De Vorsterman Bijbel

(ca. 1528-1531)–Anoniem Vorsterman Bijbel– rechtenstatus



§ Dat .vij. Capittel.
1 Ga naar margenoot+EN wilt gheen quade dinghen doen, Ga naar margenoot+ ende si en sullen v niet beuaen,
2 Ghaet wech vanden ongerechten, ende die quade dinghen sullen van v ghebreken,
3 Mijn kint en zaeyt gheen quade dinghen inden voren der ghe-[kolom]rechticheyt, ende ghy en sultse niet weder seuenuoudich mayen,
4 En wilt gheen hertoochdom vanden mensche soecken, noch vanden coninck den setel der eeren, Ga naar margenoot+
5 En rechtueerdicht v niet voor God, want hi is die bekenner des herten, ende bi den coninc en wilt niet wijs gheacht worden,
6 En wilt nyet soecken rechter te worden, Het en sy dat ghy met cracht der ongherechticheyden vermoecht te breken, op dat ghi niet messchien des machtighen aensicht en ontsiet, ende dat ghy arghernisse sedt in uwer rasheyt,
7 En sondicht niet in die menichte der stadt, noch en worpt v niet int volc,
8 noch ghi en sult niet dubbel sonden te samen bijnden, want ghy en sult nyet in een sonde ontschuldich zijn.
9 Ga naar margenoot+En wilt niet cleynmoedich zijn in uwen gemoede,
10 En versmaet niet te bidden ende aelmoesen te doen,
11 En segt nyet, Godt sal aenscouwen in de menichte mijnder gauen, ende als ic den alderhoochsten God sal offeren, soo sal hi mine ghiften ontfaen.
12 En bespot ghenen mensce in die bitterheit zijns moets, Ga naar margenoot+ Want God die al omme scouwet, is die vernedert, ende verhoocht,
13 En wilt die luegen teghen uwen broeder niet beminnen, noch en doet teghen den vrient des ghelijcs oock niet.
14 En wilt niet willen lieghen eenighe lueghene, want haer ghewoonte en is nyet goet.
15 En wilt nyet veele woorden hebben by dye menichte der ouderen, ende en verhaelt uwe woorden niet in dijne redenen.
16 En versmaet gheen arbeydelijcke wercken ende dat ackerwerck dat vanden alderhoochsten gheschapen is. Ga naar margenoot+
17 En acht v nyet in dye menichte der onghemanierder.
18 Ghedenct der gramschappen, Want si en sal niet vertoeuen,
19 verootmoedicht uwen gheest seer, Want dye wrake des vleeschs des ongoddelijcken is viere, ende ghewormte.
20 En wilt niet ouertreden teghens den vriendt, dye het ghelt vertrect, noch en versmaet uwen alder liefsten broeder niet, om gouts wille.
21 Ga naar margenoot+En wilt niet wech ghaen van een wijse, ende goede vrouwe, dye v te deele is gheuallen inder vreesen des HEEREN, want die gratie haerder scaemten is bouen gout.
22 En quest den knecht niet werckende inder waerheyt, noch den huerlinck gheuende zijn siele.
23 Een wel ghesinde knecht si van v bemint als v siele, ende en ontrect hem die vrijheyt nyet, noch en laet hem nyet arm,
24 Hebt ghi beesten, hebt daer ghemerck op, ende zijn si orborlic, so laetse by v volherden,

[pagina F2v]
25 Hebt ghi sonen, Ga naar margenoot+ so onderwijtse, ende buychse van haerder kintsheyt op,
26 Hebt ghi dochteren, bewaert haer lichame, ende en thoont v aensicht nyet vrolick te haer waerts,
27 Besteedt v dochter, ende ghy hebt een groot werck gedaen, ende gheeftse eenen verstandigen manne,
28 Hebt ghi een wijf na v ziele en verworptse niet, ende en ghelooft v der hateliker niet, in alle uwer herten,
29 Eeret uwen vader, Ga naar margenoot+ ende en vergheet uwer moeder suchtingen niet,
30 ende ghedenct dat ghi niet en waert, en waert ghi niet door die geboren? ende geuet hen weder, soo si v hebben ghedaen.
31 Ga naar margenoot+Vreest God wt alle uwer zielen, ende heylighet zijn priesters,
32 Hebt hem lief, in alle uwe cracht, dye v ghemaect heeft, ende en verlaet zijn dienaers niet,
33 eert Godt wt alle uwer zielen, ende eert die priesters, ende reynicht v metten armen, Ga naar margenoot+
34 Geeft dien het deel der eerster vruchten, ende der suyueringe, ghelijck v gheboden is, ende van uwer versumenisse suyuert v met luttelen,
35 Ghy sult den HEERE offeren die gaue uwer armen, ende die offeranden der heylichmakinghe, tot eenen beginne der heyligen,
36 ende den armen reyct v hant, op dat dye versoeninghe ende v benedictie volbracht worde,
37 ende die genade der gheuinghe is int aenschouwen alles leuendens, ende den dooden en verbiet die ghenade niet,
38 En verlaet den schreyenden niet, in troostingen ende wandelt metten roudragenden,
39 En laet v niet verdrieten den crancken te besoecken, Ga naar margenoot+ want wt desen suldi in die liefde vast ghemaect worden,
40 In alle uwe wercken gedenct uwer wterster, ende ghi en sult inder eewicheyt niet sondighen.	margenoot+ A margenoot+ Dye van het quaet nyet geuangen en wil werden die scouwe dat margenoot+ Nyemandt sonder sonde voor god margenoot+ B margenoot+ Die luegen salmen vlien margenoot+ Die wijse man ghebiet te wercken margenoot+ C margenoot+ Hoe dat die ouders hen hebben sullen voor hare kinderen. margenoot+ bouen int .iij cap. b. Tob. iiij.a. margenoot+ D margenoot+ Leuit. ij.a. margenoot+ Datmen den siecken ende den crancken sal te hulpen comen. Mat. xxv.

Vorige Volgende

§ Dat .vij. Capittel.

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40