De Vorsterman Bijbel

[p. D3v]

[kolom]

[afbeelding]

§ Hier beghint dat boec Ecclesiastes.

§ Vander werelt ydelheyt, Van die curioese disputacien, Ende van die begheerlicheyt tot veel gheleertheyt, Ende hi bewijst die ydelheyt, ende den druck, ende benautheyt des gheests.

§ Dat eerste Capittel.

1

⁺DIt zijn die woorden ^* Ecclesiastis) Dauids sone des conincs van Ierusalem,

+ A

* th. des predicans

2

Het is alle gheheelijck ydelheyt bouen ydelheyt, sprac ^* Ecclesiastes.) Het is alle ydelheyt bouen ydelheyt, ende alle dinghen zijn ydelheyt.

* th. die predicant

3

Wat heeft die mensche meer van alle sinen arbeyt daer mede hi omme gaet onder der sonnen?

4

Dat een gheslachte vergaet, dat ander coemt, maer die aerde blijft eewelijck staende.

5

Die sonne ghaet op, ende gaet weder onder, ende gaet weder tot haere plaetse, ende daer wort si wederom geboren

6

ghaende rontsomme door tzuyden, ende wort wederom ghebrocht totten noorden. Den wint ghaet alle dingen ouersien inden ommeghanc, ende coemt wederomme tot die plaetse daer hi begonste.

7

Alle wateren loopen in die zee, nochtans en loopt die zee niet ouer Tot die plaetse daer van die riuyeren wt vloeyen, vloeyen si weder derwaerts, op dat si wederom souden vloeyen.

8

⁺Alle dingen zijn waer, Niemant en cant met redenen wt ghespreken, Die ooghe en siet haer nimmermeer sat, Ende die oore en hoort haer nimmermeer sadt.

+ B

9

Wat ist dat gheweest is? Effen dat noch zijn sal. Wat ist

[p. D4r]

dat gemaect is? Effen datmen noch maken sal.

10

Ende daer en is niet nieus onder der sonnen. Noch niemant en can gheseggen, siet, dat is nieuwe? Want het al voor gheweest is in voorledene tijden, die voor ons geweest zijn.

11

Men en gedenct des voorledenen niet meer, Alsoo ooc des dat namaels comen sal, en salmen niet ghedencken, bi den ghenen die namaels zijn sullen.

12

Ick ^* Ecclesiastes) was coninck ouer Israel in Ierusalem,

* h. predicant

13

ende begaf mijn herte te soecken ende te ondersoecken wijslijc, alle wat onder ^* die sonne) gheschiet. ⁺ Alsulcken onsalighen moeyte heeft Godt den kinderen der menschen gegeuen, dat si hen daer mede souden becommeren.

* h. den hemel

+ C

14

Ic aensach allet doen dat onde der sonnen gheschiet, ende siet, het was ydelheyt ende iammer

15

^* Die verkeerde worden seer qualijc verbetert door berispinghe, ende der sotten ghetal is sonder eynde.)

* the Dat cromme en kan nyet slecht worden noch tgebrec getelt worden

16

Ic sprac in mijnder herten seggende, siet Ic ben heerlijck geworden, ⁺ ende hebbe meer wijsheyden dan alle die voor mi gheweest zijn te Ierusalem, Ende mijn ^* verstant) had vele dingen wijslijc ouerdacht, ende ick hebse gheleert.

+ D

* theb. herte

17

Ende ghaf mijn herte ooc daer toe, dat ick soude bekennen wijsheyt ende voorsienicheyt, ende oock dwaesheyt. Maer ick wert gewaer, dat daer ooc moeyte inne is,

18

Want waer vele wijsheyden is, daer is vele ommoets. Ende wie vermeerdert die conste, die vermeerdert ooc dat lijden.

§ Dat in oueruloedicheyt der wellusten ende timmeringen ende rijcdommen ydelheyt is, Ende dat van die hant Gods blijschap coemt.