De Vorsterman Bijbel

§ Dat .vi. Capittel.

§ Die stemme der heylighe kercken.

1

⁺MIin lief is nedergeghaen in sinen hof, tot den welruyckenden cruydts voorhoefken, dat hi hem in die houen soude weyden, ende Lelien plucken

+ A

2

Ic behoore mijnen lief toe, ende mijn lief mi, hi die onder die Lelien gheuoet wort.

§ Christus spreect tot der kercken.

3

Ghi zijt schoone mijn vriendinne, ^* soet ende eersaem) lieflijc gelijc Ierusalem veruaerlijc ghelijc een heyrs ordinancie gestelt met den vlueghelen inden leghere.

* h. ghelijck Tirza

4

Keert uwe [kolom] oogen van mi, want si ^* deden mi wech vliegen) Vwe haren zijn gelijc een cudde gheyten, die opten berch Galaad ^* openbaerden)

* the. hebben mi houaerdich ghemaect.

* h. gheschoren zijn.

5

Vwe tanden zijn gelijc een cudde schapen, die wt den wassce comen, die altemale ^* twee vruchten) draghen, ende daer en is gheene onuruchtbare onder hen.

* th. tweelinghen

6

Vwe wangen zijn gelijc een ^* schelle) van eenen Granaet appele, behaluen ^* dat van binnen verborghen) is.

* th. schoere

* h. uwe tuyten.

7

Tsestich is der coninghinnen, ende tachtentich der bislaperssen, ende der iongher meyskens en is gheen ghetal.

8

⁺ Maer eene is mijn Duyue mine volmaecte, Een is haerder moeder die liefste, ende die wtuercorene haerder moeder, Die dochteren ^* van Sion) hebbense ghesien, ende hebbense wtgheroepen, die alder salichste te wesen, Die coninghinnen ende bislaperssen loefdense.

Die stemme der Sinagogen.

+ B

* ten is niet int hebree.

9

Wie is dese die voortcoemt, ghelijck die dagheraet, schoone ghelijck die Mane, Wtuercoren ghelijck die Sonne, Veruaerlijck ghelijck als die heyrlegheren in haer gheschicte ordinancie.

§ Die kercke spreect totter Sinagogen.

10

Ick ben neder ghegaen inden notenhof, ⁺ om te beschouwen die struyxkens aen die beke, om te beschouwen, oft den wijnstock bloemet, oft die granaetappelen groenden.

§ Die stemme der Sinagogen.

+ C

11

Ick en hebts niet geweten, Mijn ziele is verstoort ende verbaest gheweest, om die waghenen Aminadab.

§ Die stemme der heyligher kercken weder roepende die Sinagoge.

12

Keert weder, Keert weder, O ^* Sunamithe) Keert weder, Keert weder, dat wi v aenschouwen.

* the. Sulamith,