De Vorsterman Bijbel

[p. I1r]

[afbeelding]

§ Hier begint die Propheet Esaias.

§ Wat Esaias Amos sone propheteerde, ende sach ouer Iuda ende Ierusalem inden tijden Ozie, Ioathan, Achaz, ende Ezechie der Coninghen van Iuda. Ende hi riep hemel ende aerde ouer haer ondancbaerheyt. Ende die straffinghe haerder sonden, ende vanden aenghenamen dienst Gods, ende hi verwectese totten woorde des monts Gods.

§ Dat eerste Capittel.

1

⁺DAt ghesichte Esaie Amos sone, dwelck hi sach ouer Iuda ende Ierusalem, in die daghen van ^* Ozias) Ioatham, Achaz Ezechias der Coninghen van Iuda.

+ A

* the. Vzia.

2

Hoort ghi hemelen, ende aerde luystert toe met uwen ooren, want die HEERE heeft ghesproken, Ick heb kinderen opgheuoet, ende ^* verheuen,) Maer si ^* hebben mi versmaet.)

* th. opghebracht

* the. zijn teghen mi ghetreden

3

Een osse bekent den ghenen die hem besittende was, ende die ezel die cribbe zijns meesters, Maer Israel en bekent mi niet, ende mijn volck en verstaet niet.

4

Wee den sondighen volcke, een volck ^* swaer van) ongherechticheyt, den quaden zade, den misdadighen kinderen, Si hebben den HEERE verlaten, si hebben den heylighen van Israel ^* gheblasphemeert,) si zijn achterwaerts ^* veruremt.)

* the. beladen met

* h. verwect

* th. geweken

5

Waer af sal ic v voortaen meer slaen, ghi die noch toedoet ouertredinghe? Al tgeheele hooft is qualende, ende al tgheheele herte is truerich.

6

Vanden solen des voets aen, totten oppersten toppe vanden hoofde toe, en is in hem gheen gesontheyt, Wonde ende blau-[kolom]heyt ende swillende quetsure, ende en is niet verbonden, noch ^* gheheelt met medicijnen,) noch met olye gheweeket.

* th. gheplaestert.

7

Vwe lant is verwoest, v steden zijn met vyer aenghesteken, die vremde verslinden voor v teghenwoordich, uwe lantschap, ende tsal verwoest worden ghelijck met viantlijcke verwoestinghe.

8

Ende die dochter van Sion sal verlaten bliuen ghelijck een hutte inden wijngaert, ghelijck een nachthutte in die kuwoort plaetse, ghelijck een stadt die verdoruen is. ⁺

+ Roma ix.f

9

Ten ware dat ons die HERE der heyrscharen ^* zaet ghelaten hadde) Wi souden als Sodoma gheweest zijn, ende wi souden Gomorra ghelijck zijn.

* th. yet hadde laten ouerblijuen

10

⁺Ghi princen van Sodoma, hoort des HEREN woort, Ghi volck van Gomorra, ontfangt metten ooren die wet ws Gods.

+ B

11

Waer toe dient mi die menichte uwer offerhanden? seyt die HEERE, Ick ben vol brantofferen der rammen, ende ruet der vetter beesten, ende tbloet der ossen ende der ^* lammeren) ende der bocken en heb ick niet gewilt

* th. schapen

12

Als ghi quaemt voor mijn aensicht, wie heeft dat van uwen handen gheeysschet, dat ghi soudet wandelen in mijn voorhouen? ⁺

+ Iere. vi.c. Amos. v.f

13

En offert niet meer te vergheefs offerhanden, Dat ruecwerck te branden is mi een afgrijselicheyt, Die nyeuwe maenden ende den Saboth, ende ander feestdaghen en sal ick niet lijden, uwe vergaderinghen zijn onrecht.

14

Mijn ziele heeft ghehatet uwe nyeuwe maenden, ende uwe heerlijcke vyerdaghen, Si zijn mi lastich gheworden, ⁺ Ick hebbe ^* verdraghende ghearbeyt.)

+ Iere. v.f

* h. mi moede gheleden

15

Ende als ghi uwe handen wtstrecken sult, so sal ick mijn ooghen van v afkeeren, ende als ghi sult vermenichfuldighen v ghebet, so en sal ick v niet verhooren, want uwe handen zijn vol bloets.

16

^* Wort ghewasschen, weest suyuer) doet wech dat quaet uwer ghedachten van minen ooghen, ☞ Rust van quaet te doen,

* h. wascht v suyuert v.

17

leert weldoen. Soect dat oordeel, coemt te hulpe den verdructen, oordeelt die weese, Beschermt die weduwe,

18

ende coemt ende berispt mi, seyt die HEERE, ⁺ Ist dat uwe sonden als roode zyde zijn, si sullen wit zijn ghelijck die snee, Ist dat si root zijn als ^* purper wormken) si sullen ghelijc ^* witte wol) zijn.

+ C

* th. scharlaken.

* th. catoen.

19

Ist dat ghi wilt, ende na mi hoort, so suldy die goetheyt der aerden eten.

20

Maer ist dat ghi niet en wilt, ende mi tot gramschappen verwect, so sal v dat swaert verslinden, Want den mont des HEEREN heuet ghesproken.

21

Hoe is die ghetrouwe stadt vol oordeels, een hoere gheworden, die rechtuaerdicheyt woonde in haer, maer nv woonen in haer dootslaghers.

22

V siluer is

[p. I1v]

verkeert in schuym, uwen wijn is met water ghemenghet.

23

Vwe princen zijn onghetrouwe, ende ghesellen der dieuen, si beminnen alle, die ghiften, ende achteruolghen wedergheuinghen, si en oordeelen die weese niet, ☞ ende die sake der weduwen en coemt niet in tot henluyden.

24

Hierom seyt die HERE die God der heyrscharen die stercke van Israel, Och ick sal vertroostinghe ontfaen van mijn vianden, ende ick sal mi aen mijn vianden wreken.

25

⁺Ende ick sal mijn hant wederkeeren tot v, ☞ ende ick sal v roest ende schuym wtbranden inden ouen totter suyuerheyt, ende ick sal v then wech doen.

+ D

26

Ende ick sal v rechters weder stellen, so si waren inden beghinne, ende uwe raetsheeren ghelijck inden ouden tijden, Na desen, so suldy een stadt der rechtuaerdicheyt, ende een ghetrouwe stadt worden gheheeten.

27

Zion sal int oordeel verlost worden, ende si sullense wederom brenghen in die rechtuaerdicheyt.

28

Ende hi sal die misdadighe ende sondaren te samen in stucken wrijuen, ende die den HEERE verlaten hebben, sullen verteert worden. ⁺

+ Rom. ix.b.

29

Want si sullen beschaemt worden vanden ^* afgoden, den welcken si offerhande ghedaen hebben) ende ghi sult v schamen van die houen die ghi vercoren hebt.

* the. linden onder die welcke ghi v verlusticht hebt

30

Als ghi wesen sult als een ^* eycke) daer die bladeren aluallen, ende ghelijck eenen hof sonder water.

* the. linde.

31

Ende uwe stercheyt sal ghelijck een voncke van werckesteren zijn, ende v werck ghelijck een voncke, ende die sullen alle beyde te samen ontsteken worden, ende daer en sal niemant zijn die dat wtblusschen sal.

§ Wat Esaias Amos sone ouer Israel ende Ierusalem sach. Van die wet des Euangelijs die van Zion, ende dat woort dat van Ierusalem comen soude, ende welck volck des Euangelijs is ende doen sal.