De Vorsterman Bijbel

§ Dat .v. Ca.

1

⁺EN wilt niet staen na ongerechtighe besittingen, ende en segt niet, Ic heb noch leuens genoech, ⁺ Want het en sal niet vorderen, inder tijt der wraken ende der ouertreckinghe,

+ A

+ Men sal niet betrouwen in rijcdom

2

En volcht die begheerlijcheden ws herten niet, in uwer stercheit,

3

noch en segt niet Hoe mocht ick, oft wye sal my onderworpen om mijnder wercken wille? Want God sal wrekende wreken,

4

En segt nyet, ick heb ghesondicht, ende wat is my droeflijcs ghebuert? ⁺ Want die alderhoochste is een lijdtsamighe loonder,

+ Proue. x.a.

5

Vanden vergheuenden sonden en wilt niet sonder vreese zijn, noch en doet ooc deen sonde op die ander niet,

6

Ende en seght niet, Die ontfermherticheyt des HEREN is groot, Hi sal der menichfuldicheyt mijnder sonden ontfermen,

7

Want die ontfermherticheyt ende dye gramschap naken haestelic van hem, ende zijn gramschap siet teghen die sondaers,

8

⁺En vertraecht niet totten HEERE te keeren, ⁺ ende en vertreckes niet van daghe tot daghe,

+ B

+ Deu. xxij.b

9

Want zijn gramschap sal onuersiens comen, ende hy sal v inder tijt der wraken vernielen,

10

En wilt niet te seer begeerich zijn na onrechtueerdighe rijcdommen, want si en sullen v niet baten, ⁺ inden dach der ouertreckinghen ende wraecs,

+ Prou. xi.a.

11

En weyfelt v niet in allen wint, ende en ghaet niet in alle weghen, want alsoo wort alle sondaer gheproeft, in die dubbel thongye,

12

Weest vast inden wech des HEEREN, ende in waerheyt ws sins, ende kennisse, ende dat woort des vredes, ende der gerechticheyt volghet na,

13

Weest saechtmoedich om Godts woort te hooren, op dat ghijt muecht verstaen, ⁺ ende met wijsheyt suldi waerachtige antwoorde voor brenghen.

+ Het woort gods salmen hooren met saechtmoedicheyt, ende dat selue wtspreken met wijsheit.

14

Ist dat ghy verstant hebt, soo antwoort uwen naesten, Maer is dat nyet, soo si uwe hant op uwen mont, ⁺ op dat ghi niet gheuangen en wort in een ongeleert woort, ende wordet beschaemt,

+ C

15

Eere ende heerlicheyt is in eens wijschs redene, Maer die tonghe der onuersichtigens is zijn verderffenisse,

16

En wordet gheen oorblaser geheeten in uwen leuen, ende [kolom] en wort niet gheuaen midts uwer tonghen, ende wordet beschaemt,

17

Want van eenen dief is beschaemtheyt ende berou, ende ouer den twee tongighen is dye alderquaetste merckinghe, Maer den oorblasere is hate, ende viantschap, ende versmaetheyt,

18

Rechtueerdicht den cleynen ende den grooten ghelijck