De Vorsterman Bijbel

(ca. 1528-1531)–Anoniem Vorsterman Bijbel– rechtenstatus



§ Dat .iiij. Capittel.
1 Ga naar margenoot+MIin kindt, en ontrect noch en vermindert die aelmoese des armen niet, ende en keert v ooghen niet omme, Ga naar margenoot+ vanden arme,
2 En versmaet die hongerige siele niet, noch en spreect den armen niet spijtelic toe in sinen gebreke,
3 En quelt des armen herte nyet, ende en vertrect den benauden die giften niet,
4 En verworpt die bede des ghequelden niet, ende en keert v aensicht niet af vanden behoeuenden
5 En keert v oogen niet van de arme om die gramschap en laet niet die v van achter soecken te vloecken, Ga naar margenoot+
6 Want tgebet des genen die vloeckende is mids bitterheyt zijnder sielen sal worden verhoort, want die hem gemaect heeft, die sal hem verhooren,
7 Maect v gespreecsaem, der verghaderinge der armen, ende verootmoedicht den oudere v siele, ende den eersamen neycht uwe hooft,
8 Neycht neder v oore den arme, sonder droefheit, ende bethaelt v schult, ende antwoort hem vriendelijc in saechtmoedicheit,
9 Verlost hem die onrecht lijdt van des hooueerdichs [kolom] hant, ende en nemes niet suerlijc in uwer sielen
10 Int oordeelen weest den weesen ontfermhertich, Ga naar margenoot+ als een vader, ende weest haerder moeder voor een man,
11 ende ghi sult gehoorsaem wesen, als des alderhoochsten sone, Ga naar margenoot+ ende hi sal uwer meer ontfermen, dan v moeder,
12 Die wijsheyt instortet haren kinderen, Ga naar margenoot+ dat leuen, ende si ontfanctse die haer versoeken,
13 ende si sal voorgaen inden wech der gerechticheyt, Ende wiese bemint, die bemint dat leuen, Ende die tot haer waert waken, die sullen haer behaghen omhelsen,
14 Dyese behouden, dye sullen dleuen beeruen, ende waer si in sal gaen, daer salt Godt gebenedien,
15 Die haer dienen, die sullen den heylighe dienen, ende diese bemint die bemint Godt,
16 Dyese hoort die sal die heydenen oordeelen, ende diese aenschout, die sal betrouwende bliuen,
17 Ist dat hi haer ghelooft, so sal hise beeruen, ende huere creatueren sullen in beuestinge zijn,
18 Ga naar margenoot+Want inder becooringhe wandelt si met hem, ende si verkiest hem inden eersten,
19 Vreese, ende anxt ende proeuinghe, sal si op hem brenghen, ende si sal hem pijnigen, in den druck haerder leeringhen, totter tijt toe, dat si hem gheproeft heuet, in sinen gedachten, ende dat si zijnre sielen gelooue,
20 Si sal hem vastmaken ende si sal hem totten rechten wech brengen, ende si sal hem verbliden
21 ende si sal hem haer verborghentheden ontdecken, ende sal tot eenen schat vergaderen op hem kennisse, ende verstandenisse der gerechticheyt,
22 Maer ist dat hi doelt, soo sal si hem verlaten, ende sal hem in zijns viants hant leueren,
23 Mijn kint, onderhout den tijt, ende schouwet dat quaet,
24 En scaemt v niet waer te seggen voor v siele,
25 Want daer is een beschaemtheyt die sonde in brengt, ende daer is een beschaemtheyt die heerlicheit ende gratie toe brengt,
26 En ontfanct gheen aengesicht tegen v aensicht, noch lueghen teghen v siele
27 Ga naar margenoot+En ontsiet uwen naesten niet in sinen valle,
28 noch en verhout dat woort niet, inder tijt der salicheyt, En verbercht v wijsheyt nyet in haerder schoonheyt,
29 Want men bekent die wijsheyt in die tonge, ende sin, ende kennisse, ende leeringhe, ende in dat woort des verstandigen, ende die vasticheyt in die wercken der gerechticheyt,
30 En segt in gheender manieren tegen dat woort der waerheyt, ende wordet beschaemt vander lueghen uwer ongheleertheyt,
31 En schaemt v niet v sonden te beliden, Ga naar margenoot+ ende en onderworpt v niet alle menscen om der sonden wille,
32 En wilt nyet wederstaen teghen des machtighen aensichte, noch en arbeyt nyet teghen den blixem,
33 Strijdt om
[pagina F1v]
die gerechticheyt voor uwe siele, Ga naar margenoot+ ende strijt ter doot toe, voor dye gherechticheyt, ende God sal uwe vianden voor v vechtende verwinnen,
34 En wilt niet haestich zijn in uwe tonghe, ende onnutte, ende slap in uwen wercken
35 En wilt nyet zijn in v huys als eenen leeu, omkeerende v huysghesin, ende verdruckende die v onderworpen zijn,
36 Dijn hant en si niet wtghestrect om ghiften te ontfanghen, ende ghesloten om te gheuen	margenoot+ A margenoot+ Datmen die oogen niet slaen en sal vanden armen Tobia. iiij b margenoot+ Aenmerct. margenoot+ Dat den rechter sal barmherticheyt bewijsen den weeskens. margenoot+ B margenoot+ Dat profijt dat die wijsheyden toebrenget margenoot+ C margenoot+ D margenoot+ Men sal niet schamen dye sonden te biechten margenoot+ Men sal vore die rechtuaerdicheit strijden totter doot toe

Vorige Volgende

§ Dat .iiij. Capittel.

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36