De Vorsterman Bijbel

§ Dat .xi. Capittel.

1

⁺ENde daer sal een roede wtgaen van die wortel van ^* Iesse,) ende een bloem sal op climmen van haerder wortele.

+ A

* the. Isai.

2

☞ Ende op hem sal rusten den gheest des HEREN, den gheest der wijsheyt ende der verstandenissen, den gheest des raets, ende der stercheyts, den gheest der wetentheyt, ^* ende goedertierenheyts,)

* the. ende der vreesen des Heeren

3

Ende hem sal veruullen den gheest der vreesen des HEEREN.

Hi en sal na dat ghesichte der ooghen niet oordeelen, noch hi en sal na dat hooren der ooren niet straffen.

4

Maer hi sal die arme [kolom] oordeelen in rechtuaerdicheyt, ende hi sal straffen in ghelijckheyt voor die saechtmoedighe der aerden, ende hi sal die aerde slaen metter roeden zijns monts, ☞ ende metten gheest zijnder lippen, sal hi den ongodlijcken dooden.

5

Ende rechtuaerdicheyt sal die gordel zijnder lendenen zijn, ⁺ ende dat ghelooue die gordel zijnder ^* nyeren.)

+ B

* the. dgyen

6

Die wolf sal metten lamme woonen, ende die Lupaert sal metten bock rusten, ende dat calf ende den leeuw, ende dat ^* schaep) sullen te gader woonen, ende een cleyn kint salse drijuen.

* the. ghemest vee.

7

☞ Ende ^* dat calf) ende den beyr sullen gheweyt worden, haer ionghen sullen te gader rusten, ende den leeuw sal caf eten ghelijck den osse.

* th. die koe.

8

Ende een ^* ontsprekende kint vander borst) sal lust hebben ouer dat gat der slanghen, ende een ghespeent, sal zijn hant ouer dat gat des ^* Conincs der serpenten steken.)

* th. suyghelinck.

* th. Basyliscus hol wtsteken.

9

Si en sullen niet letten, ende si en sullen niet dooden, op minen gheheelen heylighen berch, ☞ want die aerde is veruult met die kennisse des HEEREN, ghelijck dat water, die zee bedeckende is.

10

⁺Ende het sal zijn in dien daghe, ⁺ Die wortele van ^* Iesse) die tot eenen ^* teeken) der volcken staet, die sullen die Heydenen ^* bidden,) ende zijn graf sal heerlijck zijn.

+ C

+ Rom. xv.d

* the. Isai.

* th. baniere

* th. vragen

11

Ende het sal zijn in dien daghe, Die HEERE sal zijn hant anderwerf toeworpen, om die ouerbleuene zijns volcs te besitten, die van Assyrien, ouerghelaten sullen zijn, ende van Egypten, ende van ^* Phetros,) ende van Mooren lant, ende van Elam, ende van Sennaar, ende van Emath, ende vanden eylanden der zee.

* th. Arabien

12

Ende hi sal een ^* teeken) opheffen inden Heydenen, ende hi sal die vooruluchtighe van Israel vergaderen, ende die verstroeyde van Iuda sal hi vergaderen vanden vier ^* eyden) der aerden.

* th. baniere

* th. vlogelen

13

⁺Ende die vreeselijcke benidinghe van Ephraim, sal wech ghenomen worden, ende die vianden van Iuda sullen vergaen, Ephraim en sal Iudam niet beniden, ende Iuda en sal teghen Ephraim niet strijden.

+ D

14

Ende si sullen vlieghen tot die schouderen der Philistijnen, ouer die zee, ende si sullen te gader beroouen die kinderen des oostens, Edom ende Moab sullen zijn dat ghebot haerder handen, ende Ammons kinderen sullen ghehoorsaem zijn.

15

Ende die HEERE sal die tonghe der zee van Egypten ^* verwoesten,) ende hi sal zijn hant beweghen, ouer den stroom, in die stercte zijns ^* gheests,) ende hi sal hem slaen aen seuen ryuieren, so dat die gheschoeyde daer door sullen gaen.

* the. verbannen.

* the. wints.

[p. I5v]

16

Ende den ouerbleuenen ^* mijns) volcs sal hi eenen wech zijn, die ghelaten sal zijn vanden Assyriers, ghelijck hi Israel was in dien daghe, als hi opclam vanden lande van Epypten.

* th. zijns.

§ Die gheloouighe dancken God, als die toornicheyt Gods ghekeert is. Ende datmen dan dat leuende water met blijschap putten sal in dien daghe als dat licht dat Christus is, lichten sal. Want die groote heylighe is int midden van Israel die gheloouighe.