De Vorsterman Bijbel

§ Dat .xxv. Capittel.

1

⁺GHi zijt die HEERE mijn God, ic sal v verheffen, ende ic sal uwen naem. ^* beliden) want ghi hebt wonderlike dingen ghedaen

+ A

* theb. louen

[p. K1v]

^* oude gedachten getrouwe, Amen)

* thebr. uwe voornemen van outs aen zijn waractich waer.

2

Want ghi hebt geset tot eenen ^* oploop) die stadt, die vaste stadt tot eenen val, dat palleys der vremder, dattet gheen stadt en si, ende inder eewicheyt en salt niet getimmert worden.

* theb. steenhoop

3

Daerom sal v dat stercke volck ^* louen) die stadt der machtiger heydenen sal v vreesen.

* the. eeren.

4

Want ghi zijt geworden den armen, stercheit, stercheyt den behoeuenden, in zijn benautheyt, een toeuerlaet vanden stormme, een scaduwe voor die hitte, want die gheest der stercken, is gelijck den storm den wandt stootende.

5

Gelijc hitte inden ^* dorste) suldy der vremder oploop vernederen, ⁺ ende als die hitte in die scaduwe der welcken suldy die rancken der sterker doen verdorren.

* the. woestinen.

+ B

6

Ende die HEERE der heyrscharen sal allen volcken op desen berch maken een maeltijt der vetter, een maeltijt der wijnghaertsnidinghe der ghemerchder vetten, der wel gheclaerden.

7

Ende hi sal in desen berch, van bouen neder worpen dat aensicht des bants, te samen gebonden ouer alle volcken, ende dwebbe dat hi ghescoren heeft ouer alle geslachten der heydenen.

8

☞ Ende hi sal die doot inder eewicheit ^* nederworpen), Ende die HEERE God sal alle tranen afdroogen van allen aensichten, ende den lachter zijns volcs sal hi van allen den lande wechnemen, Want die HEERE heuet gesproken.

* the. verslinden

9

⁺☞ Ende si sullen seggen in dien dage, Siet dit is onse God wi hebben hem verwacht, ende hi sal ons salich maken, dit is die HEERE, wi hebben hem verwacht, Wi sullen verhuegen ende verblijden in zijn salicheyt,

+ C

10

Want des HEEREN hant sal op desen berch rusten, ende Moab sal onder hem gedorsschen worden, gelijc kaf gewreuen wort ^* met een wagen.)

* th. oft mes

11

Ende hi sal zijn hant wtstrecken onder hem, gelijc die swemmende wtstrect, om te swemmen, ende hi sal zijn heerlicheyt vernederen met tsamen slaen zijnder handen,

12

Ende die vasticheyden uwer hoogher mueren sullen te samen nederuallen, ende sullen vernedert worden, ende nedergetrocken inder aerden totten stof toe.

§ Dat liedeken der rechtueerdiger, van der rechtueerdigher wech, Van eens ongodliken hartheyt, Van die verrisenisse der dooden.