De Vorsterman Bijbel

§ Dat .xxiij. Capttel.

1

⁺DEn last ^* Tyri) huylt ghi schepen vander ^* zee,) Want dat huys is verwoest van daer si pleghen te comen, vanden lande Cethim ist hen gheopenbaert.

+ A

* the. Zor.

* the. Tharsis.

2

Swijghet ghi inwoonder des eylants die ^* comenscap) van Sidon, die opter zee varen,

* the. coopluyden.

3

hebben v veruult in vele wateren.

Dat zaet van die ryuiere ^* Nyli) zijn den oost des strooms, zijn vruchte, ende si is der Heydenen comenschap gheworden.

* th. Sichor

4

Schaemt v Sidon, seyde die zee, die stercheyt der zee segghende, ick en heb niet in arbeyt gheweest, ende ick en heb niet ghebaert, want ick en heb gheen ionghelinghen opgheuoet, noch ic en heb die maechden niet ghebrocht tot haeren vollen wasse.

5

Alst in Egypten ghehoort sal worden, so sullen si rouwich zijn, ^* als si van Tyro sullen hooren.)

* h. doent zor vernam.

6

Vaert door die ^* zee) huylt ghi die int eylant woont.

* h. Tharsis

7

⁺En is dese niet die glorieerde vanden ouden daghen, in haer outheyt? haer voeten sullense leyden verre, om te doen pelgrimagie.

+ B

8

Wie heeft dit ghedacht ouer ^* Tyrum,) die hier voormaels ghecroont was, wiens coopluyden princen zijn, ende haer cramers die edele des lants?

* the. Zor.

9

Die HERE der heyrscharen heeft dat ghedacht, op dat hi nedertrecken soude die hoouaerdie van alder eeren, ende op dat hi alle die edelen der aerden tot beschaemtheyt soude brenghen.

10

Gaet door v lant als een stroom, Ghi dochter der ^* zee) V en is gheen gordele voortaen meer.

* h. Tharsis

11

Hi strecte zijn hant wt ouer die zee, ende hi sal verstooren die conincrijcken. Die HERE heeft gheboden teghen Chanaan, dat hi zijn stercke in stucken wrijuen soude.

12

Ende hi seyde, Ghi en sult niet toe doen, dat ghi vrolijck weest, valsche beschuldinghe lijdende dochtere van Sidon tot Cethim, staet op, vaert door, daer en sal v oock gheen ruste zijn

13

Siet dat lant der Chaldeen, dit en was gheen alsulcken volck, Assur heeftse ghefundeert, si hebben haer stercke ouergheleyt in die gheuanckenisse, si hebben haer pallaysen ondergrauen, si hebbense tot eenen val geset.

14

Huylt ghi schepen ^* der zee) want uwe stercheyt is verwoest.

* h. Tharsis

15

Ende het sal zijn in dien dage ende ghi ^* Tyre) sult tseuentich iaer vergheten worden, ^* ghelijck die daghen eens conincs) Maer na die tseuentich iaren sal der stadt ^* Ty-

* the. Zor

* h. so lanc een coninc leuen mach

* the. Zor.

[p. K1r]

ro) wesen ghelijck eender hoeren liedeken.

16

⁺Neemt een harpe, ghaet die stadt omme, ghi vergheten hoere, speelt wel, vermenichfuldicht dat liedt, op datmen ws ghedencke

+ D

17

Ende tsal na die tseuentich iaren zijn, dat die HEERE ^* Tyrum) besoecken sal, ende salse tot haeren loone brenghen, ende si sal wederom met alle die conincrijcken boeleren, op dat aenschijn der aerden.

* theb. zoar.

18

Ende haere hanteringhe ende haer loonen sullen den HEERE gheheylicht zijn, si en sullen niet wech gheset worden, noch niet verborghen worden, want den ghenen die voor den HEERE woonen, sal haer comenscap toebehooren, op dat si eten tot satheyt, ende dat si ghecleedt worden totten ouderdom toe.

§ Een woort vant quaet dwelcke die HEERE ouer alle aertrijck doen sal, om der inwonoders sonden wille, Vanden daghe des oordeels.