De Vorsterman Bijbel

§ Dat .Lxi. Capittel.

1

⁺DIe gheest des HEEREN is op mi, om dat mi die HEERE ghesalft heuet, ☞ Om den saechtmoedighen te ^* vercondighen) heeft hi mi ghesonden, die bedroefde van herten te ghenesen.

Om die gheuanghenen verlossinghe ^* te prediken,) ende den gheboeyden opendoeninghe des kerckers,

+ A

* the. wt te roepen.

* the. wt te roepen.

2

Om dat ick prediken soude een ^* versoenlijck) iaer den HEERE ende den dach der wraken onsen God, om dat ick vertroosten soude alle weenende.

* th. aenghenaem.

3

Om dat ick ordineren soude den weenen-

[p. L7r]

den Sion vertroostinge, ende dat ick hen soude gheuen een croone voor asschen, olie der blischappen, ⁺ voor weeninghe, den mantel des loefs, voor den gheest des droefheits, Ende in haer sullen genoemt worden, die ^* stercken) der rechtuaerdicheit, die plantingen des HEREN, om te eerwaerdigen.

+ B

* the. boomen

4

Ende si sullen die ^* woestinen vander eewen) timmeren, si sullen die oude veruallen weder op heffen, ende si sullen die steden die verlaten waren, vernieuwen, die verwoest waren van geslachte tot geslachte.

* theb. oude woestinen

5

Ende die vremde sullen staen, ende sullen uwe vee weyden, ende der vremder kinderen sullen uwe ackerluyden ende v wijngaerdieniers zijn.

6

Ende ghi sult priesters des HEREN worden geheeten, dienaers ws Gods salmen v seggen, ⁺ die starcheyt der heydenen suldy eten, ende in haer ^* eere suldy v verhoouaerdigen.

+ C

* th. heerlicheyt v verlustighen. Ghi sult voor uwe schande dubbel ontfaen

7

Voor uwe dobbel beschaemtheit) ende roode veranderinge, sullen si haer deel louen, daerom sullen si haer lant tweeuoudich beeruen, eewige blischap sullen si hebben.

8

Want ick ben die HEERE die liefbebbe doordeel, ende hate den roof totten brantoffer En ic sal haer werc ^* in die waerheit geuen) ende ic sal een eewich verbont met hen maken.

* the. betroulijc betalen

9

Ende haer zaet sal in die heydenen bekent worden, ende haer ^* spruyte) int middel der volcken alle diese sien, sullense kennen, dat dese selue dat zaet zijn, dwelcke die HERE gebenedijt heeft.

* h. nacomelinghen.

10

Verblidende sal ic in den HEERE verbliden, ⁺ ende mijn ziele sal in minen God verhuegen, want hi heeft mi cleederen der salicheyt aengedaen, ende metten mantel der rechtuaerdicheyt heeft hi mi omuangen, gelijck een bruydegom verciert met een croone, ende gelijc een bruyt verciert met haeren halsbanden.

+ D

11

☞ Want gelijck die aerde haer wtspruytinghe voort brenghet, ende ghelijck den hof zijn zaet wt doet spruyten, alsoo sal die HERE die God doen wtspruyten rechtuaerdicheyt ende lof voor alle heydenen.

§ Hier wort Christus toecoemst voorseyt, ende die vruchtbaerhet der heyliger kercken, Ende dat geroep der wachteren. Ende van dat oordeel.