§ Een andere.
DIt zijn regulen onder wat beteekenissen der namen, tot wat geslachten ende stammen door die propheten dat woort ghedreuen wort, So wanneer totten .xij. geslachten die Rrophetie strect, so wort dat door dese namen beteekent, te wetene, Ephraim, Samarien, Israel, Ioseph, Iezrael, Bethel Beth Auen, ende somtijts Iacob. Maer wanneer hi tot twee stammen spreect, soo wort die redene door dese namen ghesproken, te wetene, Iuda, Ierusalem, Ben Iamin, Dauids huys, ende somtijts Iacob, Somwijlen wort Israel totten .xij. stammen ghetrocken, Bi den Hebreeuschen ist een dubbel sin van dese vier veersen, die voren zijn geteekent. Die sommige segghen, dattet van Esdra den scrijuere op alle die propheten alsoo ghetijtelt is, op dat een yegelijcs naem voren ghestelt, men weten mach wyens Prophetie datter volcht. Dat is die Esdras die die laetste vanden Propheten met Malachias naem gheschreuen wort. Die andere segghen, dat vanden Propheten selue, door den heylighen gheest, ghelijck dandere gemaect is.
Auteursrechtvrij