteerden, die ic niet gesonden en heb, ende die seggen, Tswaert ende die honger, en sal voortmeer niet zijn in desen lande, Die propheten sullen verteert worden metten swaerde ende metten honger,

16

⁺Ende die volcken, die si propheteren, sullen wtgeworpen zijn in die wegen van Ierusalem, ouermits honger ende vanden swaerde, ende niemant en sal zijn diese begrauen sal, si ende haer wiuen, ende haer sonen, ende haer dochteren, ende ic sal op hen wtstorten haer quaet.

+ D

17

Ende ghi sult tot hen segghen dit woort, Mijn ooghen brengen tranen dach ende nacht, ende en swigen niet, want met grooter intwewriuinghe, is intwee gewreuen die maghet, die dochter mijns volcks met anxteliker grooter plagen.

18

Ghae ic wt ten velde, siet, so zijn si daer verslagne metten swaerde, ende gae ic in die stede, siet, so zijn si daer vermagert van honger, Die propheet ende ooc die prister, zijn wech gegaen inden wech dien si niet en kenden.

19

En hebdy niet wechworpende, Iudam afgeworpen, oft heeft uwe ziele ^* veronwaert)

* the. onlust

[p. M7v]

Sion? Waerom hebdy ons dan aldus geslagen so datter gheen ^* gesontheyt en is?) Wi hebben den vrede ontbeit, ende daer en is nyet goets ende den tijt van te genesene, ende siet, verstoortheyt,

* th. gesonde plecke aen ons en is

20

HEERE, wi weten ende bekennen onse ongenadicheden die misdaden onser vaderen, want wi hebben tegen v gesondicht,

21

En geeft ons niet in lachter, om uwen naem, noch en doet ons geen scande, Gedenct des throons uwer heerlicheyt, ende en maect niet te niete uwe verbont met ons.

22

☞ Sijnder onder der heydenen afgoden eenige die regen geuen? ofte moghen die hemelen reghen gheuen? ^* Oft ghi niet en woudet,) En sidy nyet die HEERE onse God, dien wi verbeydt hebben? Wat ghi hebt alle dese dingen gemaect.

* ten is nyet int heb.

§ Hoe die Heere seyt dat hy nyet vermoruwet en soude worden al waert dat Moyses ende Samuel baden voor tvolc ende hi seyndtse totten vier plagen, te wetene, honger, geuanckenisse, der doot, ende den swaerde.