De Vorsterman Bijbel

§ Dat .xxxix. Capittel.

1

⁺IN dien tijt sant Merodach Baleadan Baleadans sone die coninc van Babilonien brieuen ende gheschencke tot Ezechiam, ⁺ want hi heeft gehoort, dat hi cranck was gheweest ende ghenesen.

+ A

+ iiij.re. xx.c

2

Ende Ezechias verblide hem van dien, ende thoonde hen die cameren der ruyckender kruyden, ende des siluers ende gouts, ende welrieckende specerie ende zeer goede salue, ende alle thuys zijnder huysraden, ende alle dat in zijn schatten wert geuonden, ⁺ daer en was gheen ^* woort) dwelcke Ezechias hen niet en toonde, in zijn huys, ende in alle zijnder macht.

+ B

* theb. dinck

3

☞ Maer Esaias die propheet quam totten coninc Ezechiam, ende hi seyde tot hem Wat seyden die mannen? ende van waer quamen si tot v? Ende Ezechias seyde, Van verren lande zijn si tot mi ghecomen van Babilonien.

4

⁺Ende hi seyde, Wat hebben si in v huys gesien, Ende Ezechias seide, So wat in mijn huys is, hebben si gesien, daer en was gheen dinc dat ic hen niet en thoonde, in minen schatten.

+ C

5

Ende Esaias seyde tot Ezechiam, hoort dat woort des HEEREN der heyrscharen.

6

Siet, die dagen sullen comen, dattet sal al dat in v huis is, ende dat uwe vaders tot scatten vergadert hebben tot desen dach toe wech genomen worden in Babilonien, daer en sal geen dinck worden gelaten, seyt die HEERE.

7

⁺Ende van uwen kinderen die wt v sullen comen die ghi winnen sult, die sullen si wech nemen ende si sullen dienende camerlingen wesen, in den pallayse des conincs van Babilonien.

+ D

8

Ende Ezechias seide tot Esaiam, des HEEREN woort is goet, dat ghi gesproken hebt Ende hi seyde, Het si doch alleene vrede ende waerheyt in minen daghen.

§ Van Ioannis des doopers toecoemste, Ende vander Apostolen prekinghe.