De Vorsterman Bijbel

§ Dat .xxvi. Capittel.

1

⁺IN dien daghe sal dit liedeken inden lande van Iuda gesongen worden ^* Sion is) die stadt onser sterckheyt, die salichmaker sal daer in gestelt worden, tot eender mueren, ende een voorborcht.

+ A

* Ten is niet int heb.

2

Doet die poorte open, ende laet dat rechtuaerdige volc ingaen, bewarende die warachticheyt.

3

Die oude dwalinghe is wechgegaen, ghi sult vrede houden, want wi hebben in v ghehoept.

4

Ghi hebt hope [kolom] ghehadt inden HEERE in die eewighe tijden, inden HEERE den starcken God inder eewigheyt.

5

Want hi sal buygen die inwoonders der hoochten, Die verhoochde stadt sal hi veenederen, hi salse vernederen totter aerden toe, hi salse neder trecken totten stof toe.

6

Die voet der armen salse vertreden, die gangen der allendiger.

7

Die pat des rechtuaerdigen is oprecht, die toepadt des rechtuaerdigen is recht om te wandelen.

8

Wi hebben v ^* HEERE) inden padt uwer oordeelen verwacht, uwen naem ende uwe gedachtenisse is die begheerte der zielen.

* ten is niet int heb.

9

Mijn ziele begheerde v inder nacht, ⁺ maer ooc met minen gheeste in mijn binnenste sal ick vroech tot v waken, Als ghi uwe oordeelen gedaen sult hebben inden lande, dan sullen alle dinwoonders der werelt rechtuaerdicheyt leeren.

+ B

10

^* Laet ons den ongodliken ontfermherticheit doen) ende hi en sal gheen rechtueerdicheit leeren doen, Hi heeft inden lande der heyligen boose dingen gedaen, ende hi en sal des HEREN heerlicheit niet sien.

* the die ongodlike heuet barmherticheyt vercregen

11

^+* HERE laet v hant verheffen, dat si niet en sien, Laetse sien ende bescaemt worden, dat benidende volc, ende laet dat vier verslinden uwe vianden.)

+ C

* the. Heere uwe hant is verheuen, maer si en hebbens niet gesien, si hebben den nijdt des volcks gesien, ende zijn bescaemt geworden ende ghi hebtse met uwer vianden vier verslonden.

12

HEERE ghi sult ons vrede geuen, want ghi hebt alle onse wercken in ons ghedaen.

13

HEERE onse God heeren, behaluen v, hebben ons beseten, alleen ws ende ws naems, willen wi gedencken.

14

Die dooden en sullen niet leuen, ende die ruesen en sullen niet weder opstaen, Daerom hebdise besocht, ende hebtse in twee gewreuen, ende hebt alle haer gedachtenisse laten verghaen.

15

HEERE, ghi hebt ^* den volcke toegegeuen) ghi hebt ^* den volcke toegegeuen) Sidi niet ^* geglorificeert) ghi hebt verlenget alle eynden der aerden.

* the. tvolck vermeerdert.

* thebre. dat volck vermeerdert.

* the. ghepresen.

16

HEERE, inden druc besochten si v ^* inder quellingen der morringe is hen uwe leeringe.)

* th. ende uwe castiende onderwisinghe heeftse leeren bidden

17

Gelijc een beuruchte vrouwe die totten baren genaect is, so roepet si smert lijdende in haer pijnen, so zijn wi geworden van uwen aensichte HERE,

18

Wi hebben ontfangen ende als in arbeyt gegaen, ende wi hebben voortgebracht ^* den gheest der salicheyt, Wi en hebben gheen rechtuaerdicheden inden lande) daerom en zijn niet geuallen die inwoonders des lants.

* th. niet meer dan eenen wint, noch en is den lande niet gheholpen.

19

Vwe dooden sullen leuen, ende mijn verslagen sullen verrisen, Ontwaect ende louet, ghi die woont int stof, want den dam des ^* lichts) is uwen dam, ende dat lant der ruesen suldy nederworpen.

* th. groene velts.

20

Ghaet mijn volck in v slaepcameren, ende sluit v dueren ouer v, ⁺ zijt verborgen een cleyne stonde tot dat mijn onwaerdicheyt door ghae.

+ D

21

Want siet, die HEERE sal wt zijn heylighe plaet-

[p. K2r]

se gaen, dat hi besoecke die onrechtuaerdicheyt des genen die daerde bewoonende is tegen hem, ende die aerde sal haer bloet ontdecken, ende en sal niet meer bedecken haer verslagen.

§ Vandie vernielinghe ende oordeel ouer den duyuel, Van den dooren des huys ende sinen wijngaert, Van der Apostolen prekinghe ende der heydenen ghelooue.