De Vorsterman Bijbel

§ Dat .lxij. Capittel.

1

⁺OM Sions wille, en sal ic niet swigen, ende om Ierusalem en sal ic niet rusten, tot dat zijn ^* rechtuaerdige), gelijc een schijnsel wtgae, ende zijn salichmaker gelijc een lampe aengesteken worde.

+ A

* theb. rechtuerdicheit

2

Ende die heydenen sullen ^* uwen rechtueerdigen) sien, ende alle coningen ^* uwen edelen), ende men sal v noemen met eenen nieuwen naem, den welcken dat des HEEREN mont ghenoemt heeft.

* thebr. uwe rechtuaerdicheyt

* thebr. uwe heerlicheit

3

Ende ghi sult zijn een croone der eeren in des HEREN hant, ende een coninclike croone des co-[kolom]nincrijcks in die palme ws Gods.

4

Ghi en sult voortmeer gheen verlaten geheeten worden noch v lant en sal niet meeer verwoest gheheeten worden, ⁺ Maer ghi sult geheeten worden Minen ^* wille) in haer, Ende v lant sal bewoont worden, want de HERE heeft behagen ghehadt aen v, ende uwe lant sal worden bewoont

+ B

* thebre. lust

5

Want die iongelinc sal metter maecht woonen, ende uwe kinderen sullen in v woonen, ende die bruidegem sal verbliden ouer die bruit, Ende v God sal ouer v verbliden.

6

Op uwe mueren Ierusalem heb ick bewaerders gheordineert, den geheelen dach, ende den gheheelen nacht, altoos en sullen si niet swighen, Die des HEEREN ghedenct, en swighet niet.

7

Ende en gheeft hem gheen, swigen, tot dat hi vast make, ende dat hi Ierusalem sette ^* tot een lof int aertrijcke.)

* theb. loeffelijck opter aerden.

8

Die HERE swoer bi zijnder rechter hant, ende biden arm zijnder starcheyt, ⁺ ic en sal voortmeer v terwe uwen vianden tot spise niet geuen, ende die vremde kinderen en sullen uwen ^* wijn) niet drincken, inden welcken ghi gearbeyt hebt.

+ C

* theb. most

9

Want die vergaderen sullen, sullent ooc eten, ende louen den HERE, ende dien medebrengen, sullen dien oock drincken in mijn heylige voorhouen.

10

Gaet door, gaet door die poorten, bereyt den volcke den wech, maect effen den padt, vergadert de steenen, ende verheft ^* dat teeken) totten volcken.

* th. baniere

11

⁺Siet, die HEERE heuet doen hooren totten wtersten der aerden, ⁺ Segt der dochtere van Sion, Siet, v salichmaker coemt, siet sinen loon met hem, ende zijn werc voor hem.

+ D

+ zachar. ix.c Mat. xxi.

12

Ende men salse heeten, een heylich volc die verloste vanden HEERE, Maer ghi sult worden gheheeten, wel besochte stadt, ende niet verlatene.

§ Van Christus hemelsuaert, ende lijden, Ende Christus voorledene handelinghe wort vertelt, ende dat nieuwe wort begheert.