§ S. Ieronymus op den propheet Daniel.
DIe propheet Daniel, naer die .lxx. ouersetters ouersettinghe, en lesen Christus kerken hem niet, gebruyckende Theodosions ouersettinghe, Waeromme dattet gheschiet, en weet ick niet, oft om dat dye redene Caldeusch is, ende sommighe eygendommen van onser sprake gescheyden heeft, dat daerom die .lxx. ouersetters daerom die lijnie niet en wilden volgen vander voorseyder talen, oft onder haeren naem van eenen anderen, ick en weet niet, van wien, die die Caldeeusche tale nyet gheweten en heeft, dit boeck wtgegeuen is, oft wat anders inden weghe geweest is, dat mach ick beuestighen, dattet vele vander waerheyt schilt, ende met rechten oordeele, versteken is. Men sal oock weten, dat Daniel meeste ende Esdras met Hebreuschen letteren, maer met Caldeeusche sprake ghescreuen zijn, ende een deel Ieremie, dat zijn die beclagingen, Ende oock heeft dat boeck Iob met die Arabische tale vele ouercominghen etce.
[kolom]
Auteursrechtvrij