De Vorsterman Bijbel

§ Dat .xij. Cap.

1

⁺ENde ghi sult segghen in dien daghe, HEERE ick sal v ^* belijden, want) ghi gram op mi waert, v verbolghen gramschap is ghekeert, ⁺ ende ghi hebt mi ghetroost.

+ A

* the. dancken dat.

+ Exo. xv.a. psa. c.xvij. psal. c.xl. i.pa. xvi.b

2

Siet, God is mijn salichmaker, ick sal ghetrouwelijck doen, ende ick en sal niet vreesen, want God die HEERE is mijn stercheyt, ende mijn lof, ende hi is mi tot salicheyt geworden.

3

⁺☞ Ghi sult wateren putten in blijschappen vanden fonteynen des salichmakers.

+ B

4

Ende ghi sult in dien daghe segghen, ^* Belijdet) den HERE ende aenroept sinen naem, maect kenlijck inden volcken zijn vonden, gedenct dat sinen naem hooch is.

* the. danct.

5

Loeft den HEERE met sanghe, want hi heerlijck ghedaen heeft, verbootschapt dat in alle dat aertrijck.

6

Springt op van blijschappen, ende louet ghi ^* wooninghe) van Zion, want die heylighe van Israel is groot int midden van v.

* h. inwoonders.

§ Dat Babylonien omghekeert sal worden, ende van haerder woestheyt, ende vander gheuanghenisse ende verlossinghe des volcs.