De Vorsterman Bijbel

§ Dat .xliiij. Capittel.

1

⁺LAet ons die eerweerdige mannen louen, ende onse ouderen in haer gheslachte

+ A

2

dye HERE heeft veel eeren gemaect, zijn grootdadicheyt is vander eewicheyt.

3

Menschen groot van crachten ende verciert met haer voorsichticheit, heerscapende in hare moghentheden, vercondigende inden propheten die weerdicheyt der propheten,

4

ende gebiedende den volcke inden teghenwoordighen tijt, ende mids die crachte der voorsichticheyt, den lieden, dye alderheylichste woorden vercondighende.

5

In haer kintsheit versoeckende die maten des zancs, ende vertellende der scrifturen liedekens:

6

ryke menschen inder duecht meersticheit der schoonheyt hebbende, vreed maken in haren huysen.

7

Alle dese hebben eere inden geslachte haers volcs vercreghen, ende in haren daghen werden si in prisinge ghehouden,

8

⁺die van hen geboren zijn hebben den name des vertellens haerder prisinge ghelaten.

+ B

9

Ende daer zijnder daer gheen gedachtenisse af en is, si zijn vergaen als die niet en waren, ende si zijn geboren als niet gheboren, ende haer kinderen met hen.

10

Maer dat zijn mannen der ontfermherticheit der welcker goddiensticheden niet en gebraken

11

met hueren geslachten bliuen goede dinghen,

12

huer neuen zijn een heylighe erffenisse. Ende huer zaet heeft gestaen in dat testamente.

13

Ende huerder kinderen zaet blijft om huerrent wil tot inder eewicheyt. Haer zaet ende haer eere en sal niet worden verlaten.

14

⁺Haer lichamen zijn in vrede begrauen, ende haren naem sal van geslachte tot geslachte leuen.

+ C

15

Die volcken moeten haer wijsheyt vertellen, ende die vergaderinge der gheloouiger moet haren prijs vercondigen.

16

Enoch behaechde Gode, ende hi is ouergeuoert int paradijs, op dat hi den heydenen wijsheit gheue. ⁺

+ Gene. v.c. Hebre. xi.b

17

Noe is een volmaecte rechtueerdige geuonden, ⁺ ende inder tijt der gramscapen is hy die versoeninge gemaect,

+ Gene. vi.b Hebre. xi.a

18

daerom is hi dat ouerblijfsel der aerden ghemaect, als die diluuie ghesciede

19

Die testamenten der werelt zijn bi hem gheset op dat alle vleesche mids der diluuien niet [kolom] en soude moghen worden wtghedaen.

20

⁺Abraham een groot vader der menichte der heydenen ende zijns ghelijken en is niet gheuonden inder eeren. ⁺ Die de wet des hoochsten heeft onderhouden, ende was inder beloften met hem.

+ D

+ Ge. xxij.c. Hebr. xi.d

21

In zijn vleesch dede hi dat testament staen, ende hy is ghetrou gheuonden inder temtatien.

22

Hier om ghaf hi hem met ghesworen eede in sinen volcke, hem te wassen als eenen hoop eerden,

23

ende zijn zaet als sterren te verheffen, ende te beeruen vander zee totter zee, vanden stroome totten eynde des aertrijcs toe.

25

Die HEERE heeft hem die gebenedidinge alder heidenen gegeuen, ende hi heeft zijn testament vast gemaect op Iacobs hooft.

26

Hi bekende hem in sinen gebenedijnge, ende hi gaf hem erffenisse, ende deelde hem dat deele in tweelf gheslachten,

27

ende hi behielt hem die menschen der ontfermherticheyt, vindende ghenade inden ooghen al des vleeschs.