De Vorsterman Bijbel

§ Dat .vij. Capittel.

§ Christus totter Sinagogen.

1

⁺WAt siet ghi aen die ^* Sunamithinne) dan reyen ^* der heyrlegheren.)

§ Christus tot der heyligher kercken.

Hoe huebsch is uwen ghanc in den schoenen, ghi Princen dochter, Vwe ^* dgien) staen gelijc aen malcanderen, gelijc twee halsbanden, die door eens meesters handt ghesmeet zijn.

+ A

* the. Sulamith

* th. tot Mahanim.

* lendenen

2

Vwen nauel is gelijc eenen ronden Nap dien nimmermeer dranc en ontbreect ⁺ Vwen buyck is gelijc eenen tarwen hoop, met Lelien omset.

+ B

3

Vwe twee borsten zijn gelijck twee ionghe ^* hindekens tsamen van een rhee ghecomen,)

* the. rehen tweelingen,

4

Vwen hals is ghelijck eenen yuoren thorren. Vwe ooghen zijn gelijc die poelen tot Hesebon die aen die poorte

[p. D9v]

^* zijn vander dochteren der menichte) Vwe ⁺ nuese is ghelijck den torren op Libano, die teghen Damascon siet,

* the. BathRabbim

+ C

5

Vwe hooft staet op v, ghelijck Carmelus. Die crans van uwen hoofde, is gelijck den purpuer des conincs, in ployen ghebonden.

6

Hoe schoone ende hoe lieflijck zijt ghi, ghi die zeere beminde inder wellusten.

7

Vwe lengde, is ghelijck eenen palmboom, ende uwe borsten den wijndruyuen.

§ Die bruydegom vanden heylighen cruyce.

8

Ic sprack, Ick sal opten palmboom climmen ende sine ^* ruchte) aengrijpen.

§ Die bruydeghom vander bruyt.

Ende uwe borsten zijn ghelijck druyuen aenden wijnstock, ende ws ^* monts) rueck gelijck rueck der appelen,

* th. tacken

* theb. nase

9

ende uwe kele gelijc zeer ghoeden wijn.

§ Die heylighe kercke seyt van Christo.

Die is waerdich minen lief, om te drincken, ende sinen lippen ende tanden, om te erkauwen.

§ Die bruyt seyt vanden bruydeghom.

10

Ick behoore minen lief toe, ende ^* tot mi is zijn bekeeringhe.)

§ Die kercke spreect tot Christum.

* th. hi hout hem ooc tot mi.

11

⁺Coemt mijn lief, Laet ons wtgaen inden acker, ende in die lanthuysen woonen,

+ D

12

ende vroech opstaen totten wijnberghen, dat wi sien oft den wijnstock bloemet, oft die bloemen vruchten voortbrengen, Oft die Granaetappelboomen gebloemt hebben, Aldaer sal ick v mijn borsten gheuen.

13

Die Mandragoren hebben haeren rueck gegeuen in onsen poorten, Mijn lief, ic hebbe v gehouden alle appelen, beyde oude ende nieuwe.

§ Die stemme der Patriarchen van Christo.